今日上堂好攰好眼瞓 就係因為琴晚...

琴日放咗學又成班人一齊去食飯，食完飯去開學生會既會，其實都唔算係開會既，大家整下嘢、傾下計、玩下咁lor~都好開心~不過我又比人問覺得阿don靚唔靚仔......好無奈...已經係第3次喇 佢當事人又喺度...返到屋企即刻做功課，maths30題、a-maths4題(其實一早做好，不過冇簿，又要抄返過去)、eng，做咗成晚... 成12點1點至瞓，啲數就亂咁做，寫夠咁多題算...，真係好辛苦...日日返到屋企都咁攰...好想可以日日瞓夠8個鐘...

今日早會終於到我哋"創新閣"講政綱，到我講嗰陣講到死下死下咁...真係好眼瞓...第一堂仲要上a-maths，打醒12分精神， sir又唔知點解係咁問我瞓醒未(笑住咁講)，我個樣唔係咁攰啫...佢應該唔知我咁多嘢ga... 放學本身要留喺學校去嗰個學生轉導員訓練，但係真係好唔得，我一定要返屋企瞓覺，最後我都唔理得佢咁多，同佢哋去食飯，跟住返屋企瞓覺...

總之今日上堂上得好辛苦...

好多日冇打日記lu...冇計啦~日日都係咁...返到屋企好攰...

今朝撘車返學，琴日拎起咗張"八達通"，所以冇得"嘟" 嚇死~好彩呀男主席(Eric)喺我後面，救咗我一命...好彩~

放學又成班人一齊去食飯，食食下6s啲男仔就入晒嚟(當然我嗰個學生會啲人都喺度)仲坐咗喺隔離枱，嗰死J鏗就亂咁講嘢，話"我做你嗰邊既助選團，不過可唔可以唔投你哋"，又比我嗰team既其中一個人聽到，之後就係咁望住我，我已經叫咗佢唔好再講，佢就死都要講，佢唔害我會死既咩!唉...聽日仲要開會，都唔知點算!琴日又係咁...勁大聲咁係咁話我白痴，個個就望住我，真係愈嚟愈憎佢!

返到屋企林x康就打比我，又係嗰高b，佢真係好煩...

呢幾日都好攰...

我今日成12點幾至去，我諗啲人都冇咩嘢呱~ 其實我去到都冇咩嘢做~都好受人照顧~ 比咗上年學生會嗰張買嘢有折既卡佢哋睇，其中一個睇完就亂咁拋我張嘢!我張嘢又唔係垃圾!比你睇係人情啦!對我啲嘢咁!冇啲禮貌! 迫到我串佢!但係嗰男主席就勁好人~佢知我唔係咁得閒，已經比少咗嘢我返屋企做，足足比佢哋少咗成倍，少咗啲之後又再喺我嗰度拎走啲，嗰啲佢幫我做埋，仲叫我唔駛趕，做好功課同a-maths至做，嗱~呢啲咪好人lor~同嗰個拋我嘢既人簡直冇得比! 同一個學生會，啲人就天同地比...

做做下嘢嗰陣，陳遠A打比我話我知高b喺我嗰邊補習 叫我小心撞到佢，我聽完之後係咁鬧嗰高b，搞到啲人係咁望住我!至衰都係佢!

p.s.我發覺我同cityU好有緣，之前勁去排戲，以為之後唔會再去，點知後尾又唔知點解又去一次，而家又去嗰度開 會~

打番呢兩日既日記。

8-9-05:放學同陳遠A、林x康佢哋成班人食飯，中途個高b殺出嚟坐喺隔離一齊食 佢又做啲白痴嘢...食完飯返上學校，一出嚟就見到"數學家"同何sir，一路兩個都見唔到我哋成班人，後尾見到之後，"數學家"一路行一路同我傾計，傾傾下同佢講話我有太多職位，驚冇時間讀書，跟住又數比佢聽，佢一聽到學生會都已經知道一定冇咩時間，跟住講咗句莫名其妙既話:"咁到時你要揾叮噹幫手喇~"都唔知佢講咩~我"下!"咗一聲，佢就話:"叫叮噹變多幾個彭x琪出嚟"，有啲無聊...跟住仲話希望我會輸...我都係咁希望...如果唔係我就煩lor~話係咁講啫~不過呢段拉票時期，我都會盡我所能既~當然萬事都以我既學業為主!

9-9-05:放學要去學生輔導員，叫咗陳遠A同林x康佢哋等埋我至一齊食飯，佢哋真係有等我呀~去學生輔導員嗰陣，1/F勁多人，行都行唔到，去到大教員室門口前面啲人又唔郁喎!好鬼痳煩，但係又比我見到"數學家"，佢見到我咁...跟住佢係咁笑，然後叫我行佢嗰條路，勉強都算叫做開咗條路比我行啦~不過唔知佢笑咩...中途比miss yeun捉住問我幫唔幫佢做choir幹事，其實佢寫咗紙叫我放學去揾佢，我諗住唔得閒就唔鬼揾就算!唉...又比佢捉住...果然真係問呢個問題...潘迪se應承咗...其實我真係想推ga...不過有葉傑(女仔)既事例為證...根本冇可能推...

p.s.我覺得"數學家"其實都對我不俗ga喇~

今日小息嗰陣落咗1/F拎申請loker既form，順便拎埋枝咪比返"數學家"，"數學家"一出嚟我就話:"你枝咪呀!"，好似好惡咁 之後佢講咗啲嘢就擰轉面，咁我咪以為佢入返教員室，咁咪拿拿聲走去交另一樣嘢，鬼知佢會擰返轉同我講:"點呀~讀成點?"，搞到我好似好冇禮貌咁...我唔係有心ga...

就返到課室，葉傑(女仔)好緊張咁走出嚟同我講:"有f.6揾你"，跟住我就好驚，因為今年既f.6我一個都唔識，以為自己唔知幾時得罪咗啲f.6，佢哋走嚟找晦氣... 原來係揾我一齊搞學生會...講咗好耐，最後答應咗...今年應該有3~4組，6s兩組，6a又有喎~揾我嗰班係6s既外校生...答應完之後個個都話唔應該應承...我諗諗下我真係有太多識位喇...而且自己又係讀a-maths，真係好驚冇時間...不過點都好，成績對而家既我嚟講好重要，其實一開始我都同佢講話我可能唔得閒開會，都係聽日揾佢講清講楚先，話晒"先小人，後君子"不過我都好擔心 至衰都係自己!蠢到死!!!呢啲咁既嘢一樣接一樣咁湧過嚟，miss yuen又揾我做choir幹事...上年已經做得好痛苦...我同潘迪se係咁受人氣，我都要好好考慮...