Cursor by www.Soup-Faerie.Com
pupuIvY : 個人主頁 - 相簿 - 訂閱  [ QOOZA - 論壇 - 登入 ]
pupuIvY
暱稱： 砵砵車
性別： 女
國家： 香港
«‹ October 2026 ›»
SMTWTFS
123
45678910
11121314151617
18192021222324
25262728293031
文章分類
•全部 (242)
好友名單
尚無任何好友
網站連結
尚無任何連結
我的...
arashi*二宮,大野,櫻井,相葉,松本
站內搜尋
RSS 訂閱
RSS Feed
2006 年 1 月 16 日  星期一   晴天


今日生日 分類: 未分類

Happy Birthay To Me!!!今日係我既生日，考試中渡過...今日特登唔多出聲，見下有邊個會自動自覺走嚟同我講句"生日快樂"，當然會有人同我講，不過唔係出自自動ga!唔知嗰啲唔算，但係知嗰啲可以唔記得，記得都唔講，唉...朋友，心裏有數。

考physics，冇咩感覺，但係我有啲唔鍾意某啲同學仔一放學去問分lor。

今日同文科放既時間一樣，所以同Cherry喺canteen等考緊經濟既Alice，我地3個加埋就係"文理商"喇~中途Cherry要上去做oral練習，得返我一個...悶死...揾葉傑(女仔)傾咗陣電話，好耐之後，Cherry落返嚟，一齊傾計，見Leo喺canteen好無聊咁等咗好耐，之後Alice終於考完，一齊走喇終於~出到門口又見到Leo，又等緊人...後尾Cherry真係打比Leo問佢等邊個，點知比人cut線，激到佢發癲，諗住打訊息鬧佢，打咗好耐至打咗3個字，但係打完又話唔send...Cherry仲語無倫次講一大堆嘢表達自己好嬲，笑死我同Alice~，有咩"心理唔舒服"、"心煩氣亂"仲彈咗個"思覺失調"，之後佢追車又追唔到，仲激動，話"炸爆部109"，笑死我地~最後仲要我同Alice搭嗰部嚟先，上到車打比Leo，其實我真係好驚，驚佢都會cut我線+鬧我呀之類咁~好彩冇啫~

返到lok fu同Alice一齊食飯，又笑死~
發表時間：2006-01-16 08:51 PM  [ 訪客留言(0) ] [ 編輯日誌 ] [ 分享至FACEBOOK ]
2006 年 1 月 11 日  星期三   晴天


~無主題~ 分類: 未分類

今日係第3日考試，考咗3日，3日都不停係咁作文 eng listening、綜合能力又作...唔知會唔會用腦過度，開始諗唔到嘢，作作下都唔知自己寫咩，而家仲講嘢有時會唔清唔楚咁，Alice笑咗好耐... 連嗰篇綜合能力既議論文入面既"贊成"同"反對"既例子都亂晒，贊成但寫咗反對既嘢 好彩double check嗰陣仲未朦得晒...發現咗然後改得到~

呢兩日返到屋企都要飲奶茶先至唔會瞓覺...不過就要冒下險~因為有時飲完奶茶嗰肚都會唔舒服 ...咁搞法...考完之後我可能成個人殘晒都唔定...

今日eng reading，主要係講啲節日，第2篇係講情人節，最後嗰條問題竟然問"你會送咩禮物比gf/bf?"，呢題我諗咗好耐先答到 之後同Alice講起呢題，比佢話我蠢 是但答朱古力咪得lor~我心諗:"係喎!我咁認真答做咩呀!?"哼.真蠢。之後又作文...

考Bio，好好好多...寫到手跛，寫到我有啲激動，拿高衫袖，而我最熟嗰啲關於營養既，佢出得一題...舉手問可唔可以拎筆，miss又睇唔到，佢都唔知望邊既，舉咗好耐...我坐近window位，唔知默解啲風係咁吹埋嚟，愈坐愈凍，咁慘至捱到考完第1科然後閂咗佢，點知考考下miss走埋嚟開返...咦...好討厭呀...
發表時間：2006-01-11 09:25 PM  [ 訪客留言(0) ] [ 編輯日誌 ] [ 分享至FACEBOOK ]
2006 年 1 月 9 日  星期一   落雪


~無主題~ 分類: 未分類

今日第一日考試lu...

