今朝唔知醒...
 又要Alice等我一陣...去到一陣間就要舉牌，喺度暴曬...
 其實有人話幫我既~不過我話唔駛咁啫~
一開始就計時，計咗一陣就話換人...之後好耐都唔換返...搞到我同葉傑(女仔)喺度唔知做咩咁...但係我又好想好似上年咁"fect"旗，於是係咁向葉傑(女仔)扭計...個上晝就係咁過咗...
去咗KFC食lunch，我哋年年運動會既列牌動作~我今日又痴咗...係咁食...食咗3大件雞+2杯薯蓉我一路食，葉傑就喺我隔離係咁話:"嘩!好飽呀~勁飽呀~"，個個食咗2件已經好飽，我本身諗住再食落去...不過佢哋又揾我講笑...算啦唔食...
晏晝返到去又再暴曬...
今次終於可以再"fect'旗喇~太好喇~
 晏晝啲賽事好精彩~睇班際嗰陣睇到我好緊張，哈哈哈!我哋4A女子拎到第3!男仔我哋出咗兩隊，勁啲嗰隊差啲就拎第1喇!就到終點嗰陣比人追到...屈居亞軍...不過都好勁ga喇~
成日不停係咁曬，陳sir見到都話:"嘩!你有排痛呀你~"，佢仲叫我返屋企搽啲護膚既嘢~的確，完咗之後我都feel到我塊面好痛...嗰鼻紅晒...條脛曬咗個v字領...對手黑晒...留低錶印...好奇怪~
 返到屋企對腳痛死了...... |
問問下miss，mr.wan走入嚟派past paper，我已經買得好少喇~啲人真係好誇張!!!要拎埋紙皮箱呀~真係好多好多~佢哋又要一次過拎返屋企喎~真係"鄧"佢哋辛苦...
我而家真係好後悔...只係買咗maths同a-maths...應該分散投資!唔好只係買呢兩科...應該phy,chem,bio都買咗一本先...算啦~遲啲咪又要再去買...
一路食一路傾星期五去街街~喺我哋隔離再隔離張枱有一對母女，佢哋食完嘢就媽媽教嗰囡囡做數學(先乘除後加減)，點知囡囡教極都唔識，媽媽發脾氣lu...但係原來媽媽同學校老師既教法唔同，搞到囡囡唔知聽邊個講，最後搞到咩都唔識...媽教咗一陣又唔知走咗去邊，呢啲我細個經常試，食食下M記媽咪就會走去買餸，得返自己一個繼續食...
嗰囡囡同我細個差唔多，不過佢係做功課，點知佢做做下又唔知做咩，咩都唔要就走咗出街揾媽咪，原來係揾媽咪返嚟帶佢去toilet...唔駛咩都唔要呀...
要我叫第2次佢哋至停!再加上我又經常比人話我開咪唔夠惡，咁琴日咪ok惡咁話"即刻停止活動"lor~呢頭講完嗰頭miss choi就走出嚟同我講話唔需要咁惡，入邊啲老師會聽到，仲叫我如果佢哋唔停就講"操場上打緊簠球既同學請你哋停止活動"，咁今日我講完晒啲嘢佢哋又未停，咁我咪照咁講lor~點知今次到趙sir走嚟同我講話叫我唔駛講咁多，驚嘈醒住喺附近既人...真係冇嘢好講...咁平時早會算咩呀?
咁揾個粗聲粗氣既男仔去講咪仲唔知點!?我明明係已經照佢意思去做...做完又另一個唔鍾意...其實根本就係班衰人既問題!但係啲唔知情既人就當係我既問題!琴日同銘佢哋講咗叫佢哋幫我清埸，今朝就只係得佢一個幫我...下次我講完一於走落去問嗰班衰人叫咩名，警告佢哋，再唔係記佢哋藍紙，豈有此理!!!
後尾至知要問佢拎糖~任我拎呀~拎咗好多~但係啲人以為包嘢係我既...係咁問我拎
原來唔同既朱古力有唔同既意思ga~真係唔好亂咁送朱古力...