2008 年 3 月 12 日  星期三

變態3人組XD

好耐冇見過嘅繪&詠同志XD 飯聚講閃光仍然係主要目的 (喂) 又係老地方朗豪FOOD COURT 又係開會開到十一點 又係一路講一路喪笑XDD 6月台灣之旅成行!!! 識到同樣敗家嘅詠某(喂)真係我嘅福氣XDDD 繪啊我絕對相信你最後都會一齊去架啦XDDD 變態之作 - GLOMMY THE POON

刊登時間︰2008-03-15 01:16 AM  [ 訪客留言(0) ] [ 編輯日誌 ] [ 分享至FACEBOOK ]

萬佛驚險之旅

今日完全係放假嘅心情XDDD 上完MAKEUP ENG一夥人去EURO GOGO 由2點幾傾到4點XDD 等到阿華返埋工 SINNI突然勁屎忽(你自己講嘅XD)咁講咗句 「不如上萬佛寺食山水豆腐花!」 就係咁 呢4位「奇人」就無啦啦向萬佛寺出發! 行到過去 見到一群好華麗嘅中國古式建築 仲見到龍龍口中 傳說中嘅登山電梯 仲見到隔離有登山覽車!!!!!!!! 4條友超興奮咁衝咗過去 個覽車仲要係自己操作!!!! 總之就成架LIFE咁!!!!! 興奮到喪咗咁塔咗上去XDDD 之後繼續行咗好耐都搵唔到傳說中嘅萬佛寺 SINNI姐仲要話「嘩呢度真係變咗好多」 結果一位工人突然行過嚟話 「你哋係咪搵萬佛寺? 行錯啦 成日都有人行錯」 ………………………………… (龍龍啊請記得同你個FD解釋清楚= =) 原來我哋去咗萬佛寺隔離嘅寶福山=_______= 上萬佛寺條「小路」係隔離!! 有個勁「大」嘅指示牌放係路邊眼大少少都會睇過龍 真係屎忽到喊XDDDDDDDDDDDDD 好啦行返條正路 對呢4位已經讀咗2年半IVE嘅朋友嚟講 上去嗰條千級樓梯真係有如地獄= A= 不過OK 我哋有嘅係志氣!!!! 而且仲有金銅五百漢嘅陪伴XDD 死死氣咁終於上到去 目的地幽靜之餘仲風光如畫 不愧為佛門清靜地 閒時上來淨下身都唔錯(才怪) 感慨完一倫就去搵我哋嘅山水豆腐花 去到間嘢空無一人WO 仲有D頹頹哋 終於見到有個管理員 一問之下 「啊 間嘢收咗啦」 ………………………………… OK 咁就出去坐陣休息吓! 又坐係度吹下水啦 再周圍行吓 時間已經差唔多太陽落山 即刻動身落山 (入咗黑同五百漢為伍實在恐怖) 去到大門口 上咗鎖 ………………………………… 4條友即時慌到阿媽都唔認得!!! 周圍又好似一個人都冇!!! 即時跑去頭先管理員度 遠睇嗰度仲好似冇埋燈!!! 成個腦就剩返 「出唔到去點算!?!?!?」 「我應該瞓邊?!?!?!」 「我唔要成晚都對住成堆佛啊!!!!!」 真係好驚嚇!!!!!!!!!!!!! 好彩過到去管理員仲喺到…(呼) 然後就開鎖落返山 就係咁 第一次去萬佛寺嘅我 呢日就係我對萬佛寺嘅印象=___= 不過今日整個心情就好似去郊遊咁 真係好鬼開心架其實都XDDDD 之後去返新城市 不死心地都係要上滿記食返碗豆腐花XD 仲喺隔離CD舖免費攞咗EASON同力宏嘅預購禮(驚) 搞到成7點先出發去MK XDDDDD

刊登時間︰2008-03-15 01:07 AM  [ 訪客留言(0) ] [ 編輯日誌 ] [ 分享至FACEBOOK ]

2008 年 3 月 9 日  星期日

死守粉嶺!!

