今次係去英華書院，去到既感覺就係大大大同大! 成間學校都好靚好新，同其他學校唔同，竟然有涼亭lor! 又有啲似公園，勁先進。今次係我到目前為止既中學生涯當中，第二次去男校，第一次係去拔粹男書院(嗰名好似係咁)，嗰度仲大!可惜就殘咗啲~不過風景好~好有校園feel~ 有好多課外活動~有劍擊部~第二次就係今次既英華喇~ 死啦~搞到我好鍾意男校~不過我係個女仔...係咪所有男校都係咁既呢?

至於嗰講座就...最初我都好有心機去聽，但係佢都唔比人去休息，一聽聽咗3個鐘!!!坐到pat pat都痛 仲邊度想聽喎...

走嗰陣同handsome同杜生一齊走，間學校就真係好唔錯，不過都冇車撘...行咗勁耐...返到lok fu食完飯攰得濟瞓了...今日就係咁過咗喇...都唔知係好定唔好...

琴日整親隻腳...今日仲痛...好人冇好報...

今日原來葉傑(女仔)去考小提琴試...學校好衰呀!!氹人考!又話學校出考試$，等人哋考先至話比佢哋知要佢哋pass咗至幫佢哋出!唔pass要自己出，加埋啲伴奏$，都已經成千$!好衰呀!!!150滿分，要100至pass，都唔知話易定難lor...

今朝為咗幫人，搞到自己仆親...隻腳損咗...好痛...痛咗成日...仆嗰陣仲要好多人見到...

今日睇住啲人拎學科優異獎...自己上年又唔好好努力，搞到冇咗書券...不過仲有學業獎~都好~

放學都ok忙下，走嚟走去，之後同alice坐喺canteen傾計~之後幫simon house整啦啦隊球~雖然我係martha既~不過我覺得冇咩所謂啦~整咗都冇咩衝突~仲可以幫到主席~今日canteen都有好幾個house整運動會啲嘢~好正呀~呢段期間~今日都整得好開心既~黃瓜愷成日講錯嘢~啦啦球就變咗呼拉圈球~ 太正喇~嗱~我講得出做得到呀~我打咗喺我日記呀~hahaha~ 不過今日見到阿don咁...就真係大打折扣!

返到嚟好攰...聽日又要去嗰個咁既閱讀大使培訓...去英華...真唔想去...514...我唔想再驚一個星期...

p.s.今日我同金龍終於搞掂咗班際接力啲嘢~好嘢~ 我哋班男仔出兩隊~兩隊都好勁咁~太開心喇!!!到時一定嗌破喉嚨幫佢哋打氣!!!不過今日竟然有人提議女仔出兩隊...嚇死...我哋班得9個女仔...咁咪9個都出晒!? 我哋組一隊都咁難...更何況x2呢~又唔係跑得快喎...出到去都係瘀...

好多日都冇打日記lu...要打返密啲!本來我想打返前幾日既，但係唔記得晒發生過咩事...

今日又好攰...上到去尾二嗰堂我真係隨時都瞓著... 可惜我嗰個位miss見到...今日上咗5堂啫~兩堂P.E.都唔駛上~miss鄭請假~不過咁樣都唔係完全好lor~好既就係唔駛比佢虐待，有時間比我做功課，唔好既就係真係好悶呀~放學喺canteen等alice，跟住又唔知點解成班人坐埋一齊傾計，陳遠A就係咁叫我幫佢問主席同eric嘢，問問下大家就坐埋一齊lu~ 傾計~哈哈~主席借咗件chem袍我著~ 個感覺係------好大件~

總括嚟講，今日冇咩特別嘢~最特別既就係我粒暗倉變得好大粒...好肉酸...比人笑...

......今朝又抽筋...無話可說...唔知自己發生咩事......

琴日屋企多咗兩本06年生肖運程既書，於是又睇下~睇完好激氣，講到我下年咩都衰，學業、健康、財運、愛情冇樣好...仲要衰! 一年365日冇一日好!痴線ga!!! 啋過佢呀!!!我就唔信有人會一年365日都咁!!!嗰個仲要係我!!!生肖有12個!唔通呢個世界得12種人!得12個結局!!! 我記住你!黃震宇!!!學咩人出書呀你!!! 於是睇第二本，呢本係鄺x雄，都有講唔好，不過都有好~

晚黑喺度作文~好辛苦至嘔到出嚟...發覺自己愈嚟愈懶...天呀...a-maths...

聽日學生輔導員中一迎新，不過到而家都唔知要做啲咩...

加油呀!砵砵車!我就唔信你會輸比命運!!! 黃 宇!你同我記住!!!你呢個不可信既人!

琴晚瞓瞓下又抽筋...上次係左腳，今次係右腳... 抽完之後又瞓過，但係又唔知點解今日小腳痛咗成日...命苦...

今日phy同maths都quiz，石過我覺得咁唔錯呀~啲時間易過啲~

放咗學要整choir嗰個broad，好肉酸呀!不過冇心機整出嚟既嘢係咁上下ga la~之後同alice喺canteen傾計~好鍾意咁~ 仲見到有人情傾阿don既實況~ Woo~ 覺得自己好賤格tim~ 再之後又同alice買薯條，預咗爆暗倉~不過係咪都唔靚啦~無咩所謂啦~想食就食~

返到屋企果然真係爆咗出嚟...好痛.返咗一日學~又好攰...於是又瞓lu... 之後就比主席既電話嘈醒咗...

屋企樓下已經整地整咗兩日!煩到死!!!又唔知佢哋騒擾到人哋喎!咦!黑人憎!

下個星期六又要去嗰個"閱讀大使"堷訓...嗚...又要用嗰本514...嗰本嘢睇到我驚咗成個星期...我唔想再見到呢本嘢呀!!!