今日係拍照日，冇上過堂~不過上咁點~都係兩堂~第一堂chem，第二、三堂chi(作文)，四、五堂P.E.(唔駛上)。早會完咗喺canteen講分工，我冇講到，當完值拿拿聲跑上去影相~一開始就影choir，唔係咁想一早就影...今朝比人話我冇血色...

今日啲程序有啲亂...有啲原本要落嚟影嗰啲班又話默書、又話比老師鬧緊唔落住...有啲又無人叫無啦啦落咗嚟...亂晒...不過對於我既崗位嚟講就冇咩受阻(唔知點解)，我只知我今日係咁同人傾計，仲係咁叫嗰啲就影相既人除衫...有好多人都冇著到長袖冷衫，要啲prefect除落嚟借比佢地...見驢仔佢地真可憐...咁凍...

小息prefect有嘢食有嘢飲~不過咬親嗰嘴...好痛...

食完lunch又影相喇~成班prefect喺度柴哇哇咁~煩到嗰攝影師好唔耐煩...

之後又上601練校際音樂節獨奏...其實首歌好好聽~不過好多高音...好難吹...而家已經有啲怯...練練下miss走咗落去影相...班夾band既又嚟夾band...耳都聾...喺度係咁吹風...feel到病病地...決定走人!

同alice一齊走~等車嗰陣見到黃瓜愷，同佢講開prefect camp，佢竟然買啲咁既禮物...好衰咁講句，我真係希望唔好抽中佢嗰份~

同alice去買聖誕禮物~終於買齊了~

今日測bio，阿sir又冇返...次次測驗佢都唔返...成日都揾老師代堂測驗... 今日有我最鍾意既宗教堂，主題係猶太教~好想快啲聽埋其他教 ~不過聽完既時候就要寫論文lu...

放學去咗開prefect會~睇咗個短片~見個地方好熟口面~原來係英華~ 之後頒獎~哈哈哈~我有幾項上咗榜~ 仲拎埋"最具模範之星"，估唔到~ 成個人呆咗~好想知邊個投咗我~好開心 ~拎完之後更加有自信! 再之後就清prefect遲到~哈哈哈~好多人要罰跑~盧x賢要跑成40個圈~ 不過佢個小隊隊員幫佢跑咗好多個圈~好多人都一齊跑~但係我冇跑...好似好衰咁~不過有啲肉酸...咁多prefect喺度無啦啦跑圈...下次~下次SP有人要跑既話我都會一齊跑既~

開完會上601開choir會~

開完之後去學生輔導員bbq~開心~大家一齊燒~不過啲f.1好似當我地工人咁...成日都姐姐、姐姐~幫我燒呢樣呀~姐姐~熟未呀?不過算啦~最尾嗰一個鐘就變咗我地成班f.4既bbq，完全無理到啲f.1咁...完咗又係我地成班f.4一齊洗地~搞搞下成8:30至去等車~9:00至有車撘...成個站得我一個等車...9點幾至返到屋企...喺車上邊食嗰個獎品~曲奇餅~不過唔係咁好味...但係嗰罐好靚~

聽日要去太子唱歌~咩九龍城區聯校匯演...好似個歌女咁...連續兩個星期去唔同地方唱lu~周圍去賣藝~

琴日喺屋企做功課，做咗成日，啲功課多到就嚟壓得死我... 做得咁辛苦，今日竟然有啲係唔駛交... 今日又冇功課。琴日好尊心做功課嗰陣，隔離屋嗰個人又趕嗰女出門口，嗰女仔喊得好慘...但係唔知點解佢要喺我呢邊喊lor... 嗰c奶成日都趕嗰女出門口喎!又喺好多人面前鬧佢嗰女，佢嗰女咩自尊心都冇啦!又成日放啲垃圾喺人門口!衰到爆!!!

今朝撘車見到陳遠A，嗰個咁既f.2又問我佢係咪我細佬...講咗好多次話唔係!佢又問!!! 之前又話Eric係我男朋友，佢估咩都錯晒，好心佢就唔好估啦!同佢又三唔識七咁...問人哋咁多嘢!

返到學校，葉傑(女仔)未返到...得我一個...嗰死高b又係咁望望望!好煩呀佢!我做咩又關佢事!又要喺我面前係咁行嚟行去!之後去問leo phy.佢做緊功課，問唔到嘢...佢又唔出聲咁...

