唉~今日都唔知做咩!有好多嘢都發生喺我度...
今朝返學，我坐四人位，比三個德蘭既女仔包圍住坐，去到何文田巴士總站佢哋就落車，有個男人調位調到我對面，原來係頭先嗰三個其中一個跌咗個銀包呀~個男人問隔離嗰四個女仔識唔識跌咗銀包嗰人，佢哋唔單止話唔識，仲講都唔講比人知嗰女仔係德蘭既
 ，點解佢哋可以咁ga???跟住走落咗車，個男人打開咗個銀包，裏邊都係有八逹通呀咁~仲有張$100(我見到既)，跟住無啦啦個男人就叫我陪佢去交比個司機，搞到我都唔知點，白白痴痴咁走一走出去又走返入嚟，仲無啦啦做咗佢證人...無奈...
今朝唔駛上週會，喺班度繼續投去邊旅行，我呢個主席係好想去ocean park ga~
 當我舉手嗰陣，個”高Ｂ”又舉!搞到比人話心靈相通...跟住又有人講"XX，你話出海，都只係想請穗琪去啫~"，又有個死人頭回應一句，你玩踢爆!?"我真係無奈...
上電腦嗰陣好搞笑呀~
 mr.lam傻傻哋咁教我哋煮出前一叮...仲要勁多步驟...要對啲麵有感情
 ，要煮到佢哋有生氣喎~~~好正呀佢講啲嘢~~~
上返班放書包嗰陣，個咁既"高B梁生"走嚟同我講"穗琪，可唔可以同你一齊食飯呀?"，嚇到我呀~
 佢一叫"穗琪"我已經勁大反應啦~仲要我同佢食飯，我即刻大叫"wa!我今日唔得閒喎~我食完飯要當值喎!"，當我食緊最sweet sweet既"椰汁西米露"既時候佢再一次走過嚟"穗琪，可唔可以同你一齊食飯呀?"，oh!天呀!比我sweet下啦~佢咁都要阻我~~~跟住葉傑同潘迪se就同佢講話"佢日日都唔得閒呀!佢貴人事忙呀!唔會同你去食飯ga la!"
 佢都唔聽人講嘢ga!仲不斷係咁問我!慘!!!!!
上eng lesson我哋過隔離上，喺門口等嗰陣，佢走出同人講話我同佢食飯呀!我何時何日同佢去食呀!?佢係咪有病呀?仲要同人講話我追佢!我追佢!?!?!?!?!?!叫佢去死呀!
 搞到我發脾四!!!佢真係...佢連講good afternoon都唔放過我呀!走嚟又問!今次我真係鬧佢喇!!!
放咗學，我去mmlc on duty，因為要比返啲嘢6s林x洋，咁黑仔!喺樓梯見到"高B"呀!佢又再一次問我!佢今次仲要逐日逐日問落去!!!我又再一次鬧佢!我仲要轉頭講多句"你唔好再同人講話我鍾意你呀!"，佢竟然話冇!佢光天化日背住良心講埋晒呢啲大話!?
then，我同潘迪se繼續on duty，一路諗計點算好!最後諗住揾個高form既同我扮晒有嘢咁喺佢前面行過!不過唔知有冇用...跟住miss杜走入嚟同我哋講話叫我哋day7喺台上面宣佈呀~~~
終於可以返屋企喇~去到何文田竟然比我見到今朝跌咗銀包嗰女仔呀~喺我都唔知好冇同佢講之時，我決定硬住頭皮咁走去同佢講~起碼都可以幫到佢呀~唔駛咁慘~冇咗銀包好慘ga~
|
