Cursor by www.Soup-Faerie.Com
pupuIvY : 個人主頁 - 相簿 - 訂閱  [ QOOZA - 論壇 - 登入 ]
pupuIvY
暱稱： 砵砵車
性別： 女
國家： 香港
«‹ July 2026 ›»
SMTWTFS
1234
567891011
12131415161718
19202122232425
262728293031
文章分類
•全部 (242)
好友名單
尚無任何好友
網站連結
尚無任何連結
我的...
arashi*二宮,大野,櫻井,相葉,松本
站內搜尋
RSS 訂閱
RSS Feed
2005 年 5 月 11 日  星期三   晴天


我部電視壞咗呀~~~ 感動 分類: 未分類

今日陳遠A又因為唔舒服而早退喇~咁當然係我幫佢拎功課喇~~~落咗車之後佢未嚟~所以我同alice喺度一路等一路傾啲八婆嘢~~~喺度講我哋學校邊個係靚仔~原來真係冇ga~~~

返到屋企，發現咗屋企部電視壞咗呀!!!咦~~~我唔要呀!!!得啲聲又冇畫面~~~咁仲叫咩電"視"喎!叫收音機啦!!!
發表時間：2005-05-11 08:36 PM  [ 訪客留言(0) ] [ 編輯日誌 ] [ 分享至FACEBOOK ]
2005 年 5 月 9 日  星期一   雨天


食飯嗰陣好雨呀... 分類: 未分類

今日朝早宣佈咗喇~嚇死我喇~~~等枝咪又等咗好耐~企喺上面又唔知點咁喎~同埋原來我講嘢都ok大聲下...因為我係一個美貌同智慧並重既女仔~所以我諗我應該收歛一下~~~哈哈~

今日食lunch嗰陣好大雨呀~~~我哋都未出去把傘都已經反咗喇~~~出到去又風喎!都唔知理得邊好~~~勁狼狽lor~原來學校個鐵閂"淋"埋~~~wa!化唔化學啲呀!?跟住我哋班個鄧x安比個鐵閂dom中個頭tim!不過佢話我知係整到隻左腳，都唔知信邊個好lor~跟住丁x康又無啦啦喺樓上跌咗眼鏡落樓下喎~真係學miss wong話~呢個世界真係咩事都可以發生~~~

放學返屋企，我撘巴士足足撘咗成個半鐘呀!!!就係因為個風呀!搞到陳遠A等咗我好耐呀~~~(佢今日早退，我幫佢拎功課)我一落車，即刻有滴大雨滴咗落我隻眼，咁都中~~~真係...
發表時間：2005-05-09 09:13 PM  [ 訪客留言(0) ] [ 編輯日誌 ] [ 分享至FACEBOOK ]
2005 年 5 月 8 日  星期日   雨天


黃色暴雨警告訊號呀... 分類: 未分類

今日黃色暴雨警告訊號呀...好大雨呀...唔知聽日會唔會落雨呢?聽日如果朝早落雨既話就唔駛上台宣佈喇...又唔知會唔會落喎~咁我好唔好抄嗰份講稿呢?我又唔想抄喎~而且聽日都未必要講啦~但係聽日唔落既話咁我咪死得!?唉吔~~~咁點算好呀?

發表時間：2005-05-08 07:50 PM  [ 訪客留言(0) ] [ 編輯日誌 ] [ 分享至FACEBOOK ]
2005 年 5 月 7 日  星期六   晴天


yeah!!!去海洋公園呀~~~ 傷心 分類: 未分類

好開心呀今日去海洋公園，而且又唔係好多人，唔駛同人擠~~~玩機動游戲又唔駛排~~~

今日一早走出門去金鐘集合，點知好快就去到~9:45a.m.集合，我9:10到...好無聊...

去到海洋公園本身就睇到12:00就自行解散(可以留喺海洋公園)，而12:00之前就要去大熊貓園、海洋館同鯊魚館~不過去到嗰陣大熊貓園未開，所以cut咗~~~yeah~~~都睇過啦~都係熊貓啫~海洋館啲魚好大，同上年暑假去嗰陣差唔多，而鯊魚館啲鯊魚好恐怖呀...

