又好耐都冇打日記，部死人電腦發癲，自己閂完再開，但係呢2日又冇嘢喇...呢幾日部衰7B成日遲嚟，又要開得慢，又堵堵地車，次次都要我趕一餐，勁憎嗰司機，真係想炸爆佢!呢幾日好煩...

今日有3堂都自修，上bio嗰犯眾憎同學又叫阿sir拎"縱"援，真係好憎佢，又唔知自己多口，今日又比班入面啲人圍攻，好心佢就唔好鬼出聲啦!佢同佢gf一樣咁煩，成日喺班入邊做埋晒啲咁核突既嘢，3日唔埋2日就嘈一次交，嘈完又扔書，踢枱，嗌交咪嗌交lor，又唔係叫你做show，煩到嘔!咁唔開心，分手lor!成日撩事鬥非!

今日小息同金龍講開笑，拍咗佢一下，點知原來黃瓜愷喺我後面，跟住唔小心拍到佢呱，佢話我拍到佢啲重要部位，跟住係咁話我非禮佢...但係我唔係好feel到有咩異常既感覺喎...總之要非禮都唔係非禮佢啦~

聽日唔駛上最尾嗰2堂~去參觀，不過完咗要返學校補a-maths...仲要去幫mr.wan買嘢...冇咩心情做啲咁既嘢...不過都要做...