今日上特別上課時間~太好喇~ 今朝早會要上台講嘢+拎獎，核突死喇...勁講錯嘢..."請"就讀咗"搶"、"日"就讀咗"肉"...返到課室就有人笑我喇...聽講話F.7都係咁笑我... 我都唔想ga..我練嗰陣一啲事都冇ga...點知上到去講成咁...之後成日好多時都講錯嘢...

小息嗰陣當值，有班唔知F.1定F.2既比人罰企，一完咗就成班走難咁走返上去課室，我呢頭先同阿銘講:"嘩~駛唔駛咁呀...'，嗰頭嗰男仔即刻仆倒，真係化學... 只係一線之差..其實嗰男仔後面嗰個人壓咗落佢度，不過嗰個人起得快冇事，我一直企喺隔離睇住，我成個人呆咗一呆至行過去睇佢點，好慘呀佢~整到個嘴...流血...佢嗰班啲人就睇戲咁睇...之後黃瓜愷叫我陪佢上office，佢嗰班啲咁既人就扮晒關心佢咁...搞到我"攝"唔到埋去...但係我隻手又比佢夾住...佢嗰班又有啲人就喺我哋後面係咁笑佢...真係呀...上到佢office啲人又唔係咁理佢，真慘...後尾阿銘陪佢去toilet，我就幫嗰男仔拎書包...好重...

放學又要開prefect，仲以為今日唔駛去...可以返屋企...於是又好晏至返到屋企...

聽日運動會lu...

天氣開始凍lu~ 次次到咗呢啲時候都會話:"真係太鍾意夏天~"，但係到咗夏天我就會話:"真係太鍾意冬天~"

今日上P.E.，之前已經聽Alice講過話係做掌上壓同sit up，諗住死硬...返到屋企肯定痛死...點知做晒之後冇事~只係有啲攰~ 今日做sit up當然係同葉傑(女仔)一組啦~佢一路做我就一路幫佢，但係我又唔知做咩係咁笑~傻咗~

小息嗰陣落去開locker+換衫，喺樓梯見到主席同Eric，傾咗一陣，feel到有人一直企喺我隔離，一睇~喺嗰咁既高b，企喺我隔離陰陰嘴笑，又企得埋，於是我即走~ 落到去，我開locker，林x康同Alan Tam走嚟同我講:"頭先xxx(高b)同我哋講:"彭x琪好香呀~佢搽咗香水~好香呀~""我聽完終於知道咩事喇...原來佢喺度聞緊我...佢都變態!!! 我根本冇搽過!!!個個都話冇味!!!佢都痴線ga!!!!!!變態!!!

放學去choir，好晏至走得...好攰...成日都唱啲慢歌...搞到好似好慘咁...

p.s.死handsome!今日搶我隻公仔!又打我個頭!

今日成為真正既prefect喇~感覺唔同~行出嚟都型啲咁~~~今朝係我開咪講嘢(唔計上台講)既第2次，好緊張~講多咗兩隻宇，比人笑...嗰咁既handsome!我今日開咪講嗰陣嗰樣咁嚴肅~佢就喺下面行過，見到我開咪就好大聲咁嗌:"喂~阿pang~你講呀?hahaha~好搞笑呀~"搞到我咩prefect形象都冇晒...都唔知係咪我副隊嚟ga...

上堂唔講~都係咁...食lunch嗰陣，嗰高b又走嚟煩我哋...好憎佢呀!!!突然之間又唔知喊咩鬼!人哋唔想同佢食就唔同佢食ga啦!梗硬嚟!!!食完lunch同葉傑(女仔)喺1/F睇雄、黃瓜愷佢哋打波，好好好勁呀佢哋!!! 之後見冇人開咪話上課室，啲人又問，咁我又喺嗰度，咁咪幫手嗌...原來話今日係要踏10至嗌...做錯嘢...不過唔嗌都嗌咗喇...之後落playground睇佢哋打波~勁!

