今日係最後一次去cityU排戲lu~有啲唔拾得呀~ 其實照理就應該係下個星期六至係最後一次去cityU，但係因為miss sun下星期六要去交功課，所以cancel咗...但係今日就留咗喺cityU傾eng project，都傾咗唔係多~之後就喺cityU影咗啲相，仲喺門口影咗，啲大學生見到我哋喺門口影，個個都望住晒，搞到我哋好白痴咁~

跟住返到嚟lok fu lu~今日殘酷一叮喺度做試叮大會，所以我就走咗過去睇下李克勤同梁榮忠真人喇~原來梁榮忠都o ga~不過可惜佢好快咁又唔知走咗去邊喇~我想影佢哋ga!不過啲人阻住咗~可惜~今日既嘉賓係2R，不過我就冇咩點望過佢哋~其實我覺得佢哋都冇咩點聽啲人唱歌既~喺度影相呀~傾計呀咁~不過佢哋又叮人叮得好快(我係講緊李克勤同梁榮忠)

今日上P.E.堂考試，開頭比咗時間我哋練跳箱,跳馬同體操~跳箱同跳馬好搞笑呀!我比葉傑笑爆嘴喇 ~佢跳嗰陣唔知點解個頭"feng"咗幾嘢，咁我走去問佢啦~佢比我既答案就係:"feng"啲女人味出嚟呀ma~"笑死我啦~

跟住跳箱嗰陣佢好似我上次咁成隻"扒地熊"咁扒咗喺度，原來真係好搞笑好樣衰ga~ 連佢自己都係咁笑~ 我上次仲要踢起咗兩層tim!不過今次又唔知做咩!竟然跳到箱喎!拎到10/10呀!哈哈哈!!!

放學之後本來係傾eng project，點知啲人又話唔得閒~跟住我同潘迪se去咗幫手整佈景版(drama)，真係整得好靚呀~~~ 間"candy house"聽日我又去cityU排戲lu~~~就快錄影喇~要拎去比賽，希望入到啦~不過到時入到既話就要去做live喇~好緊張呀~仲要跳啲咁搞笑既舞~而潘迪se就要唱歌~我突然之間諗返起原來成套戲我同潘迪se係最奇怪lor~

今日係3月31日，3月最後既一日，今日放學之後我要學結他~阿sir把聲已經係沙，而家就仲沙，講幾句就唔得咁，仲好似啞咗咁~見到佢真係慘~

跟住我返到屋企樓下，feel到好似有人跟喺我後面咁~咁我咪望過去lor~ 原來係住喺16樓小學讀同一間又曾經同班過一年既林x龍同學，跟住我諗住行快兩步扮睇唔到佢就算喇~點知佢又跟住行快咗~仲好似好好咁去開門，點解自己又要"禁"錯個密碼...唉~ 之後就同佢一齊等lift，我個頭勁輕微咁另咗一另去佢嗰邊啫~佢即刻是但揾啲嘢同我講，開開個話題~之後入咗lift佢就開始轉入正題喇~佢一面唔望我~一面問"你有冇icq呀?比我呀~"跟住我就話咗比佢聽喇~不過佢一定add唔到我~唔係因為我講咗個錯既比佢聽~(我係講真ga!)而係因為佢跟本聽唔切，就算比佢聽得切，佢都記唔到啦~我個icq#咁多4,6,9咁~~~

我仲記得有一次我喺部車度見到佢喺外面行緊，我走去同佢hi咗一聲~跟住就喺下一個站落車(我喺我落車既前一個站同佢hi)，嘩!佢跟住跑得勁快咁追住部車呀~驚死我落咗車咁!!!幾壯觀呀~~~ 我只有一個字嚟形容佢，就係"傻"喇~

今日係復活節假既最後一日，聽日要返學lu... 呢個假期勁多功課咁，仲要有成半都係book report，琴晚做到我死死下...梗係啦!呢個假我有好多日都出咗去，返到屋企好攰，都冇做功課...

今日上晝我又再一次去cityU度排戲，都冇咩特別，但係之後喺cityU食飯，呢樣就好有問題喇~我食咗一碟叫"東江鹽焗雞脾飯"既飯，嘩!!!!!!!!!!!!!!!!!!勁咸呀!!!!!!!!!!!! 食到我呀!

今日真係太好啦~今日我終於可以睇到"星夢美少女"喇 ，如果個個星期三都睇到就好喇~~~

聽日返學希望葉傑可以好似平時咁既時間返到學校啦~如果唔係我要對住個咁既"高B梁先生"喇~佢變態ga~ ，又或者佢聽日唔好返，咁就最好喇~ ，好似又衰咗啲咁~

開心:我今日入下入下咁竟然比我入返呢個日記呀!!!!!!!!!!!!!!!!!!!!!!!!! 太開心啦!!!!!!!!!!!!!!!!!!!!!!!

擔心:1.我開咗既新日記點算呢?!

       2.我啲功課未做晒呀!點算好呀!又要背書~

聽日又要去cityU排戲lu...又提早咗喎~一定要起到身!!!