今日都係要返工架~都連續返左成個禮拜lu~~
依家對做班戟都未好熟, 但係都比一開始好左好多喇~~
識左好多做班戟既野, 例如點樣落醬, 放生果, 準備吉士, 沙律等等~~
好想快d學晒全部野呀!! 咁我就唔洗做新人....我唔鐘意比人覺得我唔做得野....
我好勝嘛~~

今日返工返11點半, 老闆又遲到! 遲左2個字!
返入鋪見到好多小強呀.....嚇到我呆左唔敢郁..... > <
好彩有dada咋 -3- 
搞好晒開鋪d準備之後就換衫喇, 不過下午好多時都好清閒
因為d人要返工嘛~

之後dada叫我幫佢寫鋪頭就黎冇既材料, 芒果醬呀果d....
dada一路講, 我一路寫, 佢講到草莓果陣, 我記起個日文係點寫
咪貪玩咁寫埋ichigo上去law~之後老闆問我識日文架咩咁
我話唔識架, 少少架咋咁, 之後佢就教左我幾句~~
好好玩呀~第1次同日本人用日文傾計咋~~hehhee~~

4點幾老闆娘同佢個仔返左黎, 琴日都見過佢個仔架喇
我諗佢o係日本既高中, 應該有唔少fans架喇
佢同老闆一樣, ok型架
講起老闆, 我地老闆真係幾似周潤發架~~
老闆娘返左黎之後, 佢個仔同老闆就走lu
今日成日都冇咩整過班戟 \ . /
企o係counter.....悶死人.....
我想整野食多d....


估唔到今日有人放左工眼多多黎鋪頭外面行左2次....哼!!
好玩嗎~~??