講琴晚之前要講下今日先，因為呢一篇係今日既日記。

今日(基本上係成個禮拜)都日日朝早返學校排戲，星期六就係喇...又去返理大，好記得我上年去理大係因為I.T.Camp，嗰日我係跟住個大一入學註冊嗰啲指示入去，好似自己都係入去註冊咁~今日好唔想起身...因為琴晚lor~排完之後齊齊撘bus去理大視察環境，喺車上面又講起升中四既嘢...感覺好大壓力...個個都問，老師又問又分析下咁...次次都唔知點答...我哋仲講起去外國讀書既嘢...原來喺我嗰去第度讀書嗰個係鄧x安...又係澳洲...其實佢都唔係好受歡迎喺呢班...但係我覺得呢啲都唔係佢既問題，係佢屋企既問題而搞到佢咁...今日聽完之後好唔知點...又係澳洲...喺我身邊已經有唔少人話去澳洲讀書lu...唔想!去到理大睇完就走...得我自己一個撘KCR...都好既，聽完啲咁既嘢比自己諗下嘢都好既...

講下琴日，28/6:

呢晚我唔係屋企..晏晝六點幾出咗門去旺角拎獎...好行.都係嗰啲嘢..9個字就走得，拎咗張獎狀同兩張<<龍咁威2>>。之後join咗黎伯佢哋...其實有啲唔想去，但係諗住太耐冇同佢哋呢班top teen一齊，咁算啦..出lor~返正佢哋喺旺角(原本喺紅磡)反正我都喺旺角...同佢哋去咗食飯，不過我冇食，因為我一早食咗...原來間嘢唔比人坐咗喺度唔叫嘢..於是用咗$14飲咗杯嘢..好難飲...我梗係發揮我多嘢講既本色係咁講嘢...食完打咗個轉，去咗尖沙咀吹風...喺海傍行lor成班人(我、小雲、wuncy、黎伯、金龍、陳x賢、余佬、東少)，可能最近係咁煲<<還珠格格>>，感覺上好似微服出巡咁~一路行啲人就係咁叫我哋買花，又叫啲男仔話"買啦~買嚟送比3個靚女啦~"，金龍竟然問我要唔要話送比我!?梗係唔要!成班人就坐喺海邊望住天睇雲、海、燈飾...我又好驚喎~好驚跌落水...又唔夠腳長...甫士勁核突咁比人影咗相...3個女仔當中我最冇收穫...原本我諗住買條手練既物體ga~我睇下啫~嗰咁既衰人老闆捉住我隻手叫我戴，又話咩靚女呀嗰啲!佢條咁既嘢又細喎!我戴都係得少少淨，跟住又話我太瘦!!!咩都佢講晒!唔通big爆佢條嘢至叫好呀!?於是我決定唔買!!!!!之後見到一班去完謝師宴既人，見到有一對喺度比人畫，我覺得佢哋都幾"郎才女貌"~個男既笑到呆咗...因為畫得太耐...佢個樣真好笑~之後傾下我就拿拿聲走...是關我驚冇地鐵...返到屋企已經深夜12點，搞到成點至瞓...今次係我第一次同啲同輩一齊玩到咁夜~不過都ok開心既~

今日朝早又去city U排戲，可能琴日去完camp返嚟仲未休息夠，再加埋唔係成日排act.2，所以好攰... 今日排戲所有人都到齊，包括所有演員、所有幕後(好似有個f.2既幕後冇嚟，不過我唔係成日見到佢，所以感覺上唔係好當佢係幕後咁...)個feel ok好呀~排完所有人去咗又一城食飯(miss sun請)，我哋去咗EXP食 9樣嘢12個人食...我一路食一路睇住啲人溜冰~啲嘢食都唔係多，我見葉傑、盧x杰、何x文呀佢哋都唔係食咗好多咋...真係唔係幾低食...不過都洗咗唔少錢呀我諗... 成班人行去撘地鐵嗰陣黎伯話我知我哋藍極星下星期1/2晚黑出去食飯，仲要去紅磡...即刻出現好多問題... 1.晚黑喎...2.紅磡喎...一來一回用咗唔少時間...3.佢哋唔知又要洗幾多錢...4.唔知佢哋之後又有咩活動...5.如果係星期二晚我唔得閒，要去拎獎...6.最大問題我唔知要幾點至返到屋企...唉...算啦~佢都冇同我講...唔理喇... 同黎伯講完之後諗住同葉傑一齊撘地鐵，於是問蘇征佢哋佢喺邊，原來佢已經行到天邊咁遠...咁算lu...落到去至發現原來我同佢係撘相反方向，好彩冇叫啫~返到屋企好攰...於是瞓咗...

