今朝7點幾起身準備返學練笛，唔想起，好眼瞓...返到學校練咗成個鐘，吹唔到...我唔知係因為換咗新譜定我緊張定係吹咗成嗰鐘吹到冇氣定因為點...總之就吹唔到...星期一就係喇...下晝會同林智康早走，咁食完lunch嗰兩堂a-maths就上唔到喇...

練完好down咁返到嚟屋企，食完嘢好攰，瞓咗覺...過多幾個鐘又要換校服返學校拎成績表喇...覺得有啲無謂...真係唔想拎，唔想接受呢個現實...但係又唔知阿sir會講咩喎~最後都係返咗，今次同頭3名脫節咗...拎第5...應該既~自己又要懶...見既係朱sir，又再一次重複班名次唔重要，重要既係科名次，但係我始終放唔低嗰班名次，佢話我啲分夠平均~可以再做好啲~講咗一大堆嘢~我覺得佢似同我講多過同我家長講，仲有啲似教緊書咁~佢仲講咗句"有老師都問我彭xx升咗上中四keep唔keep到"，我第一個諗到既係"數學家"，佢哋咁friend...返到嚟葉傑打嚟問我，我話比佢知朱sir講嗰句嘢，佢第一個諗到既都係"數學家"。

啲老師成日都交換消息咁，好恐怖...

p.s.mr.wan今日伸咗隻手出嚟想同我媽咪握手，唔駛呀~但係我媽咪睇唔到佢伸咗隻手出嚟lor~我企喺則邊都覺得好好笑~

聽日又要咁早返學練笛...