今日返學返8點半, 勁早@@, 但係又唔可以遲喎, 因為bessie既lab, 晨早起身真係好辛苦.....
勁趕咁趕返學校, 剛剛好8點半返到, 一入到去bessie就點到我喇, 好彩!! 多得你幫我攞lab coat呢^3^
放左lab之後去左長沙灣交loan d form, 點知有野未整, 又要再去多次.....
搞呢d好快搞好, 尚有時間, 我就同黃生o係西九龍中心行下啦, 真係冇咩好行呢, 連個美國都冇咩野玩
行行下見有雪糕, 咁就去左買啦, 14蚊2個球都抵架啦, 佢仲要一個球足足有成9~10cm diameter喎!
又好味又飽呢~買埋朱古力就返返學校上biochem, 入到去見到bessie睇vivian上堂喎! 死死死! 我地仲要咁遲先上堂

vivian d堂都有d改善gee, 但係革命尚未成功囉, 本來一樣已經識ge野, 比佢解釋完比之前更唔明, 離革命成功好遠呀, 下年見唔到你架喇
上埋mircobio就落堂lu, 果陣5點半, 但係又係冇返屋企, 因為約左人踩冰, 某人牛一嘛, n耐冇見好多朋友lu
本來約去又一城, 去到又一城果陣佢地打黎話去西九龍....咁就再搭去西九龍啦, o係深水堡落左車, 行左去西九龍等左陣, 佢地打黎又話去返又一城....冇病下??玩咩! 返去又一城, 先7點, 佢地o係KFC食Dinner, 我又食左tea, 唔empty, 咁就自己行下先啦, 8點先去搵佢地, 見到佢地果陣, 個個都變左好多呢, 主要係外表啦, hei都冇咩點變ge, 子毅個頭就勁好笑~得意呀你~頌音果d都係差唔多啦, 終於比到份手信比我呢~! 士多啤梨茶~! 多謝^3^!

之後就去左踩冰啦, 好耐冇黎過....好懷念呢....
一開始大家都未慣, 踩一陣先remind番點踩, 今日都唔算好多人, 閒日嘛....
咁踩左一陣, 我地就o係冰場上面影相, d工作人員叫我地唔好影, 咁我地就冇影啦
hei suggest玩hide and seek, good idea呢, 好多人都覺得我地都好細路仔, 捉迷藏, 仲細咩咁....
但係點解要扮大人啫? 大人一d都唔好玩, 我寧願做細路, 比人話係思想白痴...低能...我冇所謂
人地鐘意點諗就點諗, we have our own minds, don't need any shit to interrupt, 有時做下細路有咩唔好?
唔好成日淨係識得話人低能白痴, 我地有腦架, 洗你理? 話人白痴, 好開心咩? 比個叻你好冇?

玩hide and seek真係好好玩呢, 個個都玩到出晒汗, 踩完又係勁影相, 我地真係好耐冇見,
大家都預左大家之後都會好難先見到, 各人各忙嘛.....其實呢d只係藉口.....HE....
突然記起有人講既說話, 朋友分好多種, 親密既朋友, 玩既朋友, 傾計既朋友....我地叫係邊種? 我都唔知道....
d關係太怪喇....

踩完冰, 同頌音2個上左hei city個hall, 比我想像唔同, 但係真係好自由, 想去邊去幾夜都得,
鐘意叫晒成班friend黎玩又得, 好正
上左去冇耐就走, hei送到我地去地鐵站就走左, 生日快樂呢
上車同頌音傾左好多野, 我唔係唔開心, 老實講, 我今日玩得幾開心, 只係有感而發啫.....


溜冰場上~冇頌音呢....

難得三人照