今日冇返vivian果堂biochem, 同黃生一齊走左堂去左我屋企玩, 上次佢黎果陣租左隻house of wax睇
d shot好令人不安呢.....睇到去剪手指果到已經唔想再睇落去......>;<
今次係話一齊溫書gee, 不過最後都係冇溫.....=.=
去左屯門行街, 去之前去左買飛睇電車男先, 唔係好多間有上呢套戲, 屯門有間有, 所以去果度睇~~
初未去到見到個招牌好似好up dup咁, 但係入到去又另一回事喎, 可能係裝修過啦．_．
買完飛就去市中心行街, 其實都冇咩好行架, 咪去下broadway果d搵下有冇VS7囉
好多間都係冇....不過就比我地知道左月尾番貨~都算係一個good news掛~? 起碼比你知道幾時有先啦~>.9
之前就去睇波鞋, 我都話白綠色果對靚架啦~不過好似得天水圍有, 唔知旺角有冇呢~?

行到咁上下, 係時候去食野喇, 入左去spaghetti house度食dinner, 第1次黎呢間野
仲以為d意粉會幾好味啦, 但係我覺得好臭law /.\ ...下次唔好去食, 去pizza hut好過~
食完, 死喇....仲有一個字開場!! ooo.ooo!! 飛的去戲院!!!好快呢~但係個司機好唔掂囉, 唔知邊度又唔應人....

入到去都係剛開始啫, 比想像中多人睇喎又~
一開始覺得個男主角個樣真係好唔掂, 但係佢整左個look之後, 發瘟囉....型左n多呀 @@
真係人靠衣裝, 同一個人唔同look可以咁大轉變~
套戲雖然有d shot誇左少少, 但係都唔錯呢~有d笑立ga, 男主角震住咀女主角果個shot幾得意, 哈~

返到屋企搞好d野, 2點幾喇....成日都咁夜返呢.....
死啦....冇溫過書呀 ~>  <~
唔得!!! 聽日一定要溫呀!!!

P.S.
上網見到Rex個diary加左我入list, 突然覺得佢好可愛呢))))))))>o<((((((((
通常d人聽完就算, 唔會專登上番去加番入list, 估唔到你會放o係心呀~好開心tim~
你地可能會問, "咁小事就開心?" 係呀~我好易開心架咋~~hehhee~