放學又要去MMLC on duty，又見到嗰個咁既人!今日都唔算點既~不過都比佢串...終之我好唔想同佢講嘢...

p.s.:愈嚟愈覺得自己同銘巡班嗰陣好型!!!

琴日朝早去教堂唱歌，返到屋企唔夠時間做功課 成12點至瞓...今朝6點幾起身...感覺好似正話瞓著之後又要起身咁...

返到學校期待Eric返嚟，開完咪都仲未見佢返到，好驚佢趕唔到返嚟，咁我就冇功課交喇... 好彩佢都返得到~第一堂班主任課又比mr.wan拎咗嚟上chem，變咗double兩堂...maths堂要交嗰份圓形功課...原來一定要畫圖...要去買圓尺... 食完lunch上bio，研究" "既顏色...好嘔呀... 正話食完飯，之後聽啲咁既嘢!phy堂又落去放水火箭~哈哈哈~ 我哋枝水火箭第2呀~今次嗰嗰啲水火箭都好遠~不過我哋枝水火箭比一個突如其來既籃球打中...扁咗...

今朝早會巡6s，巡完第2次銘就同我講話好似有人染髮~咁我哋就同黃瓜愷一齊去睇喇~我都唔知佢講邊個，諗住係女仔~咁一定係我check ga la~咁咪行先lor~去到黃瓜愷竟然走去問人"你有冇染髮?"，有都唔認啦咁~ 搞到銘好大反應~不過我都信嗰個女仔冇染既~不過嗰個女仔話冇染嗰陣，黃瓜愷走嚟同我講，好似搞到係我捉咁~其實都唔關我事... 比人有啲無中生有既感覺...不過算了~大家都係prefect，邊個捉都一樣~

上上下堂坐我隔離嗰個走嚟問我黃瓜愷係咪我小隊隊長...仲話佢喺toilet踢門同講粗口... 早知就話同佢唔識好了 ~on duty嗰陣同黃瓜愷講返~話佢核突!做咗啲咁既嘢~仲要比prefect見到~自己又係小隊隊長喎! 後尾佢同嗰個prefect講對唔住~

放學同Alice喺canteen坐+傾計~一齊走~

返到lok fu去買嘢~排排下隊有個人喺我耳仔邊唔知講啲咩...嚇死我~ 以為係啲變態中年男人!原來係Eric~係咁迫我食佢啲曲奇~之後一齊行~

p.s.:head pre話遲啲可能有紅紙~尊記啲鬧prefect既人~終於有啲保障~

今日係畢業典禮，要返學校表演+拎獎。12:30返到學校。

之前彩排嗰陣阿sir要我哋攞髮夾夾住啲頭髮or jer頭...我兩樣都試過，但係最後選擇咗jer頭，平時我都冇jer開~唔識jer，於是叫咗媽咪幫我噴，見佢好似好pro咁~聽晒佢話啦~佢叫我合埋眼就合埋眼，叫我抬高頭就抬高頭，點知佢噴咗好多落我頭度...
搞到前面嗰啲頭髮好似人哋幾日冇洗頭咁一舊舊...仲噴到我塊臉又有...仲比佢鬧返轉頭，咩世界呀?
已經夠趕...點知咁搞一搞，要入toilet洗臉...出門又唔記得帶梳...撘車嗰陣愈睇嗰頭愈唔掂...決定整返開佢...但係今次嗰頭變得白色一粒粒...但係又唔係好覺眼~

喺學校係咁練歌。

畢業典禮就開始，話咗比阿sir知我嗰頭咁，佢叫我入toilet濕一濕洗走佢，點知仲硬咗...又一大條咁...(足足走入toilet唔知幾多次)不過定咗型呀~附合佢既要求~但係都要我夾... 話我唔夾就唔尊重大會...我年年都係咁喎...今年至咁講!?我中間分界，佢竟然要我兩邊都夾晒...奇怪都死.而家係我上台喎~顧下我形象好喎~唔理佢~好鬆咁夾咗一邊好了~拎完獎一落台即除隻夾，唔係好除到，仲跌咗落地下tim...仲好似比我踩咗一腳...算喇~

完咗同eric+angie喺canteen食嘢+傾計~ 睇咗佢哋去考察啲相~風景好靚~