講返上一堂，上一堂咩都冇學到，只不過温返之前教過既嘢~早知就唔返!而呢堂就係拋樽+拋環。呢兩樣嘢真係好危險... 一旦打中，痛好耐...一開始女仔(加埋得3個啫~)學拋環先~感覺上都應該係女仔玩呢樣似樣啲~呢樣嘢，咪見佢冇咩咁!其實好勁!我比佢打中兩次額頭，痛到我... 之後學拋樽，仲死!我隻手瘀晒...好痛... 我差一步就得ga喇~但係我最後都放棄咗...隻手唔可以再受啲咁既苦...

原來而家啲細露真係好惡下~我哋上到咁上下，因為我哋嗰室唔知點解有人喺度宿營...班細露咁"橋"返嚟~嗰發緊脾氣嗰個就喺我面前飛書包!!!好壯觀~~~

今朝同alice一齊返學，喺車上已經有講唔知會同邊個同班既嘢，搭搭下葉傑(女仔)打嚟...講咗個壞消息我知...我收咗線之後就喺部車度發癲...呢個消息就係——下年要同高B一班.天呀!!! 佢會唔會好彩咗啲呀!?佢咁既成績竟然入到4A!!!我會唔會又太"好彩"呢!?又同佢同班...我真係不敢想像我日後既學校生活...返到去聽人講話佢向人晒命呀!佢話佢自己暑假會去美國旅行喎~仲問人要咩手信，又話自己會去日本留學學日文喎~唓!你咁叻就唔好喺度讀啦!冇人會阻止你"咁好"既發展呀!係走又唔走!?下年4A得9個女仔...唉...讀a maths先得嗰3個女仔...冇嘢好講呀我...

之後同alice又去咗旺角~影咗貼紙相，我就買咗條頸鍊~好靚呀~~~

哎吔~今日返馬戲班同阿sir一齊返到，諗住拿拿聲上lift，點知都同佢一齊搭lift [我係咪有啲"恐男症"一遇到啲我唔鍾意既人，而佢又對我好嗰啲我就會好驚...只限男性(望落去係矮嗰啲，嗱!係個人問題啫~)(反而女既就冇事)...驚...]以上絕無針對成份，只係個人感覺，當然~鍾意嗰啲咁梗係想佢對我好啦~但現實往往都同想法有著大分別。今日玩呢樣嘢用咗我好多體力...我對手係冇晒力...仲不斷係咁震，好慘呀!!!仲生埋個"卜"仔，今日走嗰陣又去M買咗個包食...慘啦~再咁食法我唔敢想像我第日個樣...

讀書幾神奇!?而家喺暑假當中，前個月仲係個F.3仔，一個月後就係F.4喇~我唔知點解成日都覺得下年就咩都唔同...心理問題定真係咁呢!?我要告別初中lu~冬天就要打tie著高中既冬季校服lu...學校都由原本放3:15(夏令)變成1點幾.......總之我就覺得咩都唔同晒...

聽朝同alice一齊返學 特登返去睇分班結果，其實跟住唔返去都得...不過我哋可以喺學校傾下計呀咁~唔知同邊個一班，可能有兩個留班生~但我只希望唔好同高b一班，我唔想再比佢老屈!!!比佢搞到我喺度失控，我已經喺老師面前鬧過佢喇(其實可以話係全班)，好彩嗰個係趣趣啫，如果唔係我實比人鬧呀~而唔係佢!

呵~舒服晒!今晚同alice傾咗好耐~同佢講咗好多嘢~暢所欲言~佢同我講佢阿哥做緊暑期工~教啲小朋友游水~咁又係~佢阿哥游得都好好~仲話啲小朋友唔識游，係咁抓...佢阿哥都準備去澳洲讀書lu~我都同alice傾咗好多嘢~包括比人hurt、下年會唔會同高B梁生一班、回憶返高B既嘢令到我喺班失控、呢個暑假點點點呀......一次過講咗好多嘢~下年唔同佢同班lu...不過我哋都會係好朋友，我放學都會同佢一齊走~

同alice約好星期二一齊返學校~

聽日又返馬戲班...

晏晝行去上堂既時候落大雨... 擔咗遮都濕...段路仲要ok長下...遮都反!過馬路嗰陣突然之間有雨個靚仔喺我面前跑過~嗯~~~轉碟都好快學識咗~好~進度唔錯~ 不過啲花式就有啲難，練雙人花式嗰陣就因為今日少咗個人而令到我要同阿sir一組，好驚...即刻打醒12分精神，好驚比佢鬧...同佢練好似同佢玩緊2人3足既耐力賽咁...因為我之前已經轉到手又痛又攰...而佢就好似唔會攰咁...唉...好彩過到骨啫~

我份人就好奇怪，一用腦用得太耐或者全神貫注某樣嘢太耐就好容易肚餓~ 所以平時返學好容易肚餓，今日因為轉得太耐所以好餓~於是去M買咗個包食~

個天係咪要同我作對呢!?今日行去嗰陣就落雨 仲要鬼咁大~去到又唔落!返屋企嗰陣又係咁!

今日都係避人第6日，聽日第7日，一個星期喇~我相信就算呢個人知，佢都只會覺得我好無聊同好白痴