打返琴日15/8既中一迎新，我覺得琴日仲開心過1a嗰日，雖然"瘋遊校園"搞得有啲亂，不過起碼冇嗰日嗰啲出貓事件(其實係嗰個人冇返)，1b就有啲唔係咁服從既學生la~一開始我係跟住佢既~佢都接受開始接受~晏晝嗰陣佢都已經好肯同我講好多嘢~但係另一個就好靜，玩咗成朝，到咗晏晝我問佢"玩咗咁耐，識咗唔少朋友啦~"，佢竟然答我"讀書唔一定要識朋友"，我真係好驚奇竟然會有人講啲咁既嘢...

玩"蜘蛛網"嗰陣我做示範比人抬，勁驚，講嘢打晒結，玩完仲要扮晒冇事咁答問題，之後仲話做多次...不過點都好...我覺得我比人抬係好啲既~我又輕，而且可以話比佢哋知男仔都可以抬女仔既~潘迪se又可以抬到我，唔駛企喺度唔知做咩咁~

返到屋企攰死...對腳好痛...

 今日朝早1號風球，諗咗好耐唔知駛唔駛返，但係最後都返咗...返到去mr.yeun叫我同潘迪se入hall，咁巧~播緊香港小姐隻歌，我同潘迪se都唔知點 上晝都ok~不過玩嗰個"瘋遊校園"(類似野外定向既game)我就真係好失望同好嬲!我同潘迪se負責同一個"check pon"，啲門又唔開!有啲咁既組長就話晒比啲F.1知嗰啲地方喺幾樓喺邊，直頭係帶埋佢哋去，最後拎咗第一，仲要講啲勁串勁風涼既話!我同潘迪se就係工作人員，所以睇得一清二楚!其他啲組就好老實咁玩，個個都係自己揾!我唔知係我自己小氣定唔識轉彎定咩，我覺得就算係玩遊戲都唔應該作弊lor~規矩係咁，應該個個都遵守，咁樣比佢win咗都唔係啲咁光彩既事，仲要講到咁!!!講真，我覺得呢個game有啲失敗!

食完lunch，我心情都仲係唔多好，但係都要入去繼續自己既崗位，嗰個咁既F.1男仔，我已經主動去拖佢，佢仲要好唔like咁，我心諗:["死靚仔"，我心情已經唔多好，琴日xxx又走咗，而家仲要受你氣!你唔好玩嘢呀!]我高FORM，你F.1，嗰陣遊戲有需要拖咪拖lor~我都唔介意，你同我介意!?哼!

我今日差啲整到個白板玩完 事由miss lee叫我喺白板寫某啲嘢，叫我拎枝白板筆過去寫，咁我眼前有好多好似白板筆既嘢，咁咪拎lor~寫寫下寫錯字(最後隻字)，咁梗係擦，跟住擦極都擦到喎!好驚~ 原來枝嘢唔係白板筆，跟住話比潘迪se知，大家一齊驚，好彩嗰陣個個玩緊一個幾危險既game叫"蜘蛛網"，無人理我哋，好彩我就話"不如試下用啲白板筆喺啲字上面再寫一次睇下得唔得~"好彩呢個方法係得既~於是我哋兩個就係咁擦，最後過到骨，如果唔係我就死得......

講到尾，今日得個"攰"字。

今日係會考放榜日，其實同我一啲關係都無，但係過多年幾就好關我事~今日我終於明白到當日嗰個比我嚇親既會考生點解可以緊張成咁...原來真係唔簡單...喺我認識既人當中有大約3個到係應屆會考生，1.alice阿哥   2.葉傑(女仔)阿哥   3.組爺。第1個唔理幾多分都會去澳洲讀書，所以我聽alice講，佢都唔係咁緊張，咁樣都係一件好事~第2個考得已經好好~原校都好勁，幸好原校升到~不過嚇餐死~總算今日狼狽得嚟都係好既結果~第3個睇得好開~如果唔係我都唔知講咩，我只係講咗啲鼓勵既說話+講咗句"大難不死必有後褔"，有啲語無論次，不過明白就得喇~同埋我想講呢~我話比30mins佢諗下講啲咩比我知而呢段時間我去洗白白，純粹係話我要去沖涼，我真係冇諗過你真係咁坦白講你今日既感受，不過都好多謝你咁坦白~

總括而言，今日令我好後悔揀咗a-maths嚟讀，令我極度擔心我既會考，我嗰年仲要又改呢樣又改嗰樣，我記得數學家都同我講過係我自己對自己冇信心，係呱~我諗壓力既來源都係我自己。

聽日開始要返學搞中一啲嘢lu...

今日係最後一堂馬戲班喇~好開心唔駛再返，返去嗰段路又曬又長...仲要 最勁既時候...況且我都唔係咁想返...今日學咗一樣新嘢~xxxxx stick，呢樣好玩呀~完咗之後大家一齊圍住坐，唔講緊咩既時候我又係度係咪笑 仲要得我一個，因為太唔好意思，所以係咁忍~點知都忍唔到，係咁笑~

今晚同媽咪去咗買書~本來係去旺角，但係嗰度實在太多人喺度係咁拉客，想真正入書店都唔得，好煩!聽葉傑(女仔)講仲話啲人會搶你書單!由於琴晚聽J鏗講佢去嗰間有85折~仲可以買齊晒所有書(除咗未出嗰啲)，所以最後決定去嗰間，至衰屋企附近冇書店，所以辛苦啲去KOWLOON BAY都要~間嘢揾咗成粒鐘，打電話都打咗成3~4次，幾經辛苦終於揾到~但係都買唔齊... 除咗啲未出版既都仲差5本...其實人哋係收工GA LA~不過因為我哋而等埋~

揾緊嗰陣見到有個話係潮州人搞既咩大會，有啲似長洲太平清焦~好似話有米派TIM~

真係好攰呀......小腿好痛......

今日我都唔諗住寫日記，但係真係好搞笑~我正話食西瓜，食到我...因為雪櫃冇位放，只好係咁食食食~食食下唔知自己做咩，突然之間係咁笑，啲西瓜嘔返晒出嚟，我完全吞唔到落去，好樣衰~