琴晚校錯鬧鐘，比預期早咗1個鐘起身，極度眼瞓...
同alice+cherry去到港外線碼頭，發現原來南丫島係有2種船去到，一部去索罟灣，另一部係去榕樹灣，咁嗰陣9點幾，見索罟灣嗰邊10點有船就撘咗嗰邊，呢個就係惡夢既開始...
等船嗰陣都發現去索罟灣呢邊係冇咩人搭，得少少人，仲要係啲公公婆婆，而隔離榕樹灣嗰邊就好多人等，而且係一家大細咁，但係我哋依然喺索罟灣呢邊...仲要好開心咁tim~
搭船嗰陣都仲好開心ga~因為部船就好似海盜船一樣刺激，坐我哋前面仲有2個阿伯~ <---呢個阿伯就fing到嗰頭就甩咁，好好笑
由碼頭去到索罟灣只需30分鐘啫~
 <---南丫島索罟灣，發現原來之前嚟過~
 <---有好多魚排
索罟灣原來係得條海鮮街，好多食海鮮既地方，我哋諗住行返去榕樹灣嗰邊,
 <---就係睇咗呢幅地圖，但係錯ga!!!
我哋係行咗一條山路，應該係比人行山用既，嗰條路上完斜坡又落返斜坡，上完又落落完又上，行2行我哋又嗌一次咁，勁多昆蟲，辛苦咁行咗好耐，後面有個郵差，問下佢係咪咁行，先知原來行錯路，就係因為嗰幅咁既地圖，激死...跟住又行返轉頭，對腳就痛到死，因為
 <---我哋著住對咁既鞋行山...本來諗住去沙灘先著ga咋...方便除鞋...
幾經辛苦先行返去碼頭嗰邊，諗住買嘢飲，勁貴...alice都諗買，點知嗰老闆同我哋講，話前面有間士多會平啲，叫我哋去嗰度買，佢話想我哋省返啲錢喎!?咁誠實既...有錢都唔"贊"!?離島啲人果然唔同啲~嗰度啲嘢如果同長洲比既話，佢真係貴好多...買完水又行返去碼頭，經過條海鮮街，見到
 <---好大隻既龍蝦
 <---走甩咗既蟹
隻蟹喺條路度打橫行，明明有人經過，但係冇人理佢，所以以為特登放佢出嚟行，但係完來係冇人見到...後尾間酒樓既人聽到我哋講先發現隻蟹走咗...
 <---就係呢位叔叔表演捉蟹同"幫"蟹，勁!之後好誠實嗰個人走過就叫佢表演埋比蟹夾，哈哈~
11點幾就等船返中環，因為已經冇人想再留喺嗰度喇...中途又見到呢位叔叔過嚟拎海產
 <---拎海產情況
隻船上面有好多魚，但係佢哋只係拎咗桶龍蝦
 <---就係呢桶~有隻勁大隻
之後搭船返嚟，我哋真係去到唔知為咩...辛苦咗一輪，喺船邊我睇下張宣傳單張，上面寫住[...島上90%的地方尚未開發......島上人口約一萬人，主要分佈在南丫島北段的榕樹灣.......這兒是著名國際巨星周潤發的出生地......旅客沿家樂徑路前往索罟灣(約90分鐘)......途中更可暢遊著名的洪聖爺泳灘和蘆鬚城泳灘，南丫島段以索罟灣為中心，居住人口只有約300人......]睇完之後呆咗...好明顯我哋要去既應該係榕樹灣，但係我哋搭錯咗...仲等我哋諗住去海灘...至於我哋位於既索罟灣...好似alice咁講，嗰度300人都唔知有冇，來來去去只係見到20個到...
返到嚟呢個多人既港島真開心~之後去咗尖沙咀食lunch，食咗好耐同傾計，再行咗陣，返屋企，估唔到今日會咁早返到屋企，而今日就係咁過咗...... |
但係最近飲咖啡飲密咗...飲完返到學校都有啲胃痛...
無飲又好眼瞓...唉....
毛係咁比人窒，同埋原來佢好鍾情於大pat pat，原來佢一直都咁留意黃副校ga~
佢哋做咩唔著校服呀!?仲要一齊著黑色t-shirt...我哋行佢哋後面都比人望...嘩~我同alice幾咁無奈...