放學同Alice返屋企見到兩樣好笑嘢:1.撘車嗰陣見到隔離有部小巴，小巴門冇閂，又有嗰著粉紅色衫既師奶坐到正，啲小巴平時出晒名開得快，嗰師奶嗰樣勁驚勁搞笑~佢又唔同嗰司機講~2.返屋企等lift嗰陣見到有兩個細露，一個著便服+拖鞋，另外一個就剛放幼稚園再+佢哋阿媽...佢哋係咁玩，打架嗰隻~幾驚佢哋打到我呀~入到lift仲展開腳戰...我心諗:嗰著拖鞋既咁蠢呀~同個著波鞋既玩...點知...嗰著拖鞋既win咗...嗰著波鞋既就唔忿氣...咬咗佢一啖...

雄!你好呀你~

p.s.何x峰~多謝你今日教我physics~

今日都冇咩特別~不過都寫一寫啦~

琴晚早咗半個鐘瞓~換來今日上堂一啲都唔眼瞓~值啦~ 今日prefect第一日實習，起初都只係覺得喺度巡個圈，冇咩需要緊張，但係行嗰陣又真係幾驚...原來SP係要check埋toilet ga...我嗰小隊得我一個女仔...又話唔好一個人行事，而家咪得我一個...

a-maths，唉~真係冇咩好講...聽日test...啲數就清極都仲有...Eng miss to真正發惡...覺得佢都好可憐...老師啫~點解要受學生既氣喎...講講下佢又講佢個女，佢話佢個女平時返學唔會唔記得bring嘢，如果唔記得咗，返到屋企會自己罰自己企，仲要企一個鐘...佢個女做咩呀??? 上音樂堂~精彩~張x桉出嚟表現~佢真係好勁!!!成個賭神咁!!!啲魔術又勁喎~見到佢咁勁，令我覺得之前我同潘迪se嗰啲簡直係白痴!!!咁都比我哋當住啲上海學生表現...不過我記得佢哋好似覺得我哋好勁咁...

最尾嗰堂聽"君比"講座~佢寫嗰啲全部都係啲校園愛情小說嚟既...又好慘咁...不過又好似好有趣咁~

放學去MMLC當值，呵~塊牌唔記得轉，個個以為唔開~提早收工~不過喺入邊搞嗰啲CPU...

p.s.唔該唔好再畫黑板!我拎完啲粉筆上嚟就比你哋係咁畫!上堂啲老師又話冇粉筆!搞到好似我失職咁!又要我再去拎，我已經成日拎喇!校務處啲人都就鬧我喇!如果再畫黑板我會話比mr.wan知!朋友都冇面比!

好攰...走lu...

生日快樂!!!駿~~~我記得ga~

今朝撘車返學又見到嗰個迦密男仔...無奈...又望住我...唔係咁想見到佢，又冇人陪我一齊撘喎.返到學校，主席同Eric送咗隻公仔比我，我個人認為都ok得意~就係掛喺我書包嗰個喇~

今日maths quiz，之後又上兩堂a-maths...有啲過度用腦...搞到好肚餓同好頭痛...晏晝仲痛...返到屋企同媽咪講，佢既回應就係:"梗係啦!咁夜瞓!邊夠瞓呀!?咪頭痛lor!'聽完又覺得:係喎~我最近又真係愈嚟愈夜瞓...唔得!我真係要改下啲生活習慣先得!一於早啲瞓!

上Eng一樣好似喺街市咁...個個喺度同miss講"價"，而miss做啲嘢又好鬼搞笑，一同某啲人講嘢就好鬼激動，我成日都覺得佢就嚟爆血管咁...小心身體啦...總之上Eng就喺度睇戲啦~

放學要去開學生長大會，但係我又要去揾miss練嘢~下個星期到我上台講嘢喇~所以遲咗去學生長嗰邊，不過嗰邊都冇咩特別嘢，講完就落去彩排就職禮，Alice未走~等埋我呀~真係好愛你呀~~~

下個星期三、四就運動會喇...個個都話想快啲到...

最近冇咩特別事~所以都冇咩好寫

p.s.聽日放學要去MMLC on duty，加油!!!