好多日都冇打日記喇...主要原因係懶，同埋發生過咩事返到屋企都唔係好記得喇...

22-3-2006:最近都冇去總站撘車，喺第2個站同Alice一齊等，等咗好耐部咁既7B，終於嚟喇，不過因為"爆滿"咗...所以冇停到走咗...嗰陣搭半，撘的士又早得濟返到...唔三唔四咁啲時間，跟住就醒起Eric同我講過撘地鐵去到旺角再轉都ok~就打咗比佢問佢喇...教咗好耐...不斷重複，但係都已經知道8點鐘返唔到去開咪，揾Eric或者Angie幫我揾人開咪，佢哋又經常好晏至返到...最後揾咗Leo~小息同佢講唔該，佢竟然話:[唔緊要~晒咗我一分鐘啫~] 我諗佢講下笑啫~之後既嘢唔記得...

23-3-2006:今朝死人7B又好遲至到...真係比佢玩死，明知咁多人撘就加開班次啦離晒譜GA，跟住又同Alice撘去旺角，去到都仲早就有個諗法:[既然咁早，不如行返上去啦，都唔係好遠啫~]，點知搞到差啲遲到...又熱又熔...出晒汗...又著住件冷衫，濕晒...今朝瞓醒啲頭髮彈起晒，吹咗頭，點知又比啲汗整到不知所謂...其實中途見差唔多夠鐘諗住撘的士，但係又好近...司機肯唔肯車我哋都成問題，好白痴咁... 跟住又打電話比人叫人幫我叫人開咪，Leo?又好似又晒佢一分鐘咁...又唔知佢返到未...返到咁佢點聽呢?最後博Eric未返到，點知佢又冇人聽，原來已經返到咗...聽唔到我電話...唉...好似成日痲煩佢哋tim... 返到去真係要抺下汗，死handsome仲話:[下次早打電話叫人嗌呀ma~]佢真係講得口響... 我識既人當中有邊個會朝早開機，仲要ok穏定8點前返到...喺我電話簿中得Leo一個...唉...好似講到痲煩人係應該既...

上中文堂高b起身讀書，特登讀得好細聲，根本聽唔到，平時嗌交又咁大聲!又要唔識讀，我就好沖口而出ok大聲咁講咗句:[唔識讀就咪讀啦!]，我坐最頭嗰位，miss聽到了...3位同學聽到了...點解我會學到咁壞ga!? 仲唔識死咁講多句:[讀大聲啲得唔得呀!]唉...老師又要我留意下佢，我望一望佢佢就以為我望住佢...唉...真難做...上chem堂今日test，我睇住佢又想偷走...如果我叫佢返嚟佢又陰陰嘴笑ga喇...又唔知諗咩...

黃瓜愷調咗我同銘去第2邊...有啲唔慣企嗰邊同冇咗條錬玩下...好似變得了無生趣...嗰邊個感覺好似暗啲咁...而且都企咗嗰上學期啦...啲分配大致上冇咩特別大問題，揾人同我一齊check toilet都近啲，而且關志達佢哋都算高大，但係又要企喺條錬嗰邊好似怪怪的...而家調完咪又調...handsome嗰邊又話唔夠人...唉...算喇...都唔想同佢反映咁多...唔好煩...佢哋想調就調啦...好大方ga la我...唔好又呢樣又嗰樣呀...我發癲ga喇...我覺得我做咗prefect好似變咗啲...

今日葉傑(女仔)把聲變晒，變到成個男人聲咁，好搞笑~我笑咗佢成日~"人妖"~哈哈哈~佢好玩得既~仲同我一齊笑~上BIO同PHY嗰陣笑足成堂~

琴日上ENG，啲人嘈住要調位，MISS TO諗咗好多方法，佢竟然叫我哋好似玩爭"鄧"仔咁，一路圍住行，佢一叫停嗰個就係自己嗰位...好無聊呀...好彩最後調唔成...萬一同正高B坐既話就...唉...

放學去咗讀書會，講咗都OK耐...成5點幾至走得...一個人走...悶...不過開始要習慣下一個人走，ALICE去占過話佢半年內會有拖拍喎~我真係要習慣下喇~哈~

今日第4，5堂冇上，聽講座，關於減肥既，完全唔關我事，成場就係望住嗰個講者(男)~係浸會大學體育系2年級生，嘩!佢嗰身材呀~膊頭好橫，手臂啲肌肉就嚟逼爆件短袖衫，又突顯佢啲胸肌，但條腰好幼，行起上嚟有晒姿勢咁，我坐最前嗰排，佢又喺前面行嚟行去，睇到我呆晒... 未免太肌肉吧...

