琴日晏晝睇"MVP情人"，好好好睇呀~ 嗰女仔為咗要佢男朋友打返籃球，竟然應承啲衰人同佢分手...佢係最後一次睇嗰男仔打波同幫佢打氣喇...睇到我有啲想喊... 睇到最精彩嗰part就影完，要等兩個星期，下個星期又播嗰啲咁既賀年節目!!!嗰男主角真人真係一個職業籃球員~好勁~ 整到我而家好鍾意籃球~不過我唔識打~哈~

今日部手機收到message，又係之前send"我不是要令你生氣，我只是生氣自己幫不到你"嗰個人 今次佢send"我起身na，累累啊，我掛住你啊!"，我真係冇嘢講... 諗諗下...呢個人其實係咪識ga?又唔知佢係邊個，有啲驚... 同媽咪講，佢叫我揾個男仔打返去同佢講，等佢"law"下，呢個主意唔錯~ 如果呢個人真係唔識而又再send嚟，呢個方法可以諗下~

今日派咗phy,chem,bio.chi(部份),maths.phy考得唔錯 都好滿意，都keep到;chem就唔係低分，但係應該都有ok多人高分過我，好失望，連阿sir都冇聲出，有啲想喊... ;bio ok好，阿sir比卷我嗰陣同我笑咗一笑，之後又擺我上枱講，都係讚既~但係整到我好唔知點... ;chi痳痳，仲有listening同reading未派，份reading 50分滿分，聽講勁大部份人都唔及格，最高都係得26分，好恐怖... 聽Alice講佢哋商科班都係咁...嘩...;maths同chem既情況差唔多。班入面啲男仔開始好勁喇...好驚自己地位不保...

今晚係咁"汁"嘢，太亂喇啲嘢..."汁"到我腰酸骨痛tim，而家終於整齊返晒~但係而家又好頭痛...

愈嚟愈覺得我隻blog pet好似"他媽哥池"，好有趣~唔知點解Alice隻嘢走咗嚟我日記呢邊~哈~好搞笑~

諗諗下...不如放棄啦...太辛苦喇...咁樣做好衰...唔知自己做唔做到呢...

太好喇!考晒喇!!! 不過今日既a-maths真係好難...

放學同Alice去旺角行街街~行行下踢到啲嘢，一睇，好熟口面既卡通膠公仔，即刻打比Eric，原來真係佢跌咗ga，咁都比我"汁"到，算佢好彩~

首先去咗吉野家食牛肉飯 一路食一路笑，笑到我失控~但係連我自己都唔知自己笑緊咩~之後又去影貼，再之後去咗睇衫~今日買咗條頸鍊同一件衫，條鍊係隻豬仔~不過後尾見到有lego呀~有小小小小咁後悔，不過今日都好開心~ 最慘既就係行到腳跛...痛死喇返到屋企...Angie約過我幾次出街，不過我唔係唔得閒就有約，有啲唔好意思tim，揾日約返佢先~行到七七八八嗰陣撞到銘佢哋，又行返轉頭... 之後我、Alice、銘3個去休息了，比咗啲貼紙相佢睇，我長頭髮佢又話我老，我而家咁短又話成個小學生咁，咩都佢講晒。

***整咗隻Blog Pet喺日記度，好可愛呀~ 叫Mero，只要我勤力啲打日記，佢就會快高長大喇~希望佢快啲學多啲技能~唔知佢大個咗會點呢???好似會有UFO出現tim喎~

聽日要返學啦~希望聽日會開心過今日!!!

今日有啲down，想揾人訴苦，點知又唔知做咩咁...

返到屋企睇咗陣電視，同媽咪去咗買鞋，睇中咗對ok靚既~諗住拎嚟上P.E.，試鞋嗰陣有個阿嬸喺度，望下佢試緊咩鞋，點知原來係我睇中既嗰款，仲要同色tim...有啲無奈...我試緊嗰陣，佢仲問我哋覺得佢著得好唔好睇...冇答佢...對鞋啲色咁young，都唔知佢想點...最後我都買咗~

今日考eng oral，一開始就係我嗰組先，不過因為我係student helper，所以調咗我去下一組，我嗰組得我一個女仔，望下啲人，諗住都係我一個人出聲 入到去，坐我對面嗰個係咁望住我，好似唔知同我打咩眼色咁... 點知一開始佢係咁講，真係睇唔出，哈~佢仲幫咗我一幫...送分比佢tim... 考完繼續helper既崗位，好亂~應該要考嗰啲又未返，下一節至考嗰啲又一早返嚟，都唔知想點，完全亂晒啲程序，搞到miss au好激氣，係咁鬧人，好彩我又冇啫~

考完又同Alice同Cherry傾計，我覺得我哋真係好得閒~不過都係既~聽日考中文oral(唔駛咁早返)~Cherry成11點至考，佢咁早返又係為咗"..."，今日冇等佢。

走嗰陣收到個message，寫著"我不是要令你生氣，我只是生自己氣幫不到你"，睇完之後有啲無奈 我有嬲人咩而家!?打返比嗰個人聽下佢打聲，應該唔識既~我覺得嗰人有啲失敗...氹女仔都記清楚嗰電話no.呀~

搭車返屋企lu~喺車上面又笑到癲咗~返到屋企食完嘢+睇電視，好眼瞓瞓咗覺 瞓瞓下有人打嚟，比人嘈醒咗 之後瞓返，第2次又係有人打嚟，又嘈醒咗我...算喇，唔瞓喇~

同葉傑(女仔)傾咗陣電話，知道今日又有人去問分，咦...好討厭!講起eng lesson，真係ga，由開學到而家，我覺得真係冇上過堂咁，miss堂堂都喺度同學生嗌交、追功課，學生又係咁寸返miss，激到佢死死下，咁就落堂喇...講真，真係完全唔似最top嗰group...只係不停有功課，多到不得了...到時HKCEE嗰陣就只有個"空殼"。