天氣開始愈嚟愈凍 冬天嚟lu~吉之島都擺好多聖誕既嘢嚟賣，好靚呀啲聖誕樹~

好記得當日我哋學生會內閣"創新閣"去洗樓嗰陣，去過7A，有個女仔仲當住我面問主席佢哋"你哋唔覺得揾f.4好'舌'底既咩~"當時真係啞晒... 竟然有人可以冇禮貌成咁...好喇，而家我做咗prefect，守正7A，起初見嗰女仔驚死我捉佢裙短咁，唔理佢。今日佢打鐘先衝落嚟開locker，見佢係第一次，所以放過佢，佢竟然勁有禮貌咁係咁同我say sorry，諗住一笑置之，放學喺toilet又見到佢，大家跟本唔識，佢竟然同我打招呼，仲同我笑...我都只好同佢微笑算了...前後分別幾大!?

上eng又睇住miss精神分裂咁~成日都想忍住笑 但係真係忍唔到，比佢見到...

放學又要去開prefect，明明之前嗰course已經完咗，點知又有第2個couese既開始...真係好唔想去...我既國畫班已經唔駛再去啦咁搞法!23-24/12仲話成班prefect去camp，而家梗加唔想去...

好多好多功課做，又要寫上台講嘢既稿，點解嗰人仲唔打嚟同我來稿呢!?

星期一決定換季!不過我唔識打tie...希望星期一同到eric一班車，佢話教我打tie.

happy birthday to Ivan~

今日係陳遠A既生日，佢訂咗蛋糕同我哋成班人一齊食，點知我哋個個都要去開prefect既會...但係佢都等我哋...仲等到咁晏...開會尾聲嗰陣我好擔心佢同alice走咗未，其實我真係好希望佢哋走咗，明明佢係主人家，但係要佢等到我哋咁晏...真係有點兒那個...prefect嗰邊一完咗就即刻成枝箭咁沖落去揾佢哋，但係其他人仲慢慢行...我見佢已經唔係咁開心lu...於是我跑咗一轉叫啲人快啲，但係...落到去成班人一齊唱生日歌~開頭都冇咩嘢~但係食食下唔知因咩事喊咗出嚟...好明顯唔係喜極而泣啦...其實我都有少少明白點解佢會喊...比著我都會唔開心(但係我諗我唔會喊)佢喊得好慘呀...蛋糕又冇咩點食到...氹咗好耐...終於笑喇~

陪咗陳遠A都有一段時間，之後陪alice去買冬季校服，嗰時一路行一路講，原來陳遠A一手一腳自己去訂蛋糕呀~去拎呀~咩都自己做晒，明明佢係主角，點知要做晒啲嘢，又要等我哋，仲竟然搞到咁...基本上佢當人係朋友至會請，但係啲人就食完蛋糕即走...咁樣會令到當時人好唔開心law...喊既原因就唔好講喇..唉~大概知道就算...返到屋企7點幾，仲有大把嘢做...唉~

今日上eng又近距離見到miss精神分裂咁...笑咗好耐~ 但係上上下嗰個咁既高b竟然噴香水!?佢牛高馬大，年紀都唔細啦~仲要係男仔，竟然做埋晒啲咁既嘢!!!真係...

今朝第一堂就上a-maths 唉...果然不出我所料...真係測得唔好...不過都合格既~Eng自從調咗位之後，同miss既距離近咗，覺得佢好似精神分裂咁...望佢都望到我呆晒... phy就係我意料之外地測得好好呀~

音樂堂唱"無賴"，好好笑~明明個key高咗，但係啲男仔都唱得好大聲~唱到"無賴"兩個宇就特別大聲，嗰咁既高b唱到就喊咁...

放學去choir練歌，完咗又要練和音，完咗又要開choir幹事會議，傾咗好多嘢呀...開始要搞bbq啲嘢lu...我又要去睇邊度有得整章...又要去睇樣板...就係咁搞搞下就要6點4至走得... 學校好黑...有啲恐怖...不過喺6樓可以清楚咁望到尖沙咀~啲燈飾好靚~ 我記得上年因為要拍嗰個中文report嗰個"選美鬥爭"搞到成8、9點至走，喺6樓望到尖沙咀嗰邊啲激光~嘩~好正~

攰態全無lu~ 兩日都瞓都咁晏~發覺自己愈嚟愈鍾意瞓覺~ 都冇做過功課，而家死死地氣咁做lu~又要做埋choir張咁既企位表...嚟緊既日子好好好多嘢做咁...宗教就到我哋嗰組做presentation喇...咩都未做過...講真~我哋連題目都唔記得咗...

正話睇完葉傑(女仔)既xanga，一言驚醒夢中人...係喎~聽日派卷...

聽日放學又要練歌...又要同隔離嗰個鬥大聲咁...佢個口出晒名有味tim...上次好彩冇嘢~希望聽日都唔好有嘢!!!

正話屋企有一場糖尿驚云...toilet有蟻!!!嚇死!!!比媽咪講到咁得人驚...啋!!!一定唔係啦!!!屋企個個都身體健康!!!我諗係我今朝刷牙嗰陣啲牙膏跌咗落地啫~~~正話媽咪又同我講，我哋呢層有人死咗...嘩!唔好同我講呢啲呀!!!好得人驚...

我想講呢，我最憎人向我講大話!

唉...呢個星期都係統測...有開心有唔開心~開心既係我maths終於再拎到高分~49/50!!!yeah~ 其實係今次份卷易~好多人都測得唔錯~

9/11:測phy同chem之前嗰一日，返到屋企好眼瞓... 但係我知道我一瞓咗就一定温唔晒...諗住飲咖啡，不過諗諗下咖啡對個胃同腦唔係咁好~於是冒住會令肚仔唔舒服既險改飲奶茶~果然有用~跟住好精神~

10/11:測bio同chem之前既一日。放咗學留喺學校等alice，喺canteen温書，諗住冇得對住部電腦就一定温得好~點知温都温唔到...bio有好多呀...温嚟温去都温唔晒...又好眼瞓...不過冇飲咖啡或奶荼，最後太攰瞓咗覺。

11/11:因為琴晚太攰瞓咗覺，又温唔晒...於是今朝5點起身温書...點知bio都唔係咁識...a-maths就唔識+勁緊張=測得好差... 緊張到手又震、計數機又唔記得拎出嚟...失敗!不過卷都未派，都唔知自己係拎咩分，學葉傑(女仔)咁講~測驗唔表示啲咩~(自我安慰)。今日放學本來係同alice一齊去mk行街+食飯，點知放學之後食完飯要返學校練歌...畢業典禮要表演~咁就冇得去lu...練歌練到我...又眼瞓...今次企呢個位又係中中間間... 我哋6個和音既企埋一齊，我喺中間..隔離嗰兩個唱得好大聲...我完全唔知自己唱緊咩 我係第一聲部，我左邊嗰個就第二聲部，分聲部唱嗰陣我就好似同佢鬧大聲咁...佢又要唱錯音...無奈...而家企嗰個位好危險!!!到時分分鐘枝"咪"對住我...

今日4點半至走得...攰...搭車嗰陣聽到有某間女校既f.1女仔喺度講TB，講咗嗰名出嚟，係我其中一個小學同學既名，佢都係讀嗰間女校...聽完驚咗一驚...嗰位女同學曾經係我既好朋友...

呢頭測完驗，嗰頭又壓功課落嚟...