今日係大佬生日呢~生日快樂~~
之前佢約話琴晚(2/9)夜晚去唱k喎, 咁所以我話同老闆娘講話琴晚想放假咁啦
好難得有個假期呢~但係呢個假期都係約晒人, 都係要出街, 都係要搭西鐵
但係今日就唔係出旺角, 係去尖咀~約左曾健& friends 9:30去尖東果間neway嘛
咁之前就諗住去剪個頭先, 之後去大新gee, 約左ivan1:30, 但係我1點仲係屋企law....
因為出去之前我整緊三文治比佢食...份三文治係生菜+芝士+牛油+蛋+沙律醬..
我用左個袋入住, 佢都唔知我整野佢食gee

之後我遲到, 咁佢幫我去大新入數啦, 我出到去之後, 照我地原訂計劃, 去唱k!!
2個人由2點9唱到7點半, 勁唔勁呢~? 不過多數都係我唱...
條友叫佢點下歌, 點知佢都係點d女仔歌, 你想我唱咪出聲law~
唱完之後, 就去左cut hair啦, 今次冇去去開果間, 去左一間未去過既
個stylist問我想點剪, 我咪話佢知話要狂碎~不過其實我係想碎d架啫~
所以我講話要狂碎果陣, 我同個stylist都o係度笑~
剪緊果陣, 我冇出聲, 冇笑啦, 個stylist同ivan就以為我唔鐘意個髮型, 所以black左
我唔笑果陣係咪真係咁惡呀....咁剪緊果陣我地又冇講野, 唔通都要keep住笑咩?
反而我係幾鐘意個髮law, 佢剪完之後勁幫我噴野
我心諗, "好呀~噴啦噴啦~我想學下點噴野呀~最好噴晒果支tim呀!"
之後出到去, ivan同我講, 條友痴線, 真係想噴晒果支, 咁洗噴咁多下.....=.=, 真係唔知講咩好喇.....

咁剪完個頭, 就去搵果間neway啦, 我地o係尖果果度行左幾個圈都搵唔到
之後終於搵到喇, 仲見到有人o係果條街拍戲tim!
見到有阿叻, 王合喜同一個唔知叫咩名但係我認得佢, 佢成日都做差佬架
咁我地就梗係冇企o係度睇啦, 之後ivan走, 我叫佢攞埋袋野走啦, 咁我就上左去neway咯
一入去就見到suki, 斜望見到viva同penny坐左o係傾緊, 唔disturb佢啦, 咁我同suki傾傾下果陣,
就有人搞我隻winnie the pool喇, 原來係曾健, 嘩~真係好Q耐冇見喇
佢染啡左呢, 型左喎! 我都想染呀~! 不過唔係啡lu, 我想染紫or藍or黑, 你地冇睇錯, 係黑色~!
哈哈~咩啫~黑色斯文d乖d嘛~雖然我本來就係啫.....

之後我地就入左房啦, 好多人我都唔識gee, 係曾健d fd黎
都冇咩點唱歌, 玩多d~我都係想玩多d~可能今日去過唱k掛~同埋咁耐冇見佢地, 玩下咪仲好~
一入到去, 大家就同大佬乾一杯先~之後就玩lucky, 大話色呀, 果d啦, 不過lucky我同suki都唔係好識玩
玩到12點半, penny就話要送viva番屋企喇....玩到1點半, 我都走lu, 佢地梗係繼續啦~
ivan黎左接我, 我問佢有冇食到份三文治啦, 佢話d三文治有沙律醬好怪, 灰左=.=
咁三文治有沙律醬有幾咁奇呢....M記d包都有沙律醬啦....
算啦.....