今日放學去hall打男女混雙比賽，緊張死我喇~好驚打得唔好~

一開始係蘇征女單打先~我同蘇征都一樣，咩都唔知唔就照打... 一開始佢都領先，不過後尾就輸咗6分~我覺得都好好ga la~ 之後就到男單，我哋班就由謝旭豪出場~一直都唔係咁好~比人領先~但係後尾唔知點解win咗~我連佢拎幾多分都唔知lor~ 之後就我同蕭文智一齊打混雙，原本係同金龍，不過啲人冇幫佢加名...我都唔想...好驚咁出咗場...咩都唔知咁...雙打啲規矩同單打既唔同，仲多好多咁... 出到去完全係睇蕭文智頭~我都唔知發生咩事...見波就打...又唔知點解成日要調位~走嚟走去~好記得有一球，我同蕭文智一齊打中嗰波，兩塊拍"啪"咗一聲，然後嗰波就過咗另一邊，佢哋又接唔到，咁就拎咗分喇我哋~哈哈哈~ 我覺得我今日不過不失咁啦~不過最後都輸咗，11:15，差4分啫~好好玩~再之後好似仲有場男雙，好似係出咗劉晉宇同謝旭豪，唔知佢哋打成點呢~我哋今日對2A，我哋f.4都唔夠人哋打...好似有點兒那個...

p.s.原來要自己bring拍，真係唔知lor...返到學校至知...

今日好似冇咩上過堂咁，其實真正上咗2堂啫~兩堂phy落咗playground試水火箭，我哋嗰組既水火箭一早比人睇死，因為得兩隻翼 比人話會唔平行，點知我哋嗰隻都叫係第3遠呀~ maths就係咁講iq題，晏晝嗰兩堂就上都冇上過，去咗hall彩排畢業典禮。

今朝早會上台講頒獎，又好緊張... 叫錯咗第一個得獎生嗰名，嗰個人嗰班啲同學仔即時大笑，搞到我更加驚，本身諗住即刻叫返正嗰名，但係嗰人都拎完喇...唔三唔四咁...講又唔係唔講又唔係...

為咗要彩排，搞到今日要喺學校食...又食唔飽...不知所謂!自F.3開始已經冇喺學校食，而且之前都冇咁樣賣法...唔知頭唔知路咁就走去買，講得衰啲，有啲似同F.1,2爭飯食咁... 其實要我食小小嘢，然後放學至去再食過唔係問題，最大問題係佢冇時間比人去食，放咗學又要留喺學校再練...咁點食啫!

食完lunch去彩排，上到台又係咁比啲太陽燈射住，好熱...

聽講今日張x桉又喺班度變魔術，佢真係好勁好勁~不過我又睇唔到...

1/12日同金龍打混雙，希望聽日佢有返，可以喺P.E.堂夾下先~我唔想比佢打中...

今日派咗身體檢查通知，返到嚟一睇，原來要我喺2月14日去...情人節 去做身體檢查...

好忙好忙!!!星期一(28/11)咩都交!!!

1.水火箭試飛，星期四嗰日留咗一陣整，又唔知點整好...於是成組人是是但但咁就過咗算...

2.宗教presentation，成組人而家至臨急抱佛腳，上網係咁揾資料，我哋既題目係"世界宗教理念史"，星期一presentation我又唔喺度，去咗hall彩排，於是我啲分就靠晒個份文... 都唔知做得咁辛苦嚟做咩...葉傑(女仔)負責天后(Hera)，後尾因為真係揾唔到，轉咗做太陽神(Apollo)、何x文負責雅典娜(Athena)、敖x豪負責戰神(Mars)，佢哋真係揾得好辛苦... 個個嗌晒救命咁濟...但係又揾唔到...何x文仲話揾到痴線...而我對呢啲一向都好有興趣，但係而家搞到咁...唉....

同敖x豪講笑，叫佢唔好揾咗啲周渝民比我，轉頭佢就同我講話見到好多周渝民，我心諗:不如交啲周渝民算喇...反正佢都係拍戰神...成晚不停係咁收incoming file，又不停"喔o"...真係就嚟機都hand…

淨係呢兩樣都夠喇...仲有功課同啲book report…

比敖x豪整"古"，之前問佢拎電話(為左傾份宗教)，佢比咗電話我，仲比埋手機no.我，起初以為佢真係咁好人，同埋嗰手機no.一啲都冇問題，琴晚大家一齊傾既時候，諗住打比佢，點知佢屋企打唔通，於是叫何x文打佢手提，我講佢電話比佢聽，講到第2個宇就即刻唔敢講喇…我嗰陣至知比佢整"古"(但後尾人哋知咩事lu)，佢寫住” 99927633”…我嗰日睇住都唔覺得啲咩，仲覺得佢好好人… 我嗰日做咩呀!?發緊咩白日夢呀!?

今朝比人叫去參加班際羽毛球比賽，我哋班得9個女仔，冇一個肯出，於是我呢個女班長口快快咁答應咗...我同金龍打男女混雙，唉~我咩比賽規則都唔知...到時都唔知點算...唯有睇金龍喇~搞搞下拖埋蘇征落水...真係對唔住!!!

放學又要開會呀~搞到成5點先至同到alice去行街，就係因為我成日都唔得閒至拖到今日至去，太好喇!!!我終於買到boot喇~哈哈哈!仲買咗件衫，又影咗貼紙相~開心~8點幾返到屋企...

嗰咁既高b又搞咗啲嘢出嚟...

今日a-maths quiz，好難...

28/11有好多嘢要交...宗教presentation、phy水火箭試飛......咩都28/11星期一交...

今日放學要去choir，成個人暈暈地，耳又塞...好唔舒服... 成5點幾至等車，但係個天已經黑晒...6點至返到嚟...樓下整路，搞到要繞路行...嗰陣又靜...經過嗰陣有個中年男人坐喺嗰陣，諗住行過就算...一路行佢就一路係咁望住我，我已經扮睇唔到，佢仲整啲聲出嚟等我望佢...過咗之後，諗住無事...點知聽到後面有啲聲，望返轉頭，原來嗰男人喺我後面...嚇到我...之後係咁走係咁走，好彩已經喺屋企樓下...喺樓下撞到隔離屋嗰個人~太好喇~

我唔想再咁晏返屋企...好黑...

唉...不過聽日仲晏...