呵呵~今日開學喇~雖然冇開學既感覺，但係都扮有啦~

琴晚諗住11點到瞓覺，點知都搞到12點先上床瞓...不過都早咗ga喇~今朝一定要搭到搭2班車，所以校咗6點起身，可以汁整齊啲返學，點知嗰鬧鐘響完我又瞓返，好彩今日媽咪放假，比佢鬧醒咗~

果然不出我所料，今日搭車果然多人，好彩早上車，有位坐，如果唔係好難想像拎住卷壁報紙同人迫會係點...已經早咗一班車，返到嚟搭10呀.....

今日又係如往年咁上hall聽一大輪嘢，真係考我哋既忍耐力......坐到我背脊濕晒...

今日巡7s，真係咁出奇咩!?小息嗰陣Eric竟然走嚟問我"你點解巡7S既?你唔係留返喺6S既咩?"咁人係進步既~你哋升一級，咁我都好應該升返級既啫~哈哈~況且我哋SP係守form6同form7既~

放學同alice,陳遠A,銘去金太郎食拉麵，熱死...跟住陪陳遠A買嘢~