解咗散之後我哋一行6人(我、潘迪se、林x康、陳遠A、董x俊、alan tam)諗住食啲嘢就沖去玩，點知啲嘢貴到無論!是但食咗啲就算喇~今日玩得最激既就係我同陳遠A，我哋咩都玩，我玩咗+去咗:撘纜車、鯊魚館、海洋館、飛天鞦韆、沖天搖搖船(海盜船)、翻天飛鷹、滑浪飛船、威威至激之旅、大熊貓園、恐龍足跡、亞馬遜歷險迷程、3D幻影森林、兒童皇國:砵砵火車頭、幻彩旋轉馬(旋轉木馬)、昇空奇奇遇等，無論大人或細露既都玩過~~~哈哈哈~~~仲影咗好多相~~~

今日最難忘既係海盜船同滑浪飛船，其實今日我玩咩係度勁笑，但係玩海盜船嗰陣笑得最勁，因為啲人係咁係度叫，好搞笑呀~~~但係陳遠A竟然驚，仲叫得好勁，跟住滑浪飛船就玩到成身濕晒，其實呢個遊戲都冇咩嘢既，只係坐喺度隨波逐流，跟住去到最尾嗰陣就一嘢沖落去，啲水搞到我成身濕晒。本來我想玩埋嗰兩個過山車同跳樓機ga~點知佢哋又唔玩喎~下次一於同啲玩既人一齊玩~~~

星期一要上台宣佈喇，好緊張呀~~~
發表時間：2005-05-07 09:45 PM  [ 訪客留言(0) ] [ 編輯日誌 ] [ 分享至FACEBOOK ]
2005 年 5 月 6 日  星期五   晴天


跑完9分鍾之後既一日... 不安 分類: 未分類

wa!今日真辛苦!琴日跑9分鍾之後，今日落得既結果係對腳好似斷咗咁...原來係落樓梯仲痛過上，連坐低都好痛呀~~~

今日返到學校，嗰咁既"高B"走過嚟坐咗喺我隔離，我預咗我會同葉傑一齊噴佢ga la!跟住唔知係佢特登整定點，葉傑把"啫"跌咗，嗰咁既"高B"扮晒嘢咁話幫佢"汁"，跟住葉傑好得咁講:得!唔駛你"汁"!我自己"汁"! 我都懶得出聲呀~~~今日嗰咁既"高B"竟然叫林x康叫我同佢一齊食飯，又話我只要有多啲人就同佢食!我幾時又有講過呀!?我一直都係話唔會同佢一齊食ga!

今晚，我喺度勁諗個嗰咁既"資訊科技常識問答比賽"既題目，真係諗到頭都爆呀!好難諗呀!又驚太難，但係太易又好似唔係咁好，最後我都只係諗到4題，感覺上都ok難ga~仲要send比6s李力x，唉呀~~~星期一早會就要喺台上邊宣佈呀~~~好驚好緊張呀~~~我哋要講既就係呢啲喇~~~

D︰大件事啦!我屋企無Dreamweaver，仲未整好個網頁呀!你整好左未呀??

I︰整好啦…我係網上down左個試用版.不過只係用得30日

D︰咁點算呀?就要交啦

I︰呀…資訊科技處宜家可以幫同學訂一D對功課上有用既軟件.

D︰哦..我知…訂photoimact同埋macromedia studio mx 2004學生版

I︰個學生版裏面有flash.dreamweaver..firework 同埋freehand

D︰本來個學生版3千幾蚊架.宜家3百幾蚊炸.個photoimpact都只不過係50蚊炸

D&I︰抵到爛啦，噤樣點訂購呀？                                           <-----------呢句好無聊，好難夾呀~~~我又驚我自己會笑喎~~~

I︰由今日開始至星期五

D︰食lunch或者放學去MMLC

I︰交錢比當值既資訊科技學生領袖

D︰咁就搞掂架啦

I︰喂…聽講星期五有個網上問答比賽喎

D︰哦…資訊科技處搞架….詳情留意IT-School電郵啦

I︰咁就一定要check e-mail 啦..

D如果對軟件訂購有任何查詢

I:可找杜愛明老師。

聽日去ocean park喇~~~不過佢哋個個都話一陣就走，咁我冇理由一定要跟佢哋走既啫~大不了咪自己行下玩下咁~~~不過好似有啲可憐咁... 其實我覺得佢哋咁...不如唔好去...一陣就走...咩都玩唔到咁...
發表時間：2005-05-06 10:34 PM  [ 訪客留言(0) ] [ 編輯日誌 ] [ 分享至FACEBOOK ]


« | 40 | 41 | 42 | 43 | 44 | 45 | 46 | 47 | 48 | 49 | »