2008 年 3 月 30 日  星期日

牛棚開棚日

牛棚比想像中細好多好多… 由頭行到尾唔駛3分鐘嘅細!!! 不過地方都OK特別 好想知之前係咪真係養牛用XDDD 唔算多嘢睇 可能我哋來得太遲… 而且ART人始終係有D串呢=w= 同行人露比 難得可以喺地下大畫特畫=w= 呢個勁嘢!! 原來對面就係傳說中嘅十三街 參加咗個莫名其妙嘅聲樂探索… 我哋嘅晚餐!XD 正!

刊登時間︰2008-04-04 11:42 PM  [ 訪客留言(0) ] [ 編輯日誌 ] [ 分享至FACEBOOK ]

2008 年 3 月 29 日  星期六

家

突然想貼吓自家樓下附近嘅景致XD 大家見識吓何謂鄉下!! 箭頭就係我家 簡直世外桃源到唔想走!!!! 我會喺呢度終老!!XDDDDDD

刊登時間︰2008-03-30 01:43 AM  [ 訪客留言(1) ] [ 編輯日誌 ] [ 分享至FACEBOOK ]

2008 年 3 月 28 日  星期五

負離古XD

晚上同久違嘅BABY古打邊爐! 冇見咁耐竟然負離咗一頭長髮!! 靚女咗靚女咗XDDDD

刊登時間︰2008-03-30 01:39 AM  [ 訪客留言(0) ] [ 編輯日誌 ] [ 分享至FACEBOOK ]

那個去向

參觀CHANEL mobile art時 館內突然跳fuse 等待恢復正常嘅時間 又突然咁談起未來去向嘅問題 過咗少少日子 原來大家嘅決定又改變咗少少 像我就決定咗去演藝修舞台 但我會說 呢3年讀嘅一切還是必須 雖然令我對hk design呢行心灰意冷 但對design嘅本能 正如小克所說 對日後嘅自己仍然係非常有用必要 更重要嘅係 呢3年令我明白到 我不適合喺香港呢個沒野心不成事 有野心亦未必成事嘅design界生存…

刊登時間︰2008-03-30 01:37 AM  [ 訪客留言(0) ] [ 編輯日誌 ] [ 分享至FACEBOOK ]

爸爸媽媽

第一次跟爸爸媽媽早出門 爸爸每天都衝去幫媽媽排隊買早餐 送給媽媽吃後再衝回中環公司 下雨天 還是不變的排隊送早餐再回中環 爸爸說過 自己一生匆匆忙忙 年紀輕輕便因文化大革命受盡各種苦難 所以現在的他經歷過了 便什麼也不怕 什麼也甘願　只要能為大家好的 所以他很感謝媽媽 不介意自己一直送錢給老家 所以現在的他很知足 願為這個家做任何事 縱使有時媽媽會有一點要求過多，無理取鬧 縱使有時我們實在不聽教，很惱人 我想 這就是所謂的夫妻　所謂的親情吧？ 看著爸爸快步過來的身影 眼眶突然熱熱的 看著媽媽微笑接下菠蘿包加熱奶茶 就和爸爸一起衝下地鐵站 淚水始終轉轉轉沒滑下來 我說過　因為人間太多美好的事物 我絕不想早死 但如果是為了這幸福的一切 什麼生生死死的　又算什麼？

刊登時間︰2008-03-30 01:30 AM  [ 訪客留言(0) ] [ 編輯日誌 ] [ 分享至FACEBOOK ]

2008 年 3 月 27 日  星期四

韋氏風雲

結束咗惡夢般嘅3日 一個人晃咗去電影中心 換咗張《韋氏風雲》戲票 我一向唔清楚印巴局勢 但最後一句 「我建立了起點，    卻從來沒有終點。」 突然明白到抗戰人物嘅心情 喺同一個家長大 點解呢個世界會去到WAR IS OVER嘅地步? 係自然定律 定係人心險惡? 抑或 係地球嘅自我調整…? 一星期嘅時間 冬天被春天吸去 黃葉墜落枝頭長出綠嫩 冤冤相報何時了? 迴迴而生出世入土而再生 對啊 這世上 從沒終點這回事

刊登時間︰2008-03-30 01:14 AM  [ 訪客留言(0) ] [ 編輯日誌 ] [ 分享至FACEBOOK ]

2008 年 3 月 22 日  星期六

廣州

一直落雨…沒法去動物園Q_Q 拜拜爺爺和十叔 不知不覺十叔去世3年多了… 時間一星期過得好快, 一個月過得好慢, 一年過得極快… 這3年來 十嬸應該同東叔註咗冊 家宜仲有一年就讀完大學 嫲嫲信咗基督教 喺不太遙遠嘅廣州 時間依然毫不留情狠狠流逝… 廣州D嘢食真係好抵又好食啊頂!!!!

刊登時間︰2008-03-30 12:35 AM  [ 訪客留言(0) ] [ 編輯日誌 ] [ 分享至FACEBOOK ]

2008 年 3 月 19 日  星期三

High School Musical

好耐冇見嘅迪迪尼!!! 放假第一日專情入去睇歌舞青春~ 等睇前突然咁玩咗個太空船 自high狀態 冇想像中咁好睇… 期待太高:( 係咪練得太急呢? 整個show都跳得好唔齊… 都係新年個stage show正d XD 晚上又見變態三人組 今次變喺M記 真係爆爛GAG笑到抽哂筋XDDD 而且為愛而生嘅米老鼠實在太萌!!!! 喺平日緊繃嘅project以外可以咁喪笑吓實在太好了=w=

刊登時間︰2008-03-21 05:13 AM  [ 訪客留言(0) ] [ 編輯日誌 ] [ 分享至FACEBOOK ]

2008 年 3 月 15 日  星期六

花卉展覽

好突然咁去咗花卉展覽 星期六好熱好多人=__=差唔多堆堆花都有一堆人圍住 都唔太影到相… 不過咁多花一次過塞入眼球嘅視覺感受 喺香港嚟講實在特別=w= 唔…但我興味始終唔在影花… 大炮展示區

刊登時間︰2008-03-21 05:03 AM  [ 訪客留言(0) ] [ 編輯日誌 ] [ 分享至FACEBOOK ]

2008 年 3 月 14 日  星期五

嗄嗄嗄

發洩似的喺開益掃咗4個印花嘅書 喺一堆書前頭腦異常清醒又不清 攞起再放喺手有如一種本能 大腦嗰10%使用率中有80%被final project殺死 搞得連思考買唔買都難以做到 結果那剩吓嘅20%叫我鐘意就買 理智原來已隨死去嘅80%中消散 剩下嘅叫作常識 當然無法將我控制住 原來我面對壓力就只有購物敗家購物敗家 啊… final project令我對design呢行心生厭倦到達頂點 厭惡MK的所有 只愛信和開益跟十元店 (喂) 我果然是敗家仔XDDDDD

刊登時間︰2008-03-15 02:03 AM  [ 訪客留言(0) ] [ 編輯日誌 ] [ 分享至FACEBOOK ]