放學去prefect全體大會，yeah~拎咗獎~"有禮貌"，但係我又唔覺得自己有喎...有陣時都好惡下...唔知邊個投我...又傾咗prefect BBQ既嘢~我好似唔得閒嗰日...之後上山跑圈，真係唔多想跑...但係我又有幾日遲到，再加上上次我冇跑到，今次又冇跑既話比人發現都咪話唔瘀...起初諗住今日咁凍 啲人一定會話唔好上山跑，留喺操場跑，點知啲人話上山lor... 放低書包喺Eric度(但係後尾嗰書包唔同咗位，終於知咩事!)，成班人一齊去跑，同董、何耀文佢哋夾定行一個圈就算，點知啲人好有活力咁一枝箭咁跑走晒...逼住我哋又要跑，跑完一個圈諗住唔駛跑，點知啲人又好有幹勁咁又跑多一個，連啲女仔都跑...得返我一個唔跑咁... 最後mr.chiu叫我跑多個，咁又同箽佢哋跑多個，幾唔願意呀我哋...返入學校拎書包，冇人理我書包...

p.s.嗰高b又開始發癲!好憎佢呀!"裝"人裙底!賤格!!!

今晚打邊爐，食得多得濟...想嘔...

今日喉嚨痛咗成日，又標眼水、流鼻水，通常喉嚨痛完都會發燒，如果係既話就希望今日好發燒喇~千祈唔好星期日晚或者星期一至發燒。

上堂都冇咩特別，都係咁~

放學同alice同cherry喺canteen做功課，因為某啲原因，所以cherry揀咗嗰個位，其實嗰位感覺有啲逼...當我哋各自各勁努力做緊功課既時候，嗰個咁既盧子賢竟然喺度打籃球! 係咁"啪啪"聲，好煩呀!琴日喺canteen做功課嗰陣又係有個人喺度打籃球，今日又係咁! cherry已經係咁望住佢，佢又睇唔到，我諗住細聲啲有啲禮貌咁叫佢唔好再打，點知自己都控制唔到自己，一開口就好大聲鬧佢咁，喉嚨好痛 之後佢哋嘩咗一聲，雖然唔知佢哋嘩咩，但係都唔方好嘢，初時佢走嗰陣都覺得有啲唔捨得，而家就覺得佢真係早走早著!之後Leo又打咗幾嘢lor，真係想連佢都鬧!但係又好似好冇禮貌...佢哋終於走咗，但係又有班女仔失雞無神喺度大笑，煩!走人!

出到去等車，2班隔離學校既人夾住我同alice咁，仲要愈行愈埋，嘈到死呀!!! 上到車又有班師奶上車，又笑個不停嘈個不停，使出佢哋既肥婆笑聲。

總括嚟講今日冇一刻安安靜靜，簡直係精神上既虐待... 病多2錢重...唔得...真係好辛苦...食藥...

p.s.今日搭車，有3個某女校既女仔喺度講我lor!戴2個章咪2個章lor!大驚小怪!仲喺度估我form幾，關你哋咩事啫!咁叻就大聲啲講，反正我今日都忍痛鬧人，我唔爭在鬧埋你哋!!!

今日色魔同銘大開殺戒，捉咗好多1E仔出去，起初都唔知佢哋做咩 見到佢哋係度陰陰嘴笑，跟住色魔同我哋一齊巡完6S之後，佢哋2個就係咁捉人，原來佢哋叫啲1E仔逐個拿高件冷衫比佢哋check皮帶，點知個個都冇，不過我知佢哋知佢哋冇皮帶，咁就捉咗好多人出去，好壯觀~我幫手寫咗2張籃紙，that's all~

上bio堂嗰陣，有個人無聊到跟我口水尾，仲要懶醒咁~我就做咗個奇奇怪怪既表情，點知比阿sir見到，係咁望住我笑，佢都覺得嗰人白痴lor~

放學要去MMLC on duty，入到去同嗰賤男講我今日唔得閒，一陣就走，佢就發我晦氣，咦...好討厭...之後落咗canteen食pizza~好味~ 不過食完喉嚨有啲痛...

返到嚟屋企，我阿媽嗰電話係咁響，又係嗰個咁既同事，忍咗佢好耐，日煩夜煩，打嚟講啲無聊嘢，都話遲啲覆佢，仲係咁打嚟，我阿媽以經唔聽佢電話，佢仲隔幾分鐘打一次嚟，煩到呀~再加埋我阿媽比佢煩而喺度大吵大鬧，煩上加煩，忍夠喇~問準咗媽咪，由我聽咗個電話，我直頭鬧鬼佢，叫佢唔好成日打嚟，好煩呀!佢就一句唔好意思都冇，即cut線，unpolite!

p.s.今日上咗咁多堂，竟然一啲睡意都冇~勁~