26-6-2006:第一日派卷，派中英數啲卷，有啲失望，不過算啦~都考咗喇，唔開心嚟都冇咩用，不過有啲ok有信心嗰啲出嚟既就唔係諗咁樣，好似中文作文咁，我都ok有信心下，不過出到嚟就唔係諗咁，miss話我篇嘢有爭議性...果然作文呢樣嘢係好主觀...

放學睇4A同6S打波，都冇話支持邊邊既~見到4A入咗就YEAH，見到6S差啲入到就唉吔咁啦~估唔到下半埸4A竟然可以領先，跟住我就開始企喺6S嗰邊喇，如果佢哋輸咗都好怪下，不過6S都以1分WIN咗我嗰班~

返到屋企好攰，瞓咗陣覺~

27-6-2006:第2日派卷，一開始就哌A.MATHS先，嘩...好驚，都及格~唔駛RETAKE先~不過都好應該注重下呢科~之後就係BIO、PHY、CHEM，BIO真係好痲痲，PHY係最有信心既一科，點知都好痲痲，CHEM就出奇奇地開心~MR.WAN叫咗我同金龍哌卷，我嗰份足足係成大半班，所以我都睇咗大半班既分，覺得自己好衰TIM...咁樣睇人啲分，真係全班都唔知有冇10個合格...好得人驚...而我啲CHEM又唔係真係咁得，都有心理準備，點知我合格呀~哈哈~好開心~之後見到ERIC，同佢講返啲分，點知佢話我CHEM合格都唔應該咁開心，A.MATHS合格就應該開心，感覺一盤冷水潑埋嚟...不過佢又講得正確既~事實上我啲成績係差咗好多既~真係要諗諗佢~

放學開CHOIR嗰會，嘩...開咗成個幾鐘呀...悶死..又熱喎，都唔知點解啲嘢可以講極都講唔完既...最後都係返嚟做埋份財政，突然間至醒返起我好似應承咗MISS上個星期三拎呢份嘢返屋企做，不過我冇咗回事...之後落咗去一陣間就見6S補完課，啲人都準備開波LU~係6S對唔知咩(唔記得LU~)，唉吔..死喇...最後幾比幾已經唔記得咗...之後6S對師生，睇到我勁激動，我都唔知點解我咁咁激動...BIO SIR好勁~6S輸咗好多呀~之後朱SIR話唔打，要轉人入去，我見6S輸咁多就係咁聳"踴"MJ入去，因為我知佢唔掂，唉...我真係好衰呀...竟然咁樣都有...點知MJ入到去竟然仲入咗2球...唉...勁後悔，跟住我就好激動咁係咁話MJ...死喇...我應該係好大聲下...唉...好瘀...聽CHERRY講，我仲好似搞到MJ好唔好意思咁...唉...喺咁多人面前發咗癲...

返到嚟又好攰，一諗起正話睇波嗰陣自己做嗰啲白痴嘢真係想死...