琴晚極希望今朝落大雨，仲要有咁大落咁大
 唔駛返學，咁嗰學科精英親子茶聚就唔駛去喇，點知今朝真係落雨呀~不過只係黃色暴雨警告訊號，出門嗰陣就真係落好大
 去撘車中途見到有個低form既女仔，咁就遮埋佢，未行到去部車就嚟，跟住就擔住把遮係咁跑，好狼狽...
琴晚早咗9個字瞓覺，所以今日好精神，勁!
上BIO堂嗰陣阿sir真正咁嬲，發脾氣呀，最後嗰1x分鐘佢都冇教書，阿sir其實係一個好玩得既人，佢咁嬲真係情有可願，因為真係好煩，某同學佢日日堂堂都係咁嘈，咪話我話，佢唔上堂人哋要上堂，無啦啦又嘈一餐，搞到咩都聽唔到，講啲嘢又自以為是，完全唔理人感受，真係咪話我講得絕，佢真係得罪人多稱呼人少呀咁樣，成人話阿sir，阿sir串返佢又發脾氣，你串得人就預咗人哋會咁，最過份在成人都叫阿sir拎"縱"援，又話佢會比校長抄，玩得都唔係咁呀，有陣時啲說話會唔經唔覺咁hurt到人ga，嗰個點講都係老師，比返少少面，如果佢唔係咁，我相信我哋班啲人唔會咁憎佢，做咗我哋班同學們既公敵咁，都唔只我哋班，係可以嘈到完全聽唔到人哋講咩嗰隻ga，本來我都唔想講咁多，我係班長，唔應該企喺任何一邊，但係今日就真係過份咗啲。做男仔真係唔好做到咁lor~
放學Eric教我chem，唉...愈嚟愈down...
 真係好想去補下習，但係啲時間又就唔到，放學又咁多嘢做，時間又唔係好定...所以係唔得，希望佢哋唔會覺得我煩繼續教我啦~
之後學科精英親子茶聚，我係咁食嘢，同埋影相，分科影影phy嗰陣好唔知點，得我一個女仔，mr.wan有啲"law"，明明話影phy既，佢就唔知做咩行埋嚟影埋一份，個個呆晒望住佢，跟住佢又走嚟同我講同我媽咪講:[你有冇同你媽咪講嗰board係你做ga?]，跟住我答:[呢個board唔係我做ga，門口嗰個至係]，佢之後都冇出聲...唉...都係咁...多謝wwk話門口嗰個board好睇~
聽朝11:30返學校學科精英phy... |
