唉...今日係聖誕假既最後一日，聽日要返學喇... 其實我唔係唔想返學...但係個頭...唉... 嗰人識唔識剪髮ga!!!可以剪到咁!勁短!!!聽日要早啲起身搞搞個頭先得!!!

今日同Alice同Cherry去美食嘉年會~我遲咗出門口呀~搞到要Alice等... 不過Cherry仲遲...同Alice撘地鐵嗰陣Alice比嗰大陸人話佢唔行入啲...我覺得嗰人好似人地打劫金鋪嗰啲犯咁...

我地一齊喺尖沙咀撘船過去灣仔~喺船上面Cherry比啲老人家話...成程Cherry都好變態...又"步"力...唉...

去到買入場券，即時就有贈品~其中一樣係媽咪平時飲開嗰隻coffee~ 我地好白痴~明明係去美食嘉年華，點知入咗購物嘉年華...不過算啦~行咗一轉去返美食嘉年華~我地去到係咁食嘢~ 就係咁~行過一個sale化妝品既攤位既時候，個人停低咗我地，話有得免費幫我地化妝... 唔好講笑喇...化妝...化完嚇親人就唔好啦~

返到尖沙咀仲早~行咗一轉星光大道~影咗啲相~喺星光大道行去撘地鐵既中途，我比一個高大既男人撞咗一下，我成個人比佢撞到彈開咗，而嗰個咁既人!sorry都冇句 又唔知自己高大，我又咁細粒，比佢咁撞法分分鐘甩臼ga ma! 好冇禮貌lor!比佢撞到好痛!

總結今日都冇咩特別。我反而覺得工展會好玩過美食嘉年華~最起碼工展會多好多嘢食~ 而且仲好好味tim~

聽日除夕喇~咁就一年喇~希望新一年更加好~聽日冇街去，好應該喺屋企安守本份~

今日同Alice去工展會，其實今日都唔係咁想出街，琴日剪咗嗰咁既髮... 到時返學都唔知點算 ...

去到銅鑼灣人生路不熟...仲要懶醒咁睇都唔睇下地鐵站嗰地圖就出咗去...最後咪又係入返去睇!入到工展會同Alice係咁揾嗰舞台，因為Alice最愛既周國賢喺度唱歌。去到見到謝安琪、方大同、篩凱琪、當然仲有周國賢，感覺...冇咩特別...不過原來周國賢都ok高，而篩凱琪都好瘦...嗰啲fans就喺我地隔離...有個男仔好誇張，係咁嗌，嗌到青筋都現埋... 勁出力。唱完一個佢地又即刻換牌又嗌第2個artist，真係服咗佢地... 返到屋企睇電視，有篩凱琪，點知又比我喺電視見到嗰個男仔...勁!後尾周國賢佢地走~成班fans又跟住走(Alice都係)，而我就離開少少咁就算喇~突然周國賢拎返轉一望望到我，我即刻好驚喎唔知點解… Alice比咗隻碟佢簽ga，不過後尾又冇簽到 …

睇完去咗工展會既”美食廣場”食嘢~好多嘢食呀~食咗貢丸+花枝丸(好味) 、炸雪糕(唔係咁好味)、魚蛋(冇特別)、雪糕(ok啦)。

之後陪Alice去買衫，我地買咗件同款唔同色既jacket，後日一齊著出街! 睇衫嗰陣見到有情侶(學生)一齊睇衫，嗰男仔嗰樣好無奈，但係又要保持笑容咁~嗰樣好搞笑~ 嗰女仔仲要高幾度音咁問嗰男仔”靚唔靚呀?”，嗰男仔即時話”靚呀靚呀~”有啲覺得嗰男仔慘，又悶喎~

星期五去美食節呀!!!

今年聖誕好開心~有好多節目~23,24去咗prefect camp、24晚同alice+cherry去咗尖沙咀、遲啲又同佢地去工展會~

23-12-2005 :入camp~返到學校集合~原來我地要分小隊咁玩"都市定向"，要去唔同地方既checkpoint做task，最後要喺3點半去到營地，而且收起晒所有銀包同手機，只係每人比咗$26車錢我地，仲要keep住隻生蛋，爛咗就冇500分呀! 首先我地去咗旺角既兆萬中心先~去到既task就係要我地揾個20-22歲既後生仔/女同我地影貼紙相 因為我地資金有限~揾咗部$20既~部機唔係大~但係要影晒我地7個人+2個女仔 真慘…而家張肉酸相仲喺我度…旺角其實有兩個checkpoint不過因為冇時間就冇去到朗豪坊~之後撘MTR去鑽石山既冒險樂園!!! 個task就係要我地玩到20張票~之後撘巴士入西貢，途中發現喺彩虹嗰3個checkpoint原來離我地好近… 但係我地冇去到…去到西貢，有3個checkpoint首先我地去咗"滿記糖水"，一心諗住係叫我地入去食糖水，點知原來係要我地喺門口玩啲無聊iq題… 之後要去麥當勞揾夠$64.8既食物，唔駛買，但係嗰經理已經企定出嚟以為我地會買好多咁…揾完我地就走lu…好似白撞咁…然後我地喺西貢既大街上係咁跑…去到"紙船"，嗰task就係要我地揾一個60或以上既老人家同我地影相，嗰度老人家就多…但係個個都唔肯影…最後黃瓜愷揾咗一個外籍伯伯同我地一齊影~之後撘車唔夠位坐，入到去我地遲咗半個鐘…扣分… 我地有好多地方都冇去到，e.g.:太子、彩虹，不過嗰度啲task好奇怪…太子:用eng問人點去迪士尼;彩虹  牛池灣街市:揾四餸一湯材料影相;體育館:喺前面唱歌+dancing  ß好奇怪…

