今年最慶幸的係竟然「冷門」跑出，居然可以有份升高三，真係萬分意外，原本諗住以為今次實留班都有份，當我去完上海返嚟之後再返學校攞成績表，竟然嚇咗我一跳，真係好開心，今年更加係係浸信4年入面最開心而且最具挑戰性的一年，因為雖然可以同一班我最好的朋友讀埋同一班，但係今年即將會迎嚟最歷史性的一年，因為我而家係呢度向全世界正式宣佈：「我今年正式全面復出啦!」，我嚟緊將會積極參與多項活動、比賽，希望今年可以係繼初三之後最發光發亮的一年，我決定今年一定要比心機讀書，好似當年初三一樣，成為全班叻人入面的其中一個，而且今年的成就比初三個時更大，一定會盡自己所能成為高三文組入面其中一個優秀人士，希望可以創造四年嚟最輝煌的「成就」，可以完美咁離開浸信，每個人都會見到我的成就，今年一定要加油、努力，希望可以做到一個違紀印都無記到，更希望今年攞獎攞到手軟，總之今年一定要去去去，去到盡。今年可以同好朋友一班，真係開心到爆呀!

唔經唔覺，距離十九週年仲有4日咋，真係好興奮呀，Yea!