編左今日唔返工, 琴晚約左霜奇去唱k~
10點幾出到去元朗, neway已經冇晒k lunch.....
所以就去左green box, 又唱左好多新歌呢~
不過冇我想唱既黑白照.....

到左1點3就cut左 >  <...
咁我地梗係去行下啦~先去左千色店行下~
千色店有3間鋪頭, 入面都係賣大麻logo既飾品
幾乎冇咩分別.....
最後o係其中一間買左一條鏈~~佢話可以刻名~~
不過我都唔知刻咩字好....又怕刻左好刻突....所以都係冇刻
除左買鏈, 我仲釘左2個耳孔, 一個係o係耳骨~
釘完又去左第2度行街喇~
行行下見餓就入左吉野家食牛飯~我真係好鐘意食呢~
食完就上左佢屋企, 入到去竟然見到我媽o係打麻雀....

咁我就去左釗間房玩啦, 玩到咁上下就出左旺角
因為今日約左ivan哥去wild day out~~
去之前, 又去左味千食野, 食完就行去旺角果間IT pub喇~
入到去, 覺得個場都幾大, 幾靚架~
一入去, d staffs就第左2支生力比我, 因為張入場劵包2杯飲品嘛
咁阿張生又未黎....咁我咪挑機玩十五二十囉....
真係好唔掂囉d人~所以d人要勁飲呢~~仲要係飲生力清啤~hehhee~
見到d人愈黎愈多, 就行番近個台d等張生黎la
等到10半多d, 張生終於黎喇!! d人勁尖叫囉!!
好多人呀~~

張生都唱左好多concert冇唱既歌呀, 不過始終冇想太多...
唱左媽抖model, 讓我打你一拳, 分手吧, 沒路用的人, 狗男女....
一路唱, 旁邊2個女仔勁尖叫....好勁...
有part係有個staff話答中問題送mp3, 果個女仔勁叫佢收皮...快d唱歌啦...回水.....
勁嘈!! 咁你係咁艾都冇用架啦! 咁係規定左係咁架嘛...!!

張生唱左1個鐘就走左喇 !!
真係冇諗過咁快會走!! 之後我同ivan就走啦
去左石磨坊食甜品~次次我都話下次食芝麻糊
但係次次都冇食到....下次一定要食呀!!!!

食到咁上下, 就走左lu~
d小巴真係好快!! 1點5上車....1點10就番到天水圍.....
超快law~~但係d班次好少!!