好耐冇打日記，都係"懶"既問題，最近都係啲衰人煩住晒，e.g.高b先生同犯眾憎同學。

前2日有件好瘀既事，我篇作文miss話作得好，所以印咗人人一張...最大問題係我作文一定會寫啲真既嘢，唔會作落去，當然寫嗰陣跟本唔會諗到話會搞到人人都睇我既文，點知唔單止一人一張，miss仲要讀出嚟，嘩~我嗰陣個頭真係有咁低doub咁doub低...入邊寫咗話上bio好開心，笑到我肚痛，點知啲人好大反應，我寫既係真ga，咁作嗰段時間上堂真係好開心，只不過最近有啲衰人搞到阿sir咁至大家都唔開心之ma!另外又寫咗放學有時會睇高年級既同學打籃球，啲人就"嘩"喇...我都唔知自己嗰陣白咩痴，寫啲咁既嘢上去，仲要寫到咁詳細，癲咗...之後比班入邊既fds笑到我臉都黃...特別葉傑(女仔)...真係想揾洞娟...

正話睇搶包山現場直播，影嗰啲地方之前同alice同cherry去過ga~睇到嗰陣嗰感覺好.....唔知點形容，真係好想親眼睇下搶包山，好想食嗰啲平安包或者買嗰啲平安包枕~仲有影相~

最近部電腦唔知做咩突然間息咗又開返，千祈唔好壞呀...陣間要洗機咁我啲寶貝就冇ga喇...