今日上P.E.，打排球，打完有得自由活動，去咗打籃球，唔識打... 佢哋仲話鬥波，初時好好笑，後尾我唔知點整親隻手指尾...好痛...葉傑話咁樣係"篤魚蛋"，係咩? 我覺得似內傷多啲喎...上完堂去食lunch，哼~比我見到琴日同我講"阿姐，開唔開得locker?"嗰個人，知道佢叫咩名喇~阿姐!?返到學校on duty，明明打咗鐘好耐下，仲走嚟開locker，我唔比佢開，佢竟然講粗口lor! 冇啲禮貌!好黑人憎呀!要開就早啲返!再唔係同趙sir講呀!佢話比咪比lor!咁叻唔去問!?

晏晝第一堂上phy，手指依然好痛...黎x儀無啦啦坐咗喺我隔離，好奇怪，問佢咩事，原來又係嗰高b，上親堂係咁講咸濕嘢，鬧佢啦~呢啲咁既人...放學本身趕住走，但係要幫mr.wan做埋啲班務先，好多回條同成績表要分...成4點3至走得...仲要去身體檢查。

身體檢查嗰陣要查針咭，帶少咗張，佢話我好似未打齊啲針 ，唔好講笑啦~梗係打齊啦...近視加深咗好多，度高話我矮咗...咁都得...check完去配眼鏡，試嗰陣啲人話好睇，但係我自己就睇唔到...下星期五有得拎~

聽日朝早返學校練笛，一定要吹到呀~之後同Alice同Cherry去買朱古力，真係去買...

琴日放學去咗MMLC on duty，又比嗰"賤男"串，次次都係咁串我，痴線ga!我已經一放學就落去，係最早嗰個，佢燈都未開呀!咁都比佢串，走嗰陣又比佢串，癲ga!仲要只係串我!!!走嗰陣扮晒幫我"汁"書咁，我唔受呢套ga!佢升得級ga喇!升做"世紀賤男"啦!

今日好down，聽何耀文講邊個考第幾，數極都無我咁...我諗3名都冇...點解啲男仔勁咗咁多ga...要諗諗佢...校際音樂節就到，嗰音仲未得...又練到down晒...

放學陪咗陣Cherry，聽佢講嘢，一路點啲回條一路聽佢講，諗住點完交返比mr.wan嗰陣順便問埋第幾名，點知佢走咗...

下星期二就係情人節，過兩日可能同Alice+Cherry去買~好味~放學嗰陣同handsome傾咗陣計，傾傾下佢叫佢隔離嗰個男仔去沖涼先~好噁呀~笑死我同Alice~

p.s.:今日食完lunch on duty，有一班唔駛上P.E.，但係佢哋又唔入canteen坐，仲要喺操場追嚟追去，於是出動咗成隊SP，好似趕鴨仔咁~好煩呀啲F.1...

琴晚成點鐘至瞓，今朝6點幾就起身，冇咩懶床，所以好應該趕得到班車，點知就因為成個星期冇紮頭髮，今日紮咗好耐至紮到+掛住食早餐而走咗2班車... 都知衰ga喇，已經跑去搭車，點知都趕唔到，可能跑得勁得濟，連隻錶都停埋...諗住搭taxi返學...又"節"唔到車... 最後搭咗7點8班車...好險...落車即刻衝返學校，知道原來冇人幫我開咪，又沖上去開，冇晒氣...講到停下停下咁，Alice話好似嗰啲病到就死嗰啲咁... 真係好出奇，竟然連我哋SP啲人都可以唔知我遲咗開lor... 會唔會過份咗啲呀!? 平時我開咪已經冇邊幾個幫我清場，而家冇人開咪都可以唔知!咩小隊呀!?返到去8點1，無遲到，但係prefect嗰度已經計我遲到喇...我一定要準時出門口呀!我唔要喺操場被人罰跑圈!守locker嗰陣拍下隻錶，又行返...

今日上堂有好多歡笑聲~幾開心~不過Eng又冇教書，然後又比一大堆功課我哋做...

今日4c嚟咗個插班生，原本都唔係好關我哋4A事~不過佢會修a-maths，所以會同我哋a-maths group一齊上堂~葉傑竟然同我講佢好靚仔...唔多覺...喺呢個插班生身上傳出好多嘢，有人話佢喺第2間轉嚟，又有人話佢喺內地嚟，又有人話佢喺國際學校嚟，都唔知邊個至真，又聽講佢好勁，所以我哋a-maths group既書友仔對佢有好大興趣，不過今日上堂嗰陣朱sir講啲嘢咁好笑，佢就擠都唔笑咁...

發現我嗰班啲男仔好受啲F.1女仔觀迎，唔知點解，靚仔?唔多覺...好人?大部份都係既~今日放學去完choir，同Alice傾計，途中色魔過埋嚟一齊傾，就有幾個我哋3個都唔識既F.1女仔"陪"迴咗一陣就過嚟撘嘴問色魔嘢~仲望住佢，又行咗幾轉，見色魔喺咁避佢哋，有啲搞笑~

呢幾日喺婆婆屋企住~返到去同文灝(同齡表弟)一齊做功課、玩，佢都算唔話得，我返去咁多日佢就陪足我咁多日，由朝陪到晚，沖完涼又落嚟陪我，搞到佢成11點幾至返屋企，不過唔緊要啦~反正佢住咁近，晚黑做功課做到咁上下就整宵夜食~仲逼佢陪我去行街~哈哈哈~呢幾日做咗功課，畫咗3幅畫~雖然仲未做晒功課，不過畫到3幅畫咁多，好成功!

喺婆婆度無啦啦都成日有人嚟拜年，搞到我哋又要"清場"，琴日琴琴(同我哋差唔多大的表妹)過埋嚟一齊食飯~好開心~終於有幾個年紀差唔多大既人一齊玩~仲有啲幾歲大既表妹表弟喺度，佢哋有佢哋玩我哋有我哋玩，真係可以話完全玩唔埋~佢哋可以拎住枝水槍仔跑嚟跑去就可以玩到好癲，而我哋就唔得喇~好彩有佢哋陪~

而家好努力做緊SBA，唔知今晚幾點至瞓得...

今日喺屋企冇出街都應晒節，同媽咪嗌交，最近唔知點解成日都同佢嗌交，其實都唔係嗌交既，佢不斷係咁鬧我，我又駁返佢嘴...真係好煩...嘈到咁上下我嬲嬲地比返晒啲利是佢!!! 我都唔知點解我啲fd會話佢好會話佢好搞笑...嘈完佢落咗街，返到嚟扮晒冇嘢咁，但係我好有嘢呢!!! 不過我而家都冇咩嘢喇~

聽日返婆婆度住幾日，呢幾日要尊注畫畫同練好隻歌為校際音樂節作最好既準備，仲要同林智康夾下~