食完飯有好多活動~有一個要6個人企上塊蟺上面，再反轉張嘢，又唔可以出界，好難…搞咗成個鐘…黃瓜愷仲話要燒咗張嘢佢~哈哈哈~ 我就係咁比人夾住，再唔係就比黃瓜愷揹住，我好輕啫~佢應該唔係咁辛苦~但係我好舒服~ 唔駛驚出界又唔駛郁~仲有個係大家背對背繞住手唔比出聲去揾返大家收埋咗既紙仔~黃瓜愷喺我左邊，粟子喺我右邊，一開始佢兩個向相反方向行，但係隻手又繞住…好似將我一開二咁… 跟住仲有好多好多…

 完晒所有嘢已經11點喇~返入房有好多人入咗嚟玩(同女head pre們同房呀我~)玩咗都ok多嘢~仲上咗去睇星星呀我~ 個天好多星星~好大粒~有啲浪漫~不過我又冇bf，要咁浪漫做咩喎~又凍~於是又落返去玩~玩玩下黃瓜愷上嚟跳"脫衣舞"、盧x賢走上嚟2~3次咁多~除晒上身啲衫圍住我地跑，仲一路叫"我係咸濕仔"、仲有一個同我同form，個樣有啲似leo既物體一走到上嚟企喺張"鄧"上面，起初唔知佢做咩事，佢突然拉開褲鍊… 嚇死呀~原來佢喺"入面"收埋咗條巾，係咁拉出嚟，玩到好癲…玩到好攰瞓咗一陣，嗰陣應該都4點喇~喺廳度瞓咗…而家諗返起…間房咁多人出出入入…咁咪好多人見到我瞓覺個樣!?唉吔!!!

<外籍老伯伯

24-12-2005 :

成個camp都算開心既~學既嘢都好講團隊精神~成個camp都好有意義~學到嘢~不過唔知我用唔用到出嚟~我見其他小隊都好開心~但係唔知點解我哋SP成日都好似唔多開心咁…可能我feel錯嘢呱…

撘車返嚟嗰陣經過我地傻跑既嗰條街…感覺…好白痴… 但係又有啲唔捨得…而SC隊長盧x賢都轉校了~雖然我同佢唔熟，但係我成日都唔想我身邊有嘢改變…所以都有少少咁捨得…

<我地SP

<SP  with義工Eric

返到嚟cherry就揾我喇~講講講~講咗好耐~約咗晚黑7點半同埋alice一齊去尖沙咀呀~ 今次係我咁大個女以嚟第一次聖誕同啲fd出嚟玩咋~ 好開心!!!同alice去到先~cherry仲堵緊車…好好好多人~又封路喎!繞咗好大個圈至出到地鐵站…同alice一出到去就睇到煙花~仲有激光~靚~ 睇完之後同alice又繼續係咁堵…啲人起哄…係咁"her"~但係我又覺得好好笑~之後終於揾埋cherry一齊行~我地去咗許留山食嘢~好唔底! 行咗一陣我地又堵返去地鐵站去旺角~我成晚都好眼瞓好冇精神~ 仲係咁講”好眼瞓好眼瞓”搞到我哋啲氣氛都差晒tim…返到屋企攰死…隻腳勁痛…佢地仲奇怪…行到腰骨痛…真搞笑~換衫即瞓!

~The End特長日記~

今日聖誕聯歡~今年都唔係好多人著便服~但係有啲人誇張化晒妝... 仲著高"爭"鞋...今日prefect真係捉得好鬆手，但係呢啲一定唔得啦!但係又冇記嗰個女仔藍紙，都唔知係咪ga!

早會完咗黃瓜愷請我地SP食朱古力~之後就上去hall崇拜喇~

返班房聯歡我又做MC喇~ 不過好混亂.....一開始有張泰桉表演魔術，好勁呀! 今次仲玩到噴火，勁!啲啤牌技術真係好得呀!玩玩下叫我出去玩...個心即刻緊張起嚟...好驚呀~ 佢都算唔話得~教埋我~佢真係愈嚟愈尊業~玩遊戲嗰陣嗰高b又喺度發癲!佢真係好討厭!仲整到人!

放咗學我好似癲咗咁~係咁揾人影相~但係好開心~之後就準備BBQ啲嘢~要落去街市拎嘢呀~好大風呀今日，一路燒啲嘢就一路跌...吹到成個操場都係，連小田園嗰邊都有，太誇張...燒完又影相~燒緊嗰陣嗰個F.1女仔係咁"痴"住驢仔~又要佢餵食嘢...唔知點解又要換咗條勁短既裙出嚟...好恐怖...唔知佢想點...而另外嗰3個F.1女仔就喺度玩碳...係咁打嗰爐啲碳...再加上大風...吹晒啲一點點燒著既嘢出嚟...好危險...開始好唔鍾意啲F.1，話極都唔聽!

好!23,24既prefect camp都要影好多好多既相!!!

<金龍+銘+我

<驢仔洗地既英姿~哈哈哈~

<今日最滿意既一張相~