今日無聊!喺屋企睇返自己既網頁~覺得自己真係太叻喇~~~ 睇返嗰啲聖誕聯歡會呀~萬聖節呀嗰啲班相，啲人真係好唔同~啲人變得都好勁下~(嗰look)仲有原來睇返至發現嗰班啲男仔著衫啲衫啲色係好沈ga...

今日考完之後miss.lee要所有top teen留低... 留完之後當然即走喇~嗰咁既"數學家"企喺門口...我諗死佢一定又會唔知又想講咩，然後就乘機套我講嘢，但係我都要出去ga~冇理由無啦啦行返轉頭，我只好偷偷地走出去，過咗佢ga la!點知佢"xxx~"，咁冇計啦~咪企喺度受死... 佢就開始佢既攻勢:"點呀?考成點呀?數學點呀?"，我心諗:你快啲改好咪知lor~我點知喎!揾嚟講!!! 我只好答:"痳痳啦..."，跟住佢就愈行愈埋:"揀文科啦~跟我啦~"你唔係呀~點解要我跟住你"行"呢? 都係佢呢句說話搞到我又再開始煩揀科...佢既意思有兩個可能:

1.我讀唔到其他，文係我最好既選擇/2.只係叫我跟佢

講真嗰句，我理係真係好過文，我歷史嗰啲我唔係唔讀，但係我比心落去讀，其他人都會，仲讀得好過我，所以出嚟既分雖然係ok，但係有千千萬萬個人好過我，我諗我真係冇咁好心機，反而理科嘢我會喺頭嗰數名，而以我既成績，而家係我揀科而唔係科嚟揀我，所以問題係我既選擇...就係佢句咁既話又搞到我勁煩...如果既意思係1.，咁點解佢唔了解晒我啲成績至講呢!?佢自己之前又當住成組成頂"高帽"戴落嚟...佢真係要搞到我好煩至得lor~佢想點呀???當時我只好回咗一句:"但係我唔想讀文科喎~"好彩何sir都走過嚟，成功暫時離開佢既魔掌~~~

今日考eng comp+eng g.e.+music.今朝我終於比返張紀念册比"數學家"，佢即刻睇後面嗰版(講嘢)，嚇死我!我寫話比佢教完之後由no.1跌咗去..，當然，話完佢梗係要講返啲好聽啲既嘢~"一啖砂糖一啖唔"呀ma~不過我係"一啖唔一啖砂糖~不過佢都知有嘢ga la~點知又比佢監考...考音樂最尾嗰part係聽音樂，有三題，三題既選擇都係一樣，當中3首上堂都聽過，咁諗都諗到係呢3個啦~都係先後問題啫~~~但係我一路聽一路笑~嗰首"牧神的午後"都冇咩嘢~但係聽"卡門"我就開始笑，到聽"帝女花"...我真係笑咗出嚟，竟然考試聽"帝女花"...

我好唔想考試；好唔想過咗呢個F.3；出年就咩都唔同晒喇，同班既唔會同班，學既嘢又可能唔同；可能好辛苦；想見既就唔喺度，而且唔知仲會唔會見(我會唔會唔記得呢?)......感覺上好似一切都變得唔重要...唔知今次同將來既成績會點，仲會唔會no.2，真係好唔捨得...而且將來有無限個可能...自己又會有咩際遇...好唔想咁呀...

我相信會有好多人有咁既諗法...

如題~今日係F.3生涯最後一日返學上堂，諗諗下...日子真係過得好快 唔知係過得太平靜定點...今日我、潘迪se、葉傑、林x康、董x俊、陳遠A、何x文、黎伯、謝J鏗成班一齊出去食餐飯~好熱鬧呀~~~ 不過食得好辛苦...好似一路焗桑拿一路打邊爐咁~熱死人!!! 本來去"麗C"ga~不過又冇位喎!!!迫住要去"富麗華"，不過去嗰度大家會開心啲~因為嗰度啲人好笑喎~

食完飯又要返去開choir咩檢討會喎~煩!

今日所有科都最後一堂，"數學家"竟然叫我哋幫佢寫紀念册喎!?奇怪!!!都唔知寫咩好...今日都係同Alice一齊撘車返屋企，不過我哋都好攰，一齊喺車上面sleep咗...