今日上最後一堂結他，上上下阿sir痴咗線!爆咗陳x欣(同我一齊學結他+大我一個Form+好好人)拍拖 仲要當住兩個阿sir講---1.陳sir(大陸廣) 2.何sir(何有敗)。搞到人哋幾唔知點，我聽到都好驚奇~一直以嚟我都聽人講再加feel到佢係同東少...點知原來唔係...因為阿sir只係爆佢拍緊，一直都冇講個男仔，我咁八，當然想知~ 但係又唔好意思開口問，點知同佢一齊走嗰陣，佢自己爆比我知!!! 真相真係估唔到!原來唔係東少，係陳瑞琪(男校)既人，真係好估唔到!見佢好似係唔多談呢啲既人，估唔到出面...佢仲話我知應該係有日學結他走嗰陣 ，嗰男仔驚佢淋濕，所以嚟接佢，點知比阿sir見到，我聽到都想笑，陳x欣平時見落雨一定會拎遮，仲要拎多幾把返學諗住借比人嗰隻，個男仔竟然驚佢淋濕~~~ 不過阿sir又係衰!我覺得佢真係好鍾意講呢啲，成日都問我哋，但係次次啲人都好認真咁答佢，除咗我...仲要個個都話自己拍緊，不過都係除咗我...

講起比人問，我就醒起有一次我個細舅母見冇人嗰陣又係問我有冇拍拖，好記得嗰陣我係好大反應咁答佢冇，跟住佢就好自然咁話:冇人追呀!?，哎~一定既咩?事後我覺得佢講嘢都ok白下...呢啲嘢點會咁問人ga?

聽日又上馬戲班~

今日係馬戲班第一堂，學拋波波~因為我哋top teen要搞8月嗰啲中一迎新嗰啲嘢~但係唔知點解要教佢哋拋波波...所以之前東少已經係咁夷教咗啲比我知，所以今日學得好輕鬆~ 阿sir仲讚我學得好快~~~ 梗係啦~之前有人已經教咗啲比我~講真~我覺得嗰阿sir都好似好惡下...教極啲人唔識就會開始惡...不過我學咗呢啲嘢我諗對自己唔多唔少都有啲幫助既~至少起碼我啲反應力都好咗~ 一開始嗰陣都係嗰啲介紹自己，鄭姑娘竟然同其他人講話佢聽miss鄭講話我係個高材生喎!? miss鄭都會講呢啲既咩!?中途仲見到mr.lam(林衛英星)!?星期五就學轉碟~晏晝5點幾走得~一個人行返屋企，個感覺都唔錯呀一個人行返去~不過有啲驚...過馬路嗰陣有個我唔識既阿伯企喺我隔離同我打招呼喎!?嚇死我...即刻行開啲... 返到lok fu都成6點~去咗買開學用既文具－－－label紙。因為都ok多，再加埋自己唔知點解好鬼好人咁諗住分啲比表弟(其實大家同年齡)，於是無啦啦走去打比佢問佢要唔要~哈~我真好人!!!

聽日返學學結他~

避人避咗好幾日，今日係第4日...唔知人哋知唔知......

為咗避人而冇正式online已經第2日喇...只要佢off我就on!!!呢個人真"偉大"!!!就係hurt我嗰個"好人"

今日喺屋企做暑期作業，eng係最早做而做得最多既一科，其次係中文，跟住數學，所以最近避人之時就做數喇~努力咗咁耐，飛飛下咁做到最尾一課，看似好勁咁~其實都係做咗大約1/3，無計~有啲冇教，有啲啲名唔同，有啲搞唔清...哼!睇"你"會考嗰陣點死!!!

唉~聽日就要上馬戲班，又唔識路...算喇...我一定唔會再揾佢，我聽日一於早一個鐘出門口!!!其實我真係唔係咁想去...聽講得我一個F.3咋...

我聽林x洛講下年會有一個留班生同我哋一班，咦~得一個......

***號外!!!正話收到電話，聽日唔駛返馬戲班，將順延至星期三開始~***YEAH~

琴晚(21/7)我同葉傑(女仔)去咗書展，去到睇到我都眼花，行咗好耐，咩書都冇買到，買咗啲文具...行咗好耐，同俊傑share咗份雞蛋仔，之後去7-11叮嘢食，我哋對住個海食，佢就睇到有個男人喺我哋後面行嚟行去，好得人驚，於是拿拿聲走...喺書展竟然比我見到上年做義工識既嗰個實習社工-----Anthony。咁都撞到，撞到兩次!!!第一次大家迎面而行，同我刷肩而過，行多一行，又見到，對望+呆咗幾秒，佢轉頭走，據我哋分析，佢係一早見到我先，而第2次佢係喺我哋後面走上嚟，再另轉面大家對望咗...其實駛唔駛咁呢!?打聲招呼唔係得喇咩!?

聽日(23/7)原本打算同班TOP TEEN去石澳，我真係一心諗住去，仲特登另外買咗頂帽，但係愈搞愈痳煩，一時話去葵涌集合，一時又話柴灣，而家又話筲箕灣;其實我咩都唔知，但係個個都走嚟問我，仲問我可唔可以叫街外fd!我咩都唔知，又唔係我負責，我真係答唔到，好煩!終於唔知點解搞呢個活動既目的冇咗，由top teen變咗3A班...;由最初ok多女仔去，變到得返2個...所以我決定唔去...

我真係知道自己好煩+人哋又嚟煩我=搞到自己好煩好煩，但係呢啲時候最需要人哋問下，一起傾下...點知自己比人hurt返轉頭...冇嘢好講，我唔會再煩佢，佢就竟然話"GOOD!"雖然話唔識，咁既然係咁就繼續做陌路人，反正以後都唔會再見...但係佢咁講會唔會hurt咗啲呢!?