好!打返呢5日嚟既嘢(20/8-24/8)
20-8-2005:呢日一早返咗去公公婆婆度，落咗車再上預備好既車跟佢哋返去公公鄉下，冇停過不斷撘車
 ，好可惜文灝(同齡表弟)同琴琴(表妹)唔得閒去唔到
 悶死我...去到聽咗好多嘢，原來間大屋已經70年喇，公公個爸爸係打金~晚黑諗住睇星星，因為嗰度成個天都係星星，又大又光，不過天氣唔好睇唔到...
21-8-2005:連續幾餐都係出去酒樓食，呢日成班人去食完lunch又坐返部車出嚟，坐落都唔係好耐同媽咪出去剪髮，woo~今次係個靚仔幫我剪
 ，真係好靚仔，佢幫我剪嗰陣我聞到佢對手好香~唔知點解大脾貼大脾咁剪，不過剪咗好耐，原本我嗰頭一陣就得，佢就幫我剪咗成個鐘有多，"汁"完再"汁"好仔細，個頭都係咁多次當中最滿意既一次~開心~
22-8-2005:冇嘢做~喺婆婆度呆，諗下中一迎新做緊啲咩~啲人係點，反而覺得冇電腦既日子仲易過~
23-8-2005:公公生日~比人嘈醒...
晏晝同媽咪同阿姨早咗過去間嘢度點餸，間嘢真係好貴，冇耐公公佢哋同成班親戚嚟咗，食飯就各有各傾，有啲就食完就走，真係好過份
 又唔睇下邊個係主角，如果係喺屋企大家食餐飯，佢哋會嚟咩!?太現實喇啲人...
 食完同琴琴去行街，行到冇嘢遮嗰陣落雨...同佢去睇女仔嘢~後尾陪佢去睇漫畫，嘩!佢睇咗成粒鐘...幾次經過間髮廊，見到個靚仔，佢好靜，連同事都唔多句，得閒就睇電視，連幫人剪髮都唔會望個人，不過佢幫我剪嗰陣同我笑~嘻~之後琴琴又話食雪糕，又行過一次~呢次佢見到我
 ，不過扮睇唔到繼續睇電視...
返到去婆婆度食蛋糕~
24-8-2005:返到嚟lu~喺車上又同媽咪講起個師傅仔(剪髮靚仔)，原來媽咪之後嗰日又去嗰度整頭髮，佢覺得個師傅仔做嘢好認真，睇唔過眼都會幫下手，出聲~唔識就唔識，唔會梗硬嚟~我都覺得佢唔錯，佢對手真係好香~返嚟最尾半個鐘見到文灝，我返去咁耐佢就去camp去咁耐，不過都見到~
聽日同alice去旺角買埋嗰本書，再買個袋袋~that's all~ |
足足行咗成5間至揾到我要嗰本，嗰間咁既嘢喺商場入邊，成個商場都係啲夜總會...搞到我哋好似入夜總會咁...
去到入要拎"籌"，alice就喺我後面，幫我"汁"嗰個係個中年男人，眼突突咁!到我嗰陣同我講話冇，仲要勁串咁!之後就到alice，係個女仔幫佢"汁"，佢都要"汁"嗰本grammar，但係佢有喎!?
真出奇!佢喺我後面，竟然佢有我冇!alice即刻話我知，好彩我都買到，咁都有...之後比錢又係另一個人，佢幫我入膠袋，於是將我張單拎出嚟，另一個人就行出嚟，見櫃檯有張白色紙就諗都唔諗張佢拿埋一舊，今次我真係嬲!
"蜘蛛網"嗰陣都係我做示範，慘啦~我已經開始玩到唔驚喇...
