((((第二十二集))))
呀希：你醒喇？
經過左七個鍾，小芝終於醒喇。
小芝：個ｂｂ點呀？
呀希：個ｂｂ好健康。
小芝：我可唔可以睇下個ｂｂ呀？
小芝好想睇下個ｂｂ。
呀希：但你而家咁虛弱，休息下自喇。
小芝ｏ岩ｏ岩生完，根本就行唔到。
小芝：你抱我去呀，好冇呀？
小芝ｏ既眼神兮誠懇。
呀希：嗯。
呀希唯有抱起小芝走出病房，黎到育嬰室，佢地只可以隔住落地玻璃窗睇個ｂｂ。
小芝：邊個係我地個ｂｂ呀？
育嬰室裡面有好多ｂｂ。
呀希：三號床ｏ個個就係我地ｏ既ｂｂ。
小芝：個ｂｂ好細……
初生o既ｂｂ，好細個，訓得好甜。
呀希：係，真係好細。
屬於自己o既ｂｂ，佢一定要將佢養大，三個人一齊生活……….
一年後──────
ｂｂ：哇∼∼∼嗚∼∼嗚∼∼！！
下咒五點幾，呀希一返到黎就聽到ｂｂｏ既喊聲。
呀希：做咩喊得咁悽涼呀？
呀希行入大廳就見到Eｖａ抱住喊到拆天ｏ既ｂｂ。
呀希：小芝呢？
Eｖａ：我買完送之後返到黎都冇見過小姐喇。
呀希個心跳留左一拍，小芝從來唔會出街都唔講聲比自己聽，呀希下意識
跑上房，佢打開衣櫃，果然，小芝ｄ衫唔見左半！
小芝ｏ既野有好多都唔見左，床上面留低左一封信。
呀希──
係離開你之後ｏ既兩個月，我發現有左ｂｂ。
雖然我黎個下賤ｏ既女人唔配得到你ｏ既愛，但我可以擁有你ｏ既ｂｂ，我覺得好幸運。
但個天唔容許我咁做，就算我唔去穩你，唔講比你知，偏偏一個意外令你知道左。
我唔想比返個ｂｂ你，我想一直都同個ｂｂ係埋一齊，將所有ｏ既記憶交比黎個ｂｂ。
但係你講得ｏ岩，我養唔起黎個ｂｂ，ｂｂ跟住我只會受苦。
我唯有放棄我ｏ既自私，我將ｂｂ交比你，希望佢會係世界上最幸福ｏ既ｂｂ。
我都知道黎一年，你對我ｏ既好都只係為左個ｂｂ，但係我冇辦法控制自己感情！
我好愛你！你知唔知？一個係你眼中只係一個下賤ｏ既女人好愛你………
呀希：點解你會咁蠢！
呀希好激氣！如果佢只係要個ｂｂ，大把女人排住隊幫佢生！唔通佢做做左咁多野佢都唔
明白，感受唔到自己對佢ｏ時愛意咩？
竟然開口埋開都話佢只係為左個ｂｂ！呀希發誓！佢唔會就咁放過黎個女人！
穩到黎個蠢女人之後唔鬧到佢狗血淋頭就唔姓張！

待續…

 ((((第二十一集))))
時間飛逝，小芝個肚一日比一日大，離預產期只有兩日。
小芝：唔……呀……..呀希…..我…….好痛呀….！
凌晨兩點，小芝個肚傳黎一陣陣痛楚，小芝伸手推醒呀希。
呀希：小芝？做咩事呀！？
呀希伸手開著台燈。
呀希：做咩一身大汗呀？！
小芝個樣好辛苦，成身都係汗。
小芝：我……個肚…….好痛呀………
呀希扯開張被。
呀希：小芝你穿左羊水呀！？係咪生得喇！？
呀希急到好似游緊水o既螞蟻咁。
小芝：送……我去醫………院呀….
呀希抱起小芝跑出去。
小芝：呀希….唔好…..跑呀！你整到……我好痛呀！
個肚已經好痛！再加埋呀希跑o既振盪力令小芝痛上加痛。
呀希：小芝你忍多陣！好快就到嫁喇！
呀希減輕腳步，走去車房。
呀希：小芝坐穩呀！
呀希不斷加快車速，唔使一陣就到左醫院…………..
護士：先生！你唔入得去嫁！
好快小芝就比人推左去產房。
呀希成個人都好焦急，行又唔係企又唔係，一個人係產房出面等。
產房────
小芝：呀！！！好痛呀！！！
一陣陣ｏ既劇痛令小芝好難受。
醫生：冷靜ｄ，深呼吸。
小芝：呀！！
醫生：跟住我做！吸氣！呼氣！
無限ｏ既痛楚不斷侵略小芝。
醫生：下陰開始擴大喇！再冷靜ｄ跟住我做喇！用大！
小芝：呀！嗚！！！
醫生：放鬆！
小芝吃力咁照住醫醫生ｏ既指示做。
醫生：見到頭喇！出力！！
小芝：呀！！！！！！
ｂｂ：哇嗚！！！！哇嗚！！！
經過左兩個幾鍾ｏ既努力，ｂｂ終於出世喇。
小芝：生…生左喇……
疲勞過度ｏ既小芝，因為身體不支而暈左。
黎個時候，呀希係出面等到就黎癲。
醫生一出黎，呀希就一支箭咁標過去。
呀希：佢點呀！？
呀希好擔小芝會出事。
醫生：恭喜曬呀先生，方小姐順利生左個男仔。
呀希：生…..生左……
做爸爸喇！自己做左人爸爸喇！！！
過度ｏ既緊張一下子放鬆令呀希唔洗一秒，眼前一黑，成個人向後一訓…………
醫生眼明手快將呀希接住，因為佢年中都見唔少一聽到自己老婆生
左就即刻暈低左ｏ既爸爸。
醫生：姑娘！攪掂埋黎個呀唔該！

待續…