呢兩日我去咗maths camp，今日晏晝至返嚟~

23/6:呢日入camp，一早就返咗學校上咗叫做第一堂既a maths(數學歸納法)，一開始上"數學家"既堂，好悶呀... 聽落去好似明咁...但係寫就唔識寫 呢課仲要係a maths最簡單既一課... 我諗我真係唔係咁適合讀a maths...或者理科...食完飯返到嚟拎咗行李喺canteen等，見到馮sir、朱sir、"數學家"食完飯返嚟，個"數學家"又走咗過嚟又問我嘢...又話潘迪se同我...一個考第一，一個考第二，想揀咩科都得啦~對於我嚟講"唉..."好彩朱sir後尾走過嚟，再一次脫險呀...嗰陣落好大雨呀...唔知邊個叫部車入咗嚟，應該係"數學家"呱...突然之間覺得佢有啲體貼 應該係第一次對佢有好既評價~ 喺車上面係咁計數，哈!比我計中咗~有嘢食~yeah~太叻喇~今次又係去返曹公潭，好記得上一次去嗰陣要喺座山度係咁轉至上到去，今次一樣，轉到我好暈好想嘔... 去到玩營地活動，嗰度都冇咩好玩，首先同潘迪se、葉傑勁玩氣"煎"球，玩到隻手都斷埋呀~跟住我去咗聽關x逹同陳x朋唱k，佢哋唱郅好似死人咁... 食完飯以遊戲方式又上堂，我鍾意朱sir嗰邊多啲~有趣啲~(數學家係冇去ga~有啲可惜)中間有得休息，聽班男仔講浴室有隻勁大隻既昆蟲企喺度，講真嗰句，愈晏愈多昆蟲，又大隻，又多品種，又多顏色，仲勁過人哋博物館呀!成班女仔(8個女、8個男，唔計sir)成晚喺度叫~耳都襲 我都有叫~不過細聲啲~沖涼都唔係咁放心，好彩有葉傑同魯魯打頭陣，視察環境~成班女仔就係咁玩大富翁同uno，等時間過，又唔想瞓，因為驚有昆蟲走出嚟...玩玩下張$1000跌咗落床"喇"，想叫阿sir，但係又瞓咗，只係問啲男仔借咗尺...真係四周圍都有昆蟲，勁恐怖...啲冷氣又勁凍...

24/6:朝早四點幾比雷聲同閃電整醒咗...原來係紅雨呀... 朝早玩咗個"數學迷踪"我哋第一組(我、葉傑、關x逹、陳x朋)好合作~我最鍾意呢啲場面ga la~我哋好叻呀~有15題，我哋揾咗14題呀~又難揾喎~有啲喺垃圾桶後面，勁騎呢呀~我哋都係揾完啲數嚟計既咁多組當中最唔冷靜既一組，場面好搞笑呀~ 啲唔識計既就估呀撞呀咁~但係比我哋win咗喎!?!?!?!?!?!我哋四個白痴當場傻笑~yeah~我喺呢個camp win咗唔少食物返嚟~之後影相，就走lu~不過早走早著~咁多昆蟲~

返到學校撘7b走，行行下7b嚟咗...咁梗係跑啦~個死人司機等我跑到就嚟到嗰陣竟然開車!!!憎爆佢!!!我一定認得佢ga!!!

p.s.:handsome真係好樣衰，自己又唔係大隻，又唔係高，又唔夠人橫，又唔夠人打波咁勁，又要著波衫嚟~都唔知似咩~一日比一日離譜，琴日都唔講喇...今日又要著件波衫勁大件咁...成日露點，褲又闊，成日露大脾，佢冇時冇刻都要露點...核突到死!嗰度又涷~你以為自己好勁好壯呀!?唓!

