唉...星期五懶咗成日...仲諗住做返啲phy等星期六返去phy學科精英有返啲交代，點知都係冇做過，所以琴日返到去係喺度發夢咁...miss明顯見到我嗰樣係呆既...所以係咁問我得唔得...全世界望住我。暑假返去補課分組講咗喇，喺第一組，又係得我一個女仔...琴日就開始嗰陣，何耀文打嚟，問我"你返到未呀?"，我梗返到啦...miss仲喺我面前tim呀，miss見我喺度講電話，陰陰嘴笑問我邊個嚟ge...咦...肯定唔知諗咩...呢頭答完佢，何耀文就返到喇~佢都返到啦!做咩要打比我喎!不過喺呢啲冇女仔既情況下，何耀文都會陪我~真夠朋友呀下!不過有我都未必會同佢哋一齊，是關某啲人太是非了...

今日8點半起身温BIO，但係唔知點解誇張到温咗成日都仲係嗰課...睇嚟係温唔晒喇，今日仲要洗完頭走去瞓咗陣覺...而家嗰頭痛到想死...

今朝上台宣佈，其實應該係成個月前既事嚟ga la，因為次次早會都落雨，所以到今時今日至講，得一個人講，好驚...好緊張...今次應該冇講錯喇~可能讀慢咗既關係啦~強裝好淡定咁，點知隻手一開始嗰陣喺度震，出賣咗我...

今日考chem，第2册嗰啲跟本出得好少，大多數出第1册，仲話第2册出多啲...mol嗰啲又出得好少...整體嚟講呢份卷就係難啦...聽講好多人都做唔晒tim呀~

到目前為止考咗既卷當中無人份係比較易，都正常既~考試ma~但係我哋温嗰啲佢又唔出，冇關係嗰啲就出得好多，都唔知想點，琴日maths就死得人多咁~考完long Q啲人癲晒~跟住又考MC喇...

過埋下星期三就可以放鬆一下喇~

奇怪~我明明有好多嘢好想打，但係又冇打到...

今日係第一日考試，考中文作文同綜合能力，作文3揀1，3篇都好難揀落手，最後揀咗3.論香港人的陋習  原因係因為唔駛作，想講咩就講咩~綜合能力聽完啲資料感覺上好似冇用咁，跟住又係作文...寫講稿...500字以上...講稿都要500字...仲等我係咁温會議紀錄、建議書同新聞稿...今日總之就係咁作文，寫到我都癲癲地...

放學同alice返lok fu食lunch~跟住扭蛋~返到嚟又好攰，瞓咗覺...唉...做咩要瞓呢!?浪費啲時間...

之前作嗰篇"校園生活的苦與樂"比miss讀咗出嚟，已經覺得好醜，點知而家叫我打出嚟，出年晨讀資料post出嚟，今晚一路打，一路覺得自己有多麼的智障...唔知嗰陣痴咗咩線寫咗咁多唔應該寫既嘢出嚟...真羞家...天呀...之前葉傑(女仔)叫我扮晒睇唔清打少嗰句"睇高年級同學打波"，但係唔得lor，而且打打下發現唔止嗰句唔出得街，好多嘢都唔出得tim呀...我篇咁既嘢有咩好post，用字又唔係好靚，小場面都唔出得啦，真係大整"古"...

琴日prefect開會，要我哋暑假返嚟幫手，有3樣揀，1.中一新生註冊 2.中一買pe衫同書 3.中六註冊，咁梗係揀中六啦!對住啲低form一啲都唔好玩，好記得上年既中一迎新，乖嗰啲都冇咩，有啲直頭係小魔鬼...都係對住啲中六既好啲~

琴日嗰犯眾憎同學激到miss to，自己唔上堂喺度做a-maths都算啦，係就唔好鬼出聲，自己又要喺度係咁駁miss收咗佢本a-maths簿直頭大快人心，個個都唔鍾意佢，佢仲要大返miss咁，走出去勁冇禮貌咁要miss比返佢，懶晒惡咁!不知所謂，真係好黑人憎呀!連佢自己啲fd都唔媑意佢，好心呀，之後同葉傑(女仔)一齊行嗰陣一齊喺度講，點知佢gf喺我後面行過喎!?不過咁點啫，係呀~班長都講佢壞話呀~咁點呀!?管下自己隻pet啦，有事無事喺度嘈一餐，成日喺班房"搞搞震"，嘔呀!上次搞到bio sir咁，而家連miss to都唔放過，離譜!比我!?由開學罰到你學期尾呀!三日唔埋兩日嗌一次大交，分手啦~仲話人哋乘虛而入，嘩...你真係當你gf係筍盤咩...大家心照吧...死啦，講得好過分tim...

又好耐都冇打過日記lu，之前部電腦壞咗，差唔多日日用紙寫低篇日記諗住有返部電腦打返上嚟，不過算啦，暫時冇咩時間，都冇咁既心機。

琴晚好晏瞓 就係為咗a-maths，但係始終都做唔晒... 今日上a-maths嗰陣朱sir話今次exam如果唔及格既話要retake，都唔得既話就要見家長，可能唔比讀a-maths，都讀咗成個學期喇，如果咁樣話冇得讀既話就真係好可憐，晒晒啲時間，我已經好後悔揀咗a-maths嚟讀，我諗我揀CIT會係一個明智既選擇，但係我始終揀既係a-maths，而家都唔到我後悔lu，只可以向前行，冇其他路可以走，而家搞到我好驚會唔及格...retake既話壓力咪重大...怕怕... 所以我一定唔可以retake ga!!!

放學同alice同cherry去食飯，食完又要返嚟eng學科精英，真係唔想去，感覺好浪費時間咁，又唔多學到啲咩，點知今日係最開心既一堂，1.last一堂，唔駛再去浪費2個鐘  2.今日既discussion有趣好多，講要去一個"方"島一年，只可以拎10樣嘢去，會揀啲咩，我哋嗰組就拎啲實際啲既嘢，感覺好原始，講到我都想真係有得去， 而另外嗰組就好科技下，好唔現實咁，兩邊講到嗌交咁，但係又係咁笑， 笑到我肚痛，今堂係最後見呢個外籍翻版郭富城marcus喇，最後同佢影咗張相，喺我印象當中好似冇同外國人企得咁埋，而且佢搭住我膊頭，勁驚...

alice同cherry等埋我一齊走~