一家人去咗柏麗灣參觀 啊啊我仍然會死守粉嶺XDDD 嗰度有個地方好多人 就係最無謂的第七天拍攝地 然後又有好多人帶狗散步 之後D狗又係咁吠 啊 好鬼嘈!!!!!!!!!!!!! 環境其實係好正嘅= W= 公公婆婆美麗在於 努力活過來嘅歲月留痕毫無保留地在面上展示著驕傲的歷史

刊登時間︰2008-03-15 01:53 AM  [ 訪客留言(0) ] [ 編輯日誌 ] [ 分享至FACEBOOK ]

2008 年 3 月 8 日  星期六

再織城市@深圳 (多相注意)

大陸勝在地方夠多 可惜亦敗在地方太大… 一個展館去另一個展館竟然要行20分鐘 而且指示極不清晰 雖然展品都叫多而豐富 不過…嗯 有待改善 第一個展區位於一個由工廠改成嘅藝術區內 (又勾起對798嘅期待) 入面嘅建築都係新興設計 但亦同時有種過於新興嘅感覺… 就是太過over 失去咗一種平衡… 頹哂= = 好青春啊XDDD 少林寺唔知幾多黃人 塗鴉好靚!@@ 好好玩XDDDDDDDDDDDDD 騷擾O華像 (喂) 謎之影相姿勢冇實際XD D麻雀夠數嘅話我哋可能唔駛走XD 玩得架!!!@@ 原來唔坐得之後俾公安罵XDD 死啦好Q似!! 原來係發泡膠- 3- 與人對話(?) 好恐怖Q口Q 又頹了XD 我俾嗰兩個波夾親T^T 呢間粥舖真係…唉 中國啊中國 文教可是一個國家的基礎啊= = 此為一個喺隔離嘅陶藝展 好核突=皿= 好誘人我好愛XDD 第二展場 於20分鐘路程外 行到去先知原來有單車借……= = 滿滿印仔 你就是我的天使… 再築城市 沒氣了沒氣了…… 一聚團友 之後去咗新書城 連大陸D書都貴哂 而且仍然好多塵…… 食埋味千(大陸好好食又抵!!@@)就返香港 攰到極點………

刊登時間︰2008-03-15 03:51 AM  [ 訪客留言(0) ] [ 編輯日誌 ] [ 分享至FACEBOOK ]

2008 年 3 月 7 日  星期五

三人行必有嘢食 (誤)

久違的三人飯聚XD 最近個個都好忙呢… 今次去咗試上次同葉食SHUSI間日本嘢 (間嘢真係叫「夢」咁煽情?!) 佢其他嘢真係唔差WO! 個鍋都幾大 不過真係好少選擇=W= 而且D店員實在有點那個= = 又收集到兩枚!!XD 之後又係去我家開會XD 同輩中有認識嘅生仔了 啊真係覺得自己又老咗… 繁忙中偷偷享受的快樂一夜:)

刊登時間︰2008-03-15 12:16 AM  [ 訪客留言(0) ] [ 編輯日誌 ] [ 分享至FACEBOOK ]

