天氣:橫風棋雨

好好好耐都冇打日記，是關...好唔得閒。今日係開學咁耐，算係放學返到嚟比較得閒既一日~

今日有2科測驗+2科dictation，首先係eng dict,嗯~ok~;中文dict,嗯都過得去~唔駛抄5次~呢樣我諗冇一個同學有認真温過ga 喇~;bio quiz,ok~有信心~;chem quiz,死人...

今朝係比啲雨聲嘈醒，啲雨比啲風吹到打落嚟嗰窗度，呯呯嘭嘭咁，諗住唔駛返學，開電視睇，竟然係1號風球咋!啲雨落到倒水咁都無黃色暴雨警告!琴日晏晝無風無雨嗰陣又係咁，今朝棋風橫雨又係咁!都唔知用咩準則嚟評ga!今朝返學狼狽到呀~去到邊都堵車，搭搭2班車，8點差唔多15分至到...

一堂一路都好大風，上maths上上下突然間啲燈熄晒又開返...今朝天氣報告明明話唔會發3號風球，點知上上下堂就有人話已經係3號+唔係黑雨定紅雨，又唔早啲發...

小息落咗canteen食嘢，好肚餓...又冇拎水返學...食食下魚蛋突然覺得條脷"啦啦"地，拎塊鏡出嚟一睇，原來條脷唔知點解流血...但係我冇咬親自己喎...一切都好正常喎...

放學同金龍喺canteen寫封伸請信，都幾難寫...其實校長都會批ga啦，而家要班房做自修啫~

聽日天氣如果係咁既話唔做board喇~