今日第一堂就測chem，死傷無數咁...個個都唔識，琴日係咁勁咪chem，冇温過phy，落重注喺chem，點知落得如此下場...原來何耀文同我一樣，琴日係咁咪chem，冇理過phy，都係咁...handsome已經問咗佢自己幾多分，唔合格...至於phy，個人認為好簡單，不過好捉字"失"，通常喺呢啲咁簡單既嘢當中，我阿媽都會話:[淺水浸死人呀!]希望唔好因為咁而浸死我呀...

放學去聽學科精英計劃嗰簡介，入咗phy同eng，都好啦~不過chem同bio入唔到，仲要整呢個計劃嗰board，好趕呀...嗰圖都未畫...

同alice返lok fu食lunch，行過間新開既嘢，見到有2個人喺出邊等緊，我只係係咁咦望咗一望嗰2個人，原來其中一個係DJ"少爺占"，真係認唔出，之後幫alice同佢影咗張相，笑得勁假呀佢哋，嗰背景又好奇怪咁喎，喺馬路邊...好多人行過，佢唔高lor~都有啲核突，咁出名~竟然喺門口等外賣...

樓上啲人又發癲，整爛本書dum落街，跟住就吹咗啲入嚟我度...保佢大喇...