今朝返到去，揾到Leo了，不過佢既一句:唔記得咗。令我極度無奈... 之後行去同組員解釋點解冇得交，仲有個諗法:總之就唔好應承阿sir今日交份嘢比佢...不過後尾都冇向佢講...真係唔想咁...做咩都要同人解釋，總之我就有我既道理啦。不過份嘢對我嚟講又好重要，佢係我宗教科既分嚟ga la...鬼叫我嗰陣要去彩排畢業典禮冇去presentation咩...唉...算喇...

考試...ok啦~都唔知點講。喺hall考完晒listening收緊筆既時候，miss to(主考官，坐喺台上)喺枝咪嗌咗聲"xxx，你出一出嚟"駛唔駛咁呀，叫我派嘢唔駛喺枝咪度叫呀~叫睇我嗰班既老師叫咪得lor，全級都聽到，搞到我比自己班既人笑。通常都係出cat先會咁比人叫ga ma...真係"多謝"佢。 坐喺hall真係好凍...凍到我係咁震。都唔知點解f.4要考到咁晏...

放學同Alice同Cherry去旺角食lunch，講開好地地，唔知幾時轉咗話題講邊個同邊個拍緊拖，啲人我都唔識...之後佢地一個要買校服，一個就要買書，跟住就去影貼紙相，死人Cherry!係咁笑!!!(不過我都有係咁笑佢)。本人對今次所拍下既照片甚為不滿，因為我覺得自己嗰髮真係好核突

返到屋企同Angie講咗陣電話，話題又係關於拍拖...令到我覺得:男仔真係好複雜...

今日都冇去揾miss yeun，邊有人喺考試期間叫人做返之前choir既數ga...唔駛温書咩...為我著想下好唔好!?
發表時間：2006-01-09 09:19 PM  [ 訪客留言(0) ] [ 編輯日誌 ] [ 分享至FACEBOOK ]
2006 年 1 月 8 日  星期日   落雪


[ 此日誌受密碼保護 ] 分類: 未分類

請輸入瀏覽密碼：  
發表時間：2006-01-08 08:47 PM
2006 年 1 月 5 日  星期四   晴天


紮起咗頭髮返學 分類: 未分類

今朝早咗起身整嗰頭，紮起咗啲係好過唔紮ga!!!但係換嚟既就係返到屋企嗰頭整到好痛...

今日紮起咗啲頭髮返學，好驚好驚，落車嗰陣見到黃瓜愷...佢走嚟問我嗰頭做咩，我解釋完之後問返佢真係咁核突咩?佢竟然話:「唔係~(隔咗一陣)今日你唔好守操場喇~守厠所啦~」 返到學校啲人勁到特登走嚟睇下我嗰頭... 唉...不過都有好多人話好得意~ 上到班房更加唔駛講，啲人既反應各有不同...竟然有人同我講叫我一早就咁紮啦...嘩...真係好無奈...

朝早當值嗰陣仲驚，企嗰個位咁多人望到，我就係咁遮，再唔係就背住啲人，早會巡班嗰陣直頭嚇死~通常巡第1次都係我行頭，而且係比較快，第2次就銘行頭，比較慢，目的係睇清楚~行第1次唔駛咁仔細，再加上我今日嗰頭咁...更加行得快啦!但係銘又行得好慢喎，最慘既係我真係快得太離譜，返到後面仲要企咗陣啲人先慢慢返到... 搞到mr.chiu喺上面望住我呀!!!第2次即刻要慢返...

唉...今日好多人都整我條辮，有啲仲想拉走我條橡筋!!!呢幾個lor --->黃瓜愷、何耀文、林智康

黃瓜愷:小息當完值同我講開嘢，諗住佢真係咁好死等埋我一齊上去，喺樓梯講開我條辮，仲幫我起咗嗰花名"豆釘"，突然間心血來潮追上嚟，後尾見到angie，於是大聲嗌咗一聲"黃家愷痴咗線~"(冇記錯應該係咁)

何耀文:成堂physics赴我唔為意嗰陣拉，放學都仲有咁既念頭呀!

林智康:講過下，不過佢無聊到數我頭上面有幾多隻夾...初時佢話有10隻，其實連我自己都唔知 以為佢估下，點知返到屋企除低晒啲夾，原來真係有10隻!!!

我記住呢3個人呀!!!

放學去咗影印。返到屋企揾過Leo同佢講今日Alice話比我知嗰樣嘢，發現原來Leo是這樣的...失望...
發表時間：2006-01-05 07:31 PM  [ 訪客留言(0) ] [ 編輯日誌 ] [ 分享至FACEBOOK ]


« | 16 | 17 | 18 | 19 | 20 | 21 | 22 | 23 | 24 | 25 | ... | 49 | »