原來我真的很愛妳............

很想放過自己,放下妳

但是....

無論我嘗試多少次也是一樣

甚至嘗試到令妳反感

認為我花心

也認定了我是壞人

亦認定我是愛情上的騙子

也令我周邊的朋友確定了我不甘寂寞

但是,我卻仍找不到一個人取代妳

很心疼..........

甚至是因為妳,

令我這一個見慣大場面,

在面對千幾人的舞台上仍從容不定,口若懸河的我舌頭打結

即使是事先擬好了稿,排演十多次

陣腳仍是這麼亂

其實牙.........

為什麼我總不能放過自已

對自己好一些?

自身上,我不想再愛下去

但事實上,我仍是這麼愛妳

甚至愚蠢得相信妳有一天會感動

妳說過的話,我總是記在腦海中

每次想起妳對我的冷漠

那些話總會一一浮現

「幸福要自己爭取」

對的,而下場是令妳討厭我,覺得我煩

「愛一個人未必要擁有」(也許沒這麼說,但日記是打著「愛一個人是不是要佔有?」)

但是...........我不能擁有妳就等於輸掉所有事

而又祝我找到真愛

對的,我確實找到了

但是,她的真愛卻不是我

也許妳不知道,被自己所愛的人祝福找到真愛是多麼的心痛,難受

但是,仍謝謝妳...............

至少,妳仍會記得我愛妳

一百年前,妳不是妳,我不是我

一百年後,妳仍是妳,我仍是我

我明白,但是,卻真的放不下.............

現在

就自己是想怎樣也不清楚

想和妳一生?

只想和妳一起?

只做朋友?

還是怎樣,我都不知道了

哇哈哈

冇錯

上個星期六就係小弟o既18歲生日

總括一句

好難忘

哈

唔睇落去你地都係唔會明的了

等我介紹一下啦

其實就係咁o既........

咁o個日約好左d親朋戚友入長州2日1夜

親戚有牙婆,two姨媽,大舅父,蘭姨,我媽,我爸,7姨,7姨丈,8姨,8姨丈,振華表哥,表嫂,+豪,牙沅,牙bee同埋牙如

朋友有,姚妍,牙樞,牙yo,anna,肥霖同牙儀

之但係.....我地間屋o係山頂......

走上走落好累><

簡直身水身汗

不過勁開心

因為真係好耐冇試過同「失散」左o既朋友仔一齊玩喇

仲要係咁齊人

08-09年真係變左好多

聖誕冇一齊,甚至連倒數都分開左玩

更遑論北角碼頭同耀東o既日子了~

所以真係好好好好好開心牙!

而且都收到好多朋友o既祝賀

呵呵

就連我認為最冇可能o既人都現左身

唔理佢係有心定冇心啦....

總之就真係開心啦!

嗯....

對的

我已經18歲了

人身上,我已經生存左18年

精神上,應該要有一個成熟的心智

法律上,我已經係一個成人

冇錯......亦即係話我可以做任何合法o既事

但係.....o係呢樣野背後卻提醒我

我要為自己做o既野負責

因為我唔係細路

諗野應該要成熟穩重

係

我係有好多野都做得

好似入馬會賭

買in,買酒,投票等

但係亦都要承擔相對o既結果

而一個成人亦都唔會再有人對你o既錯誤行為做包庇

錯左就要負返責任

如果揹唔起就唔好做

而現在每做一樣野都要三思

每講一句野都要深究

因為唔會再有人同你講「由佢啦,細路仔唔識野姐」

雖然,我有百般不願意做成人

但係,事實始終係事實

既然黎到呢個階段

我就只好強迫自己成熟

我知我知

好多人會覺得我識好多野

好識交際

睇野好透

但係比起上黎

o係成人o既世界卻係微不足道

記得心理學上成人都有分幾種

而我牙....就係一個「新手成人」

o係我將來可能會有好多轉變,就好似

讀另一樣野

轉過幾份工

有很多戀情

識更多朋友

但係....

我仍然會記住我18歲o個一日

所讀緊o既學校

中2緊o既人

同我講生日快樂o既朋友/同學

同我一齊入長州o既好友

呢d野始終都係唔會變

而亦都會成為我o既歷史

我亦都會好自豪咁同人講起呢d野

因為,呢個生日真係叫此生無憾!

望返自己

雖然自己仲係咁細粒(!)

但係心理上,原來已經有d微妙o既變化

或者,開始對世界o既野有左另一種睇法

以前o既觀念終於徹徹底底咁改變

有好有唔好

但係,即使冇可能,我都要成為一個趨向完美o既人!

今日牙儀約左我

不過佢都叫叻的了

由早上同佢食左個早餐

之後佢等到我食lunch

買定戲飛之後又等到我放

今日化學仲要遲左成個中

有d唔好意思

之後姚妍黎左,就三個人一齊打機了

今日又係心理學o既小測

hehe

做得幾ok

至少都有18分牙(26滿分)

的而且確

o係我生命有左d好得意o既變化

唔知之前有冇講過

原來我成日覺得自己唔會變成o個樣野時

我就一定會變成咁=.=

um....

之前見到人讀書讀到痴線

本來我都覺得自己係唔會咁o既...

但係o係呢幾個星期,

一切都唔係喇

我居然差唔多做左o個d人

第一次為左一個小測緊張到嘔(真係嘔左出黎=.=)

話就係話化學小測我比較睇重..

但係估唔到我居然成個星期一得閒就溫.........

唔同以前o個d「天才式小測」

而家真係溫小陣都pk

又好似今日呢個心理學小測咁丫...

琴日由11:00開始溫

但係其實好明顯我自己係病左......

我計過喇

一個中內打左四十六次哈痴

死未....

都已經係打到眼都腫

但眼見social psy仲有成3個theory未讀

點都博儘去....

最後2點幾真係頂唔順就訓左了

然後好早就起左身

為o既居然唔係去打機

係返去繼續溫!

當然啦...

呢d情況亦都發生o係我地o既同學仔身上

除左2個人之外

個個人o係牙sir未黎o個時居然好乖咁溫書!

平時唔係捉棋就係捉棋加ma~

真係估唔到...

雖然可能係一件好事...

但係我又諗

中七都未到...

大家就已經咁喇

如果中七到左...

咁到時可能就唔係嘔咁簡單了

um...舉個例(改至一個笑話)

中4的我:「咩話.....陣間測xx!?」

中5的我:「下.....頭先測o既係xx?」

但係而家呢,「下下下,月尾就測xx?」

唔知大家明唔明我想講咩呢?

um....

總之呢

希望大家博還博

注重身體牙!

哈哈

唔知係唔係經過送蔥事件

化學sir愈來愈中2同我玩了~

hehe

之後約左傑特哥出黎

哈哈

為左赴傑特哥o既約

我居然落重本jel頭

wa....對上o個之落咁重手都已經係幾個月前o既事了

估唔到傑特哥咁有魅力

平時去街都係是是但但new一坨泥

然後就是但抓的了

但係今日居然咁有心機

用完泥,再用臘(因為冇哂噴髮膠)

哈哈

比足面佢啦~