今朝6點3起咗一起身，見仲有1、2個字時間比我瞓下，而且諗住媽咪會打電話返嚟叫我起身，所以又瞓返... 7點5又再起咗身，見個天竟然光晒，睇一睇個鐘撘5，以為係6點5，又瞓返低 心諗"點解今日啲時間過得咁慢既!?" 愈諗愈覺得奇怪，起身睇多次個鐘，7點5!!!嚇死!!! 即刻彈起身打比媽咪，諗住同岏踹廠axi。之後用最快既速度刷牙洗臉換衫拎錢然後出門，出到去兩部lift都落晒去地下... 好驚...猛'禁'嗰掣，終於有部lift，但係落咗幾層就遇啲婆婆，等呇a慢慢入咗嚟之後又猛'禁'嗰掣，啲婆婆就喺度"喂~早晨呀~"，成7點7、8至撘到taxi，喺車上梳頭...唉...又要堵堵地車咁...好驚好驚...用咗$33.2返到學校，返到去拿拿聲食嘢，食食下見到銘至醒返起要開咪... 即刻嗌咗出嚟，噴咗啲嘢出嚟...於是咬住啖嘢上去校務處拎咪，點都好，都唔可以比人見到我仲食緊嘢，'禁'住嗰嘴咁問啲職員拎咪，啲職員都覺得奇怪咁問我，唉...一笑置之算喇...出到去扮晒冇嘢咁開咪(prefect ma~)...其實我嗰口仲有啖嘢喺度~但係有人聽到把聲有啲問題...

因為趕住出門，拎咗啲屋企嘢返學，而且搞到屋企亂晒...好彩今日我返到先~如果唔係一定比人鬧...

今日第一堂借咗chem堂測maths，唔知係咪今朝趕得濟...搞到成個人'温温燉燉'定咩，冇拎計數機測，後尾至識拎...第二堂就整爆咗嗰塗改帶...冇得用...平時跌又唔見岋z開喎! 葉傑(女仔)見到都唉咗一聲...

放學中文分組討論，好似嗌交咁...

今朝又懶床... 搞呢搞露搞到趕唔到班車...件褸lor...著極都著唔到...

今日測phy同chem，chem仲要測3課...琴晚書又冇温...不知所謂咁!死啦~再咁落去我咪駛旨意保得住嗰位... 食lunch又冇去練歌，去咗開咪+開counter，都唔知係咪既~點可以得黎x儀一個開喎~feel到miss yeun好唔like...咁唔係點喎...

最尾嗰堂上宗教，又遲咗至放...放咗又要返課室做中文分組討論，所以要遲啲至去到MMLC on duty，諗住落去講聲，點知又比嗰個男人冷言相向 又講咩佢返咗成個月工，見得我一次去當值，喂~我一個星期當一次，比人少啲，而且一個月得嗰4個星期，有時撞到正好出奇!!! 佢當然唔止講咗咁少...又要我喺5點前落到去向佢報到，上次又係咁!去到佢又唔喺度，又話我!!! 係~我知我少去當值，呢啲係我既問題，但係我從來都冇講大話呃過佢而唔去當值lor!

上到班房等咗一陣至知原來今日唔係到我分組討論...我就即刻喺度諗...咁我頭先比人串係為咩... 有啲無辜既感覺...於是又落返去MMLC睇人面色...入到去個個當我冇到，理都唔理下...又唔知佢哋講開啲咩、要做啲咩...突然間就話要去電腦室做啲嘢...完全唔知咩事...又冇人同我講...去到佢就一連串咁係咁講啲eng要我哋打入去，問我哋明唔明，潘迪s就答佢得，咁我唔得就講唔得啦~冇理由死充既啫~於是佢就同潘迪s講"你隔離嗰個未得呢~"...無話可說...比佢叫咗去拎嘢，返到嚟講咗一大輪又話唔駛做...

今日好好好好好凍! 朝早根本唔想起身，懶床懶咗10分鐘...搞到又好似打仗咁...食完早餐拿拿聲跑去撘車，追唔到部車lor...

個個見到我都覺得我好可憐咁...對我好好~知我on duty嗰度係嗰風口位，比咗件衫我著~又比咗條頸巾我戴~太好喇~~~不過都凍到我對手紫晒...

食lunch嗰陣又要去學生輔導員，嗰個f.1女仔又纏住我同潘迪s，係咁話玩筆仙呀碟仙嗰啲...唔好嚇我啦...

放學又要去開prefect，天氣咁凍...梗加唔想去... 早啲返屋企好過啦~諗住早咗開始可以早啲放，點知都唔係既...今日我係完全唔想暴露喺室外多一秒...咁凍法...我驚我真係病呀~唉吔~幾時至暖返啲呀???

今日好凍...今朝直頭唔想起身返學...凍到咁...

今朝第一堂上A-maths，阿sir講返琴日場波...我地學校輸咗lu...琴日cherry都同我講過，聽講場面仲好感人...阿sir講到對眼都紅晒...

lunch同angie+eric一齊去食，好開心~我同eric無聊都喺度玩糖，比人話我地無聊。之後拿拿聲返學校排畢業典禮，唱歌嗰度唔係好記歌詞...又見住miss yeun嗰樣，真係極度想笑~但係又驚笑到失控，忍得真係辛苦~

完咗彩排仲要繼續練...真慘...仲要勁比miss鬧...慘上加慘...練完諗住走得，點知又比嗰個f.1女仔捉住...呢個女仔，上次係咁問我有冇男朋友，我話冇佢又唔信，咁我話有，佢又話唔信，都唔知佢想點，今日比佢捉住，係咁拉住我，又唔知佢想點...好彩黃瓜愷行過，扮晒嘢咁走去問佢prefect啲嘢~yeah~成功暫時脫離嗰女仔既魔掌~之後陪angie去旺角，今次係我喺呢間學校讀咗咁耐，第一次由學校行去旺角，都好快到~

p.s.今日塊面皮膚敏感，一舊舊咁腫腫地，又好痕喎...好彩就咁睇上去冇嘢~

p.s.返到屋企睇咗嗰隻dvd lu~睇到leo同eric跳舞~嘩~原來leo跳舞勁型呀!!!

今日喺屋企冇嘢做~同林x惠(cherry)傾咗好耐計，發現佢真係好鍾意"佢"lor~ 搞到我都冇話可說 佢為咗"佢"戒粗口、戒因小事打人，知道"佢"鍾意啲斯文既~就盡量改到斯文~服咗佢~