今日放學返到屋企繼續睇埋睇咗好耐既外星BB撞地球，今日連續睇咗3集，已經睇到最尾喇...一開始睇住佢哋識，跟住一齊住，而家到分開喇...露露都要返去"莫多星"，雖然只不過係一套好長既卡通片，但係我覺得佢係同其他卡通片好唔同，最尾大家係可以犧牲自己幫露露，而彷徨同未夢都結咗婚，搞到我睇到都想喊...唔得!我要由頭睇多次!!!

暑假就到喇~上年我既暑假就去咗i.t.camp+做義工，足足用咗成個暑假，但係起碼我覺得好充實~今年我諗我都會做下義工(不過少啲)，今年我想學日文，媽咪都幫我去咗旺角嗰間日經拎咗啲小册子返嚟~應該會學ga la~我媽咪既好處亦都係唔會點迫我，起碼佢唔會迫我温書，唔會一早安排一堆我冇興趣既暑期活動~

都講一講上年暑假:1.現實就係現實:你識得愈多愈嘢對你好有著數!

                      2.好少人會為你犧牲

                      3.靚仔唔一定好:一個個樣唔好既人分分鐘會唔埋會唔會得罪人而為你出頭，反而個靚仔既就當睇唔到!等等~~~不能盡錄

今朝撘車返學，落車嗰陣仆咗一仆，咦~羞死啦!!!

放學要接受miss lee既interview，有六個人，其中一個就係我喇~~~yeah! 但係我發現我答既嘢同人哋係勁唔同ga!不過miss又話:"我好鍾意佢答既答案，好特別。"梗係啦~我問良心答ga 邊度似有啲人答得咁咩啫!但係我都覺得我係一個都叫奇怪既人...

interview完之後又要搞班會啲嘢~我呢個主席真係好辛苦... miss同mr.wan又唔體諒...唉...唔好提啦...

今日我聽電視發現原來通菜由名為"抽筋菜"，跟我我媽媽就話喇:"係呀~啲人咪成日都話去游水之剈唔好食咁多通菜，如果唔係游水會抽筋ga!"我聽完之後就... <......呆咗......

琴日整既"薑啤檸檬啫喱"既味道都好ok~~~唔錯唔錯!

講下嚟緊既大考~直頭係痴線!連學能測驗一齊嚟!eng加加埋埋考三次!!!只係我哋班咋!!!加加埋埋考22科!!!而家讀大學咩~啲嘢又要難喎!温書都温都癲啦!

今日喺屋企整甜品，整"薑啤檸檬啫喱"，我呢啲未到家既靚妹仔~係整呢啲簡單啲ga la~不過我相信係暫時性既啫! 不過其實我已經降咗級~就係上次整既紅豆糕有啲失敗，所以今次整呢樣~我諗應該都o呱~最難既就係整嗰啲檸檬汁，啲薑又有氣喎~不過我加咗啲菠蘿~~~

p.s.我最憎人唔信我又要"握"我!既然你唔信我，咁點解當初我講完你又要好似信咁啫!!!

今日係我最愛既星期五，放咗學同alice撘車返屋企，喺途中，我哋不斷講陳sir(陳x廣)啲嘢~好好笑呀~原來佢真係好...我哋足足成程都係咁笑，笑到我肚都痛呀~~~哈哈哈!!!!!!!!! 仲比我發現原來佢有個花名ga!就係~~~大陸廣!!!哈哈哈!!!好好笑呀~~~

跟住我哋就行下lok fu la~我哋喺大眾行咗勁耐~出去嗰陣個防盜裝置響喎~嚇到我同alice呀~ 我仲以為係我個書包挂住咗佢啲貨啦~原來唔係我~係我隔離既...alice，啲店員個個出晒嚟，啲人又勁望住我哋喎~好驚呀~~~ 不過我哋都冇偷佢哋啲嘢!咪由得佢哋check lor!果然比我估中，喺alice之前喺大眾buy既貼貼~之前比完錢，個keeper冇銷到件嘢!搞到咁!不過alice喺佢嗰包嘢度又畫咗嘢、又有嘢喺度，又殘殘地~~~一睇就知係用咗一啲時間啦~事後，alice發誓以後都唔去大眾lu...而我諗我都隔一陣至會去... 不過其他都唔關我哋事!做咩搞到好似自己真係做過咁呢!?

p.s.今年f.3都未會考，但係已經聽咗唔少會考既嘢~包括咩要點點嗰啲，仲要樣樣都係唔好既嘢，我已經有會考既壓力喇...