琴日撞親膊頭呀~就係因為啲衰昆蟲!今日好痛呀...咁一咁都痛呀...

聽日又去排戲，去city U，原來我哋已經喺頭三名喇...問題係2/7去理大搶亞軍或者no.1

唉......今日我班既大日子，BBQ!但竟遭啲柱為人師既人用卑鄙既手段而取消!!!真係迫我做呢個我唔會用既符號-->

之前嗰啲點解會知我就唔講喇...總之今日睇住mr.wan由校務"署"走出嚟同我講校長話唔比燒烤，原因估都估到，就係因為手球星期日比賽，要比佢哋用個場，但係我哋係考試之前已經book咗喇...親自比信校長，安排晒所有嘢，我同箽x俊係連考試期間都要做...琴日仲去買晒嘢，食物又訂咗.....咩都做晒...而個死人鄭x霞呢!?佢今日至同個"好"校長講，我相信佢唔單止同mr.wan講咗咁少嘢...因為個個幫我哋既老師都神色凝重...只不過mr.wan唔肯講...知唔知用咩藉口?"下晝天兩可能惡化，驚我哋唔知點走;怕我哋喺cover燒烤，搞到佢個天花板會黑咗"未見過啲藉口咁cheap!有少少常識都知唔會啦~嗰度咁流通...今次我哋班真係好齊心ga......今日我真係好想喊...幾次都忍住忍住...如果我真係喊咗出嚟，我相信啲同學會更加唔開心ga...個死人鄭仲要無啦啦走嚟鬧潘迪se，有冇病呀佢?佢比人拉咗咁仲做咩放佢喎???最後咩都做唔成，仲要睇佢哋喺度假惺惺...卑鄙!賤格!落咗訂既錢最後要mr.wan同miss chui填...miss chui仲口快快咁話咩咩鑊...呢啲就係叫"上樑不正下樑歪"身為教育者係咪應該守諾言守規則呢!?如果唔係點教學生，教領導老師教出好既學生呢!?仲要用啲咁卑鄙既手段...令到我覺得我真係好對唔住兩個班主任同所有同學，仲有話嚟既老師，幫過我哋既老師，特登整糖水比我哋食既miss lee...感覺上好似係自己既責任咁...仲要老師填數，計埋所有數...就係佢哋兩個一手做成既...一句說話，一個榮譽...呢件事我會銘記於心...一定唔會唔記得...仲好記得佢哋既惡行...今晚仲聽到林x洋講原來佢兩個一早喺F.6出晒臭名...雖然我冇詳細咁寫今日既事，但係呢件事都好大下ga...我今日既心情就好似啲high light色咁...唔係熱情，而係"火爆"!

Today派卷，唉...死咗...啲成績差咗呀...好想喊呀...好驚保唔住個no.2呀... 不過今朝陳x強同我講話我bio考得好好，第2喎~我係咪變態ga?我最唔想温、自覺最核突既一科竟然可以拎咁既成績...真係真係好驚呀我...

今日要為聽日既BBQ周圍請老師去...根本就係mr.wan既意思...對住"數學家"真係無話可說呀...佢竟然話下半part會嚟...其實我一啲都唔想佢嚟...放咗學同我嗰班啲壯丁落去買嘢...

今日miss yeun又揾我同潘迪se...唉...做嗰啲數已經係煩ga la~而家仲要做晒成年既... 搞到我今日要拎本帳簿返屋企做...都冇時間...又唔識、又未掂過...啲格又細...要我特登揾枝細珠筆...我搞咗成粒鐘至寫得嗰四行...點知比我發現原來我做錯咗...

今日正式知道drama入咗喇!!! 但係下星期六就要去比賽喇...好趕呀...而目的地就係理工...上年i.t.camp至喺嗰度...今年又返去嗰度... miss話我最尾嗰度要加呀...我驚我背唔到呀...嚟緊呢兩個星期勁忙:聽日BBQ，23/6入camp，24/6出camp，25/6去city U排戲，27/6-30/6返學校再排，1/7聽閒都要，2/7比賽喇!!!到時win唔win都會知，一定好緊張...如果衰咗唔知點算，win咗分分鐘結業日表演...一樣死...

http://ngszeli.net/ngszeli/love/miss/<---一個人哋send比我既故事，旦願有情人終成眷屬