今朝6點幾 電話勁響，諗住唔鬼接，但係真係勁響，煩到爆 諗住如果係打錯就唔理三七廿一鬧爆佢先 點知原來係我媽咪，勁緊張咁話今朝唔記得拎衫開工，叫我即刻起身拎比佢，仲要叫我6點9到喎!?嘩!嗰陣6點5喇!唔駛撘車咩~又唔肯收線喎... 搞到我拿拿聲去刷牙洗面換衫，又要執袋，陣間唔記得拎鎖匙呀銀包咁就大煲lor... 跟住就跑去撘KCR，一路上啲人勁望住我喎~都唔知做咩~又要遠喎...比完之後返到lok fu先至7點，咁咪入咗去"惠康"打咗個轉...幾無聊呀...真慘~咁早比人叫醒咗...所以我今朝勁早on咗line...

煲咗一日劇________好攰呀...於是晏晝4點幾瞓咗...點知我嗰咁既阿媽吵住晒 ...算啦...都瞓到既...

今日真係過得好正!!!可以喺屋企做咩都得~喺屋企發癲~喺度勁睇日劇、卡通片，又可以打機，過得既平靜又自由~正!!!下兩個星期就好忙下...不過我enjoy呀~~~咦~葉傑你好衰ga~唔比人連去你個日記，搞到得xxx嗰個，人哋都唔覺得啲咩~得佢一個連結，搞到我好唔知點咁...

今日係一個值得高興既日子~今日就係最後一日考試，雖然自問真係考得唔係咁好~不過已經過去，過去既由得佢過去，而家都補救唔到，所以最適當既就係利用未派巻既呢一段時間玩返夠本!!!而且今日仲收到一個消息:就係聽日唔駛top teen，yeah!!!!!!

今日放咗學之後同alice返咗屋企換衫再出嚟，我哋去咗朗豪坊先，我哋兩個既感覺都係一啲都唔旺角feel，仲好似去咗又一城，正!!! 之後我哋又去咗影貼紙相，今次好唔得呀~我哋自覺今日著得咁正，咁梗係影全身啦~咁巧落大雨~於是入咗唔知邊度(不過唔係青春無限)見到勁多機，咁就喺度影啦~點知... 唉~質素勁差...一啲都唔好，上次嗰啲好好多，仲影得好靚，皮膚又好似好好咁 咁跟住咪買下衫咁，alice收穫比我大...返到屋企又比阿媽鬧...唉...勁煩...買衫都比人鬧...

今晚同媽咪落街買嘢~撻咗對"人字拖"落去~嘩~好正好舒服~~~ 之前以為drama入咗，點知係未入，只係plan定先...唉...

講返琴日，又比"數學家"捉住 我已經特登避佢，何sir(何x文)明明同佢講緊嘢，佢咁都叫住我，話:"考完試啦~"，我答:"未呀~仲未考完呀~"，佢:"咁你聽日考咩呀?"，佢咁問一問，搞到我突然之間唔記得咗，諗咗好耐至諗到，跟住又走埋嚟，話:"今次考得幾好~不過都係比統測拉低晒啲分..."之後嗰啲我就唔寫喇...唉...同佢去camp...

今日收到學年最後一份通告，發現原來唔單止好似我琴日日記寫要做既嘢，基本上呢個月都仲差唔多要日日返學，要彩排話劇~啲安排都好密下...

聽日考我最唔鍾意既bio，咦...好核突呀...所以琴晚拿拿聲叫媽咪幫貼啲紙上去啲圖度...不過好慘...佢一路貼一路講啲風涼話...雖然貼咗嘢，但係都仲好驚...

考完試要勤力啲寫日記!!!!!!

今日考eng oral，但係自己就一直以為係中文oral，上到車至知原來係eng oral，都唔知自己點做學生ga!

考完試嗰一個星期我諗我都ok忙，考試最尾嗰日(星期五)放學同alice又去旺角~希望佢學能測驗唔駛補考啦~如果唔係就要等好耐喇~星期六又要返學校~top teen~10:00a.m.-4:00p.m.有啲似人哋返工feel，咁耐都唔知做咩!跟住時間好趕咁又要搞22/6既3A bbq(又要訂嘢，又要有games，又要請老師喎~)星期三當然係bbq啦...星期四就即入camp，唉..."數學家"...唉...