明日遙遙

2005年嘅某一天 我突然發現自己各方面都非常缺乏 所以開始 以各種我所知嘅途徑試圖充實自己 有興趣嘅書就買(睇咗未另一回事) 有興趣嘅show就睇 好聽嘅CD就買(結果要儲錢買埋音響) 值得嘅WEBSITE就定期CHECK 到2008年 唔清楚自己多咗幾多 或者根本就少咗 但 總算安慰到一點自己 雖然無法滿足整個自己 實際上 我思路依然狹窄 世界依然渺小 未來可以改變幾多? 一直以來 自己嘅能力不特別差 亦不特別好 不時嘅不安與妄想 彷彿叮噹從口袋攞出縮小電筒 一遍一遍向我照射 那種難受嘅數碼光令我頭暈目眩 腦袋微小得連FINAL PROJECT嘅TOPIC都無法定好… 結果那個TOPIC 大家嘅都好面向世界 而我嘅 終究面向我自己 其實我只想自己可以做得開心 先諗咗個一切都可以順自己意嘅TOPIC 早就講請當呢個PROJECT係出面D JOB 根本冇一份可以順自己意 根本上 我連自己意係咩都睇唔清… 平平淡淡咁過普通人生的確是種福氣 現在嘅我每日都過得自得其樂 很幸福 很充裕 我一直都很慶幸 雖然每一日都有那一點點不甘心… 我愛好捕捉雲 從來只有雲可以令我毫不懷疑咁揪出相機 因為那一層層與自己大不同 每日都千變萬化 或許於之上 有著我敬仰嘅一切…

刊登時間︰2008-03-07 02:02 PM  [ 訪客留言(0) ] [ 編輯日誌 ] [ 分享至FACEBOOK ]

2008 年 3 月 5 日  星期三

閒時放縱吓

突然同葉去元朗唱k 仲要陪埋去做衛生署工作O0O 呢份工都真係幾無聊… 仲無聊過我份老翻XD 晚上葉陪返我食DINNER 終於試咗粉中新開嗰間日本嘢 迴轉D味真係麻麻 D飯仲要係迷你SIZE 最緊要係個路軌轉動速度極慢= = 希望間嘢睇到我張意見書可以改善吓:P 不過拉面真係唔錯 而且後面枱個牛肉鍋望上去好大!!

刊登時間︰2008-03-07 01:29 PM  [ 訪客留言(0) ] [ 編輯日誌 ] [ 分享至FACEBOOK ]

2008 年 3 月 4 日  星期二

流感真係咁勁?!

昨晚係火炭都係畫唔哂幅color 畫到心灰意冷… 結果今日兩個turtor都病哂 仲要去到太和先知= = 不過都好反正drawing都未畫哂:p 發現好需要重新練練drawing skill*口* 尤其係color方面…(倒

刊登時間︰2008-03-07 01:24 PM  [ 訪客留言(0) ] [ 編輯日誌 ] [ 分享至FACEBOOK ]

2008 年 2 月 29 日  星期五

FINAL

information design project仍未final final project就開始揀了 top-up deeger都開始不斷hard sell 我突然強烈感受到何謂前路茫茫……

刊登時間︰2008-03-01 01:58 AM  [ 訪客留言(2) ] [ 編輯日誌 ] [ 分享至FACEBOOK ]

2008 年 2 月 26 日  星期二

homebase之用處

毫無預境下過咗於homebase嘅第一個通宵@__@ (結果都係冇帶牙膏牙刷T AT) my位置 室友1: kying  室友2: sinni姐 室友3: 龍龍  室友4: tad少 去M記食晚餐時 無啦啦俾某人話我越來越似小飛飛!!! 仲要講得好認真!!!!!(暈) 原來一班人一齊通宵做嘢真係可以集中好多~ 可以一齊大聲聽歌大聲唱歌XDDDDDD 而且係唱BEATLES囉!!! 做到悶就一齊hea吓~ 仲要睇埋哂d盧廣仲樣衰版vitasXDDD 專注時又會一齊專注~ 好有效率咁充裕時間完成所有工作!!! 滿有成就感=W=~ 雖然去到4,5點嗰個位真係好想死= = 仲要冇啦啦M到… 個魯肉飯又冇咗 (泣) 走前一聚睡眠不足合照XD 一晚通宵嘅成果 6點幾嘅日出 清晨嘅空氣的確係分外清新 令人攰得嚟又不得不精神(?) 回家沖好涼瞓飽飽就返去PRESENT homebase真係唔錯-w-~~

刊登時間︰2008-03-01 12:52 AM  [ 訪客留言(1) ] [ 編輯日誌 ] [ 分享至FACEBOOK ]