今日晏晝我同呀媽同呀妹一齊去九州水會度玩，超正，首先去咗地下商場的九州花月拉麵度食嘢，個度的嘢麻麻地，唔係好好食，個間嘢同九州水會係無關係的，然後搭巴士去咗九州水會度玩，佢而家做緊特價，原本要88蚊人仔，而家只係要70蚊咋，真係平呀，去到今個月31號就截止啦，入到去的時後已經係下晝3點幾啦，入面有好多嘢玩，有水療、桑拿、自助餐(只限一餐免費)、健身室、康樂室、休息室(有免費生果同飲品一份)、網吧(免費1個鐘)、書閣、麻雀房、K房(呢兩樣要另計的)、睡房，按摩另外俾錢，餐自助餐D嘢食唔多，又係麻麻地，跟住之後就去水療度浸水，突炙間聽到「砰」一聲爆炸，原來係個個魚療池出咗事，唔知點解突然間爆炸，嚇到我哋驚餐飽，好彩我哋無行埋去個邊，如果唔係可能我而家係醫院添呀，有個呀姨唔好彩受咗傷，跟住即係封咗個魚療池，唔知幾時開，不過大家放心，呢個池係要收錢的，要19蚊人仔1次，所以大家可以唔駛幫襯的，我哋嚇到之後跟住即係換衫上去休息室，到第2朝9點幾就走啦，佢呢度係按24小時計的，過咗時就要再俾錢的，仲有只有一餐自助餐係免費的，其他的就自己再俾錢，跟住返到關口附近去益健飲茶，食咗百幾蚊人仔，跟住就返屋企囉，個九州水會係有免費車車你去的，你係蓮花萬景城個個天上人間度上車就得的啦，不過開車時間係下晝2點到凌晨12點半，巴士方面你可以係地下商場的巴士站搭9號車到君怡花園個個站落車行過對面就係的啦，今次真係玩得超開心呀，我諗住下個禮拜3就去泉眼溫泉啦，我覺得仲好玩過九州水會呀，因為多嘢玩、地方又大，超好呀!