香港係一個工作都市,好多人都忙,忙,忙.....
            但係都市人偏偏忽略學生既辛勞。冇可否認,都市人的確需要較多的體力勞動,但學生要做既事都唔係簡單,既要能文,亦要能武。體育堂都是要跑,跑,跑,唔通呢d係容易,輕鬆既事黎咩?跑完1個鐘之後,又要立即返上課室,再次投入返上堂學野。都市人睇得青春歲月呢類既野太多?咩幾個學生係操場嘻嘻哈哈跑黎跑去?我只能夠講,呢d事都未發生過係我身上。放學?唔立即返屋企做功課,睇怕要捱通霄慢慢去做。
            而且,學業既競爭比工作上大得多。工作既競爭,如果未夠對手"出位",都只係小左一個賺錢既機會,升職既機會 ; 但係學業呢?成績唔好?唔係小左一個賺錢,升職既機會 ! 而係注定你要拎最低工資過人生。再講呀,科目就有大把,要向多方面發展 ; 工作只係專注一樣,唔需要多方面發展,其他部份自然有其他部門處理。
           係學校,已經要受到學校既管制 ; 返到屋企又要受到屋企既管制。都市人被受管制既,實際得上司一個。我地受既氣,一定會小過都市人 ?都市人一般工作都係朝九晚五,即係做8個鐘 ; 學生呢?由7點到3點半,都係8個鐘呀!點解都市人總係覺得做學生可以舒舒服服 ?
           都市人都只係不假思索咁話 : "我地做野幾忙呀 ! 學生就輕輕鬆鬆。",其實有時我地可能仲忙過d都市人,佢地又知唔知 ? 都市人有時仲發洩係我地身上,咁我地呢 ? 可以向邊個發洩 ?