Cursor by www.Soup-Faerie.Com
pupuIvY : 個人主頁 - 相簿 - 訂閱  [ QOOZA - 論壇 - 登入 ]
pupuIvY
暱稱： 砵砵車
性別： 女
國家： 香港
«‹ October 2026 ›»
SMTWTFS
123
45678910
11121314151617
18192021222324
25262728293031
文章分類
•全部 (242)
好友名單
尚無任何好友
網站連結
尚無任何連結
我的...
arashi*二宮,大野,櫻井,相葉,松本
站內搜尋
RSS 訂閱
RSS Feed
2006 年 3 月 6 日  星期一   晴天


今日好似經歷咗好多嘢咁...一樣咁攰... 分類: 未分類

今日返到學校揾到葉傑(女仔)，佢陪我去開locker，開完諗住上library還書，但係嗰陣已經7點59分，所以我衝咗去開咪先，之後再去library，一路都feel唔到自己跌咗鎖匙，即使跌咗啲噹噹一定好嘈ga ma，到小息諗住鎖嗰書包入去就發現唔見咗喇... 嚇死我...葉傑(女仔)就話我今朝可能趕得濟鎖咗入locker，我諗住我自己咁智障，好可能係，於是又跑上office借後備匙，咁就比人記咗一次，但係啲鎖匙唔喺入邊... 不過都唔理得咁多，拎咗要扲既書先...之後衝入canteen揾人幫手，啲書就暫存喺何耀文度喇~極度唔冷靜的我衝上office問+報失，再去返今朝去過既地方揾，但係揾唔到...

唔見咗鎖匙既最大問題唔係開唔到locker，而係喺呢段"食自己"時期返唔到屋企呀...屋企人要成12點至返，呢段時間去邊?即使去揾媽咪，佢又喺咁遠返工，一來一回返到屋企唔知幾點，真係瞓得街ga la...

上P.E,嗰陣蘇征佢哋都好關心我~葉傑(女仔)直頭叫我去佢屋企，又陪我揾鎖匙~好好好多謝佢呀~食飯拿拿聲去買飯，早啲食完諗住同葉傑(女仔)去揾，當我打比媽咪求救嗰陣，office既職員就話我知揾到喇~ 好彩我朝朝拎咪都同佢打招呼，大家熟咗，佢至幫我留意下...如果唔係office啲人點會理你呀~真係謝天謝地~之後睇波...感覺有啲暴力...

放學去梁科慶講座，要不是閱讀大使，我先唔會聽佢講咁耐無聊嘢，原來佢啲小說表面上係小說，但係內裏另有意思喎~玩文字遊戲!?嘩~勁~
發表時間：2006-03-06 09:37 PM  [ 訪客留言(0) ] [ 編輯日誌 ] [ 分享至FACEBOOK ]
2006 年 3 月 4 日  星期六   晴天


~無主題~ 分類: 未分類

3-3-2006:佈道日~睇咗福音電影，睇到我幾次眼濕濕 不過冇喊到出嚟，我已經覺得自己好眼淺，點知我隔離嗰個仲眼淺，喊晒咁...晏晝食完lunch仲有時間，去買choir下星期一既小茶會既食物順便買張泰桉指定既益力多~其他人就去買其他嘢~我拎住40包蝦條返學校，比人話我似師奶lor~ 其實我自己都覺得既~ 下晝有保羅杯，今年唔同咗啲，個人認為冇咁好玩，因為心情唔係咁好，放學坐咗陣就走了。

3-4-2006:琴晚2點瞓，今朝晨咁早就要返學校考SBA，唉...算係咁啦~之後同alice同cherry去咗旺角，去食KFC，我哋好唔用腦呀 得3個人，要咗嗰桶餐，吃到想嘔... 一入到去見到有嗰位啲枱"鄧"好靚 就諗都唔諗坐咗過去，但係嗰位得嗰樣，枱腳又唔平，"鄧"又離好開，坐得好辛苦，最後我仲倒瀉嘢..."汁"完地下啲嘢，我哋調咗位之後就有對情侶坐咗喺嗰度，佢哋係完全唔知嗰度倒瀉嘢咁喎~ 嗰女仔仲"冼"親跌咗落地。唔知做咩講開狗，跟住我哋變咗狗咁...cherry叫"旺財"、alice叫"bobby"、我叫"汪汪"，哈哈哈~ 笑死~

p.s.:因為媽咪嗰同事唔知做咩入咗醫院，搞到我一連6晚都得返一個，要食自己...好慘呀!

我想買對藍球電話繩，但係值唔值得我買呢???

 
發表時間：2006-03-04 06:49 PM  [ 訪客留言(0) ] [ 編輯日誌 ] [ 分享至FACEBOOK ]
2006 年 3 月 2 日  星期四   落雪


~無主題~ 分類: 未分類

今日又聽handsome的九唔搭八同明知故問 起初覺得好搞笑，但係因為聽得太多，覺得佢有啲煩。最近嗰高b都冇咩出聲，以為佢好返啲~點知佢今日上physics又挖完'鼻唔'放入口食... 佢真係好核突呀... 好食咩!?定係佢覺得自己嗰啲特別好味呀!?

放學張泰桉教咗我一個魔術~初時佢話會教我一個好勁好勁既魔術，仲以為佢會教我佢嗰啲銀包噴火呀之類既勁嘢，點知原來係教一個用橡筋玩既~都唔錯~呃得下人~不過比佢呃咗包嘢飲~之後同alice喺canteen做功課~途中收到媽咪電話，佢拍檔唔知做咩入咗醫院，要返去代佢班...咁我今晚就自己食自己喇...返到嚟至發現嗰廳其中一盏燈燒埋tim...

成晚同alan tam、葉傑(女仔)、何耀文做音樂科嗰份咁既嘢，4個白痴揀歌揀咗好耐，又要播得好大聲，真係耳都聾...
發表時間：2006-03-02 09:58 PM  [ 訪客留言(0) ] [ 編輯日誌 ] [ 分享至FACEBOOK ]
2006 年 2 月 26 日  星期日   晴天


愈嚟愈覺得自己白痴... 分類: 未分類

好多日都冇打日記喇...其實係有嘢打ga~不過返到嚟又唔係好想打......

喺屋企做功課，第一樣就做maths，星期五嗰日喺學校都做得七七八八，所以好快做完~第2樣就做phy，第3樣就做reading task，做咗好耐，葉傑(女仔)打嚟，講開至知原來phy同reading task唔係聽日交...唔係聽日交嗰啲就做晒，聽日交嗰啲就做都未做過...真係好白痴...

琴晚喺msn度寫住"縮水女朋友"，今日就有人問我，以為我做咗人哋女朋友，哈哈哈~呢個係出日劇名~最近睇緊~好鍾意睇~有二宮和也~呢出嘢仲有另一個名，叫"阿南的小情人"，如果我打咗出嚟，咁係咪會以為我男朋友叫阿南呢~哈哈哈~點都好~都唔會用縮水嚟形容自己呱~
發表時間：2006-02-26 07:37 PM  [ 訪客留言(0) ] [ 編輯日誌 ] [ 分享至FACEBOOK ]
2006 年 2 月 20 日  星期一   晴天


校際音樂節 分類: 未分類

練咗咁多日，今日就係喇~好緊張，好多人鼓勵我~真係好多謝佢哋~ 75分算及格同有張獎狀，拎到78分~都算係咁~

上完第4堂同林智康早退去食飯~食完飯返學校喺hall練咗陣，之後就起程，ready既時間係3點，但係我哋早咗成9個字到咗上灣~ 但係大家都唔識去，繞咗好耐圈，後尾問人至知原來我哋隔離嗰座嘢就係... 我哋仲要叻到圍住呢座嘢"斗"咗轉...就係咁"斗"，"斗"咗半個鐘去~ 我哋兩個成個"土包子"咁~本來3點開始既~就變到4點開始...我嗰個組別有成39人，我係第37個出，同一首歌聽咗幾十次... 愈聽愈搞到自己亂。第4個已經勁到嘔，我哋即刻怯...走咗出去後樓梯傾"汁"生啲嘢，係咁練...入到去啲人係咁吹，我就合埋眼，喺度同自己講"冇嘢ga~冇嘢ga~我前面啲人死晒~到時嗰台只會得林智康幫我伴奏，就算死唔晒都唔緊要，啲人完全唔識既~瘀咗都唔會認得既~"，係咁揾啲嘢嚟諗，點都唔可以比自己聽人哋點吹，諗下諗下就唔係咁驚，好快咁就到我哋...呢刻我又再一次好驚好驚...上到台依照葉傑(女仔)咁講，保持笑容躹躬，即時聽到下面有個男仔話"嘩!佢笑喎!?"哼!真好笑~唔笑唔通喊呀!?係你咁蠢之ma~其實我都覺得自己假...喺台上面一路吹一路手震...同林智康好似喺度鬥驚咁...完全差過喺學校練嗰陣...

走嗰陣又揾唔返條路走...又喺嗰座嘢"斗"咗個圈... 唉吔...我哋兩個真係好蠢呀~本來我想去文武廟睇下，但係因為太晏了，冇去到...

返到嚟知道葉傑(女仔)揾咗我3次，聽佢講下晝上a-maths嗰陣朱sir問我喺咪去咗比賽，我嗰組啲人竟然以為我係去咗田徑比賽lor~仲要自己喺度驚奇，諗都諗都冇可能吧!真"聰明"!仲要唔知邊個講返啲人知啲人至知自己估錯...
發表時間：2006-02-20 11:14 PM  [ 訪客留言(0) ] [ 編輯日誌 ] [ 分享至FACEBOOK ]


« | 11 | 12 | 13 | 14 | 15 | 16 | 17 | 18 | 19 | 20 | ... | 49 | »