Cursor by www.Soup-Faerie.Com
pupuIvY : 個人主頁 - 相簿 - 訂閱  [ QOOZA - 論壇 - 登入 ]
pupuIvY
暱稱： 砵砵車
性別： 女
國家： 香港
«‹ October 2026 ›»
SMTWTFS
123
45678910
11121314151617
18192021222324
25262728293031
文章分類
•全部 (242)
好友名單
尚無任何好友
網站連結
尚無任何連結
我的...
arashi*二宮,大野,櫻井,相葉,松本
站內搜尋
RSS 訂閱
RSS Feed
2005 年 10 月 5 日  星期三   晴天


~無主題~ 分類: 未分類

嘩~好多日都冇打日記lu~~~連我自己都唔係咁知點解~

琴晚瞓瞓下覺隻腳突然之間抽筋 好辛苦，即刻彈起身，都唔知做咩~我已經係伸直晒咁瞓ga la~放學同alice一齊喺canteen坐，嗰咁既高b又喺度做啲白痴嘢!仲話自己跳緊hip hop!其實就係自己既某個重要部位係咁扭...核突到死!今日仲上上下堂無啦啦喺度喊，佢又開始痴線喇...之後同alice去"天馬"買薯條食~幾勁呀~冒住爆暗倉同喉嚨痛既危險~

唉~啲功課日日都壓一堆過嚟，清極都清唔晒...點算呀!!!!!!a-maths又做得咁慢!!!!!!

慘啦~好似開始同su啲人冇咁多嘢講，又冇咩兩句...都唔知點好lor~算啦~順其自然啦...如果唔係我會有更多嘢煩~
發表時間：2005-10-05 08:00 PM  [ 訪客留言(0) ] [ 編輯日誌 ] [ 分享至FACEBOOK ]
2005 年 9 月 28 日  星期三   晴天


~無主題~ 分類: 未分類

打返密啲日記~今日係我開學以嚟第一次返到屋都一啲唔攰~ 同埋今日啲心情都開心返小小~

今日放咗開choir會議~ 講咗都ok多活動~

發現原來胡x泰老師都對我好好~都好錫我~ 同我講嘢都會有笑容~好開心~有咁多人錫我~

同"創新閣"既人啲關係依然好好~ 好開心~希望以後都係咁~不過又同我唔想同既人一齊走...

呢兩日喉嚨都好痕...唔知做咩... 不過媽咪買咗啲薑返嚟比我食~食完之後舒服咗~
發表時間：2005-09-28 10:12 PM  [ 訪客留言(0) ] [ 編輯日誌 ] [ 分享至FACEBOOK ]
2005 年 9 月 27 日  星期二   晴天


25/9-27/9日記 分類: 未分類

一次過打咁多日既日記都係第一次，因為最近又忙，功課又多，返到屋企又攰...

25/9:呢日冒住3號風球同葉傑(女仔)去上水聽"中四最新英語課程講座"，感覺好似同葉傑(女仔)返大陸咁 之前嗰晚唔舒服...所以呢日感覺暈暈地...嗰度叫北區大會堂，講就講得好聽，其實係社區中心...嗰講者講得好有趣好搞笑，不過有啲粗...所以感覺好快完咗~之後比葉傑(女仔)呃咗去旺角食lunch 食完一陣之後走人，有啲無聊...因為病病地，返到屋企又瞓lu~ 但係主席打比我叫我去ben ben度一齊整旗，但係我都冇去到...

26/9:緊張時刻~學生會投票日~一早返到學校宣傳，但係隔離team就喺度夾band唱歌...無奈...啲宣傳活動會唔會太偏門呢!?入到hall stand by做最後一次宣傳，之後返去上堂，即刻有人走嚟同我講某某某頭先拎晒啲剩咗既票嚟係咁tick隔離組，不過有人阻止咗，真係太過份lor!唔可以公平啲既咩!?幫人駛唔駛咁幫到出面呀!?有冇諗過其他組呀!?仲走嚟同我講話冇做到，佢唔係冇做，而係做唔成!如果冇人阻止佢仲唔做呀!?仲喺我唔喺度嗰陣同我嗰fd講:"xxx都唔知做咩~我都冇做~"嘩!有冇搞錯呀!仲走去同我嗰fd講!自己做錯仲惡人先告狀，同嗰高b有咩分別呀咁!最終都輸咗...有啲own...有啲唔順氣，一啲都唔公平!不過都係一次好好既經驗，仲比我識到呢班f.6s既朋友~都唔會後悔既~都好多謝余佬幫過我~放學開學生長既會，再一次無奈...對住唔想對既人...算啦~之後又好趕咁走去做choir迎新既MC~

27/9:終於正式再上返堂，發現原來有好多功課，依然好攰...希望同到"創新閣"成班人keep住啲關係~

 
發表時間：2005-09-27 11:10 PM  [ 訪客留言(0) ] [ 編輯日誌 ] [ 分享至FACEBOOK ]
2005 年 9 月 23 日  星期五   晴天


~洗樓~ 不安 分類: 未分類

一連兩日既洗樓終於完咗lu...腳都跛，兩日裏面唔係企就行，上上落落咁...

真係唔明啲人，選舉唔係要公公正正咁既咩!?成日喺度單單打打，唱衰人哋，唔係真係驚輸驚成咁呀!?兩日冇上堂，不過好彩兩日都冇教啲咩，又冇功課做，返到屋企都可以休息下，不過唔知點解啲老師見到我都會同我講:"瞓醒未呀?"已經係第3個喇...又唔係上緊堂，我嗰樣唔係咁攰啫...咩事呀?

我而家睇返，原來我同呢班su既人只係識咗兩個星期，不過我哋已經好friend~

無論點都好，我哋已經好努力咁sale，都冇講過其他組半句壞話，而家最後既宣傳活動就喺星期一朝早，即使輸咗，但係我哋都冇輸到風度，呢樣嘢就係我哋既優點~
發表時間：2005-09-24 12:15 PM  [ 訪客留言(0) ] [ 編輯日誌 ] [ 分享至FACEBOOK ]
2005 年 9 月 20 日  星期二   晴天


~無主題~ 分類: 未分類

幸福真係唔係必然既，當你開心完之後總會有啲唔開心既嘢等緊你...

今日放學開既嗰個學生會既會好開心，但係返到屋企就聽到啲八封嘢，我真係冇嘢好講，我既性格係咁就係咁，想問就問，想講就講，但係我真係冇諗過會有一啲喺我心目中完全對佢哋冇介心既人講我既不是，講完又要唔認咁，既然自己講得出又怕咩認呢!?真係好失望lor...可能唔多唔少會係我既錯，我自己都已經諗過，都問過葉傑(女仔)，既然佢同我做fd做咗咁耐，佢都唔覺得有咩問題，咁我真係唔知自己應該點，況且話我既人又知幾多真相呢!?真話當假話咁，如果係咁既話，從此我唔會再煩佢哋，唔係咩必要事情都唔會痳煩佢哋，我本來以為自己唔會為呢啲嘢而喊，但係我都已經喊咗喇...我唔想再為呢啲我曾經信任既人再喊...所以我至會咁做...
發表時間：2005-09-20 09:08 PM  [ 訪客留言(0) ] [ 編輯日誌 ] [ 分享至FACEBOOK ]


« | 25 | 26 | 27 | 28 | 29 | 30 | 31 | 32 | 33 | 34 | ... | 49 | »