約左表妹同表弟去唱k
點知表弟起唔到身....所以最後2個人去唱啦
唱左好多好想唱既歌呀~
大哥真係好好聽呀~

唱左2個鐘多D, 之後又係去左行街~~
我發覺我次次去行街, 一定會去行書店....
今日都去左幾間呀~!
先去左三聯睇書, 都睇左ok耐, 擺明係混吉~
之後就去搵我想搵既野喇
不過都係搵唔到, 搵左旺角同元朗都冇>  <
搵唔到野, 去左另一間書店睇書
我睇左冇耐, 就買左本日文書呢~

睇完呢間, 又去左第二間書店
不過今次呢間d書全部都係簡體書
d書好平呀!!
表妹好飲恨, 因為佢之前買果本繁體日文書成100蚊
簡體只係25蚊.....
最後佢又再買多2本日文書~~
都好呀~佢睇完比我睇~~hehhee~

then, 我地轉左個靚彎去左levi's store~
見到701, 702都sale緊, 四百幾好平呀!!
不過我都係冇買701, 買左女裝729, 因為覺得729 good fit d~
表妹就買左件衫, 二百幾蚊

買完就去左表妹屋企hea左陣, 佢問我意粉d白汁點整
傾下傾下, 就傾到今日我下廚喇~
馬上落街諗住去百佳廣場買材料啦, 因為佢樓下冇幾遠有架專車搭去百佳廣場喎...
但係果架車係要穿過普通百佳先去到個車站.....
我地經過果陣都覺得好好笑...明明有間百佳唔去, 要搭車去另一間....
都唔知去邊間百佳好....我地又想去大間d百佳買野
但係又好似好搞笑咁....hahhaa~ (不過最後係2間都冇去架=.=)

去左yamasaki買bread之後, 買埋d材料就返左去整意粉喇~
佢地話好味呀~呵~~洗咩講~~!
食完冇耐, 本來諗住玩陣ps2先返屋企
不過, 最後都係一食完就返屋企lu