今日朝早又返學校練笛，今次好咗好多喇~不過就要我比啲感情落去，我比得感情又理唔到啲音，啲音好高，我又唔係好夠氣，miss又要我用多啲丹田氣...真係好難...星期一就係喇...上完第5堂就走~正話葉傑打嚟，提一提我星期一放學要group discussion，佢唔提起我真係冇咗呢回事...但係我都趕唔到返嚟...葉傑同我講咗好多到時去到應該做既嘢~要保持笑容，但係到時驚到到未必笑得出...有好多好多嘢要注意...對自己真係好冇信心...

星期一緊記要做既嘢:

1.同朱sir講聲下晝嗰2堂a-maths上唔到

2.同miss to講去唔到group discussion(咁遲講，唔知會唔會比佢鬧)

3.揾黃瓜愷講當唔到值

要加把勁呀!!!

今朝7點幾起身準備返學練笛，唔想起，好眼瞓...返到學校練咗成個鐘，吹唔到...我唔知係因為換咗新譜定我緊張定係吹咗成嗰鐘吹到冇氣定因為點...總之就吹唔到...星期一就係喇...下晝會同林智康早走，咁食完lunch嗰兩堂a-maths就上唔到喇...

練完好down咁返到嚟屋企，食完嘢好攰，瞓咗覺...過多幾個鐘又要換校服返學校拎成績表喇...覺得有啲無謂...真係唔想拎，唔想接受呢個現實...但係又唔知阿sir會講咩喎~最後都係返咗，今次同頭3名脫節咗...拎第5...應該既~自己又要懶...見既係朱sir，又再一次重複班名次唔重要，重要既係科名次，但係我始終放唔低嗰班名次，佢話我啲分夠平均~可以再做好啲~講咗一大堆嘢~我覺得佢似同我講多過同我家長講，仲有啲似教緊書咁~佢仲講咗句"有老師都問我彭xx升咗上中四keep唔keep到"，我第一個諗到既係"數學家"，佢哋咁friend...返到嚟葉傑打嚟問我，我話比佢知朱sir講嗰句嘢，佢第一個諗到既都係"數學家"。

啲老師成日都交換消息咁，好恐怖...

p.s.mr.wan今日伸咗隻手出嚟想同我媽咪握手，唔駛呀~但係我媽咪睇唔到佢伸咗隻手出嚟lor~我企喺則邊都覺得好好笑~

聽日又要咁早返學練笛...

琴日係情人節~ 收到好多友情朱古力~好開心~ 有啲係自己整既tim~前幾日已經係咁食朱古力，再加埋收到既朱古力，再加媽咪都買咗石頭朱古力~食到我喉嚨唔舒服...要節制下...琴日我都帶咗星期六同Cherry同Alice一齊買既朱古力返去~一份送咗比Angie，一份比Eric，仲有一份比Leo，不過聽人講啲朱古力唔好味喎~唔知，未食過。但係個個都問我拎朱古力，仲要迫我比，黃瓜愷同銘嘈咗好耐lor~黃瓜愷見到我唔比佢，佢發晒癲咁lor!踢咗我書包一腳!好彩我冇比佢!

琴日幫人送朱古力，最初都唔緊張，覺得都係比嘢人啫~但係比嗰陣就開始驚...都唔知驚咩...送完同Cherry講返...讚咗xxx幾句，佢就咬晒唇就打我咁...係咁發癲...又話比咗機會我，佢自己又唔比，都唔知佢想點...呢啲機會我要嚟做咩~

今日撞到xxx，死啦...人哋好似避我咁...但係朱古力又唔係我送...今日Cherry好勇，又送多次...送完係咁拉住Alice走唔理我，但係xxx同xxx原來喺後面，又冇人話我知，又冇人理我，成個白痴咁...都唔知自己唔要臉咁幫佢送朱古力為咩...

放學去MMLC on duty，一入到去"賤男"就屈我...後尾知自己怪錯人又唔講sorry，扮晒好人，又話驚我操勞幫我拎嘢，算啦~佢喺我心目中好難會變返好ga喇~發現佢feel到我唔多鍾意佢，佢走去問潘迪s我哋係咪覺得佢好刻薄，算佢自己知自己事...

今日6s又"湯"老鼠，有好大既問題，"點解會冇咩血?"，聽黃瓜愷講好似話係要小心啲"湯"，唔好cut到啲血管...咁唔係有好多血管既咩!?咁點避呀?更加多問題...比咗啲相我睇+解釋咗啲比我聽，見到張相，覺得啲內臟好似好亂咁...但係佢竟然話唔係，其實係好靚...佢既adj.好似有啲問題...

今日又撘的士返學...唉... 返到去開完咪就要守locker...啲人就擅自拉開條鍊自出自入，如果可以比佢哋咁，咁要條鍊嚟做咩!?算啦~都冇咩嘢，之後就有個F.2既女仔(好細粒，都唔知到唔到我膊頭)自己拉開走出嚟，我都已經好聲好氣又好好禮貌咁同佢講"同學，呢邊唔出得，要喺嗰邊出。"佢就呆咗一呆，話"我鍾意喺度出呀!唔得咩!"，仲要嗰樣串到死! 嘩!激到我呀!諗住留佢喺度，點知佢一枝箭咁走咗去排隊，好彩我認住佢，早會巡嗰陣好嬲，大概知道佢喺邊，又比我揾到佢，巡第2次巡到一半捉佢!!!佢啲態度都唔係好ga~最後我記咗佢籃紙，今次係我做咗咁多個月prefect以嚟第1次記人藍紙。後尾佢班主任何sir都走咗過嚟問我咩事，佢講嗰句"佢咁樣做得就預咗有咁既後果"，講真，如果佢唔係串我，我都唔會話記住佢記佢藍紙。可能我真係嬲得濟，我真係要用返prefect上嗰啲堂學咗既嘢，啲EQ~不過過咗陣都冇咩嘢，繼續嘻嘻哈哈~

上堂~冇咩特別~今日同林智康夾咗陣，今次大家都進進步咗~希望到時可以順利通過~

放學冇去到choir...想早啲返屋企~但係好多同學仔放咗學去買朱古力~因為聽日情人節喇~ 有啲仲自己整tim~好勁好勁~我相信佢哋一定可以成功送到出去ga~我嗰啲就...是但啦~送唔送到都唔緊要lu~可以自己食~ 不過都拎定返去~

返到屋企，同媽咪講咗今朝件事，佢竟然講到好似我唔應該記佢藍紙咁，好似我錯咁...我真係唔知佢想點...錯既唔係我，唔通我要驚佢唔記佢喎!本來已經唔嬲，又比佢講到嬲，好!化悲憤為力量!做功課!

琴日朝早返咗學校練笛，提起咗難度...真係唔係好得...20/2就係喇，仲有一個禮拜，點算呀...20/2係day5，要早退...下晝上chem，好似成日都走chem堂咁...之後同Alice+Cherry去食味千~發現嗰店長係日本人，不過收多我哋錢喎!一路食又一路傾人哋拍拖啲嘢，好八呀我哋~又講一堆我唔識既人...之後行下，買咗朱古力lu~3個都買咗。

今日打咗成日乞嚏，流咗成日